|
النفسية تعبانه من هالوظيفة .. محتاجكم في طلب !
السلام عليكم ورحمة الله وبركاته كيفكم ان شاء الله تماميز انا قررت افصل من وظيفتي من احد البنوك والسبب ! *- اسمي غير متواجد بوازرة العمل ! *- اسمي غير متواجد بالتامينات ! *- لايوجد لدي اجازة سنوية :z *- الراتب 2500 ريال :( .. *- لايوجد لدي تأمين طبي !! *- قسمنا الوحيد اللى يداوم خميس من كل بنوك السعودية !!!!! * لو اجلس 30 سنة ما اعطوني خبرة لان اسمي غير متواجد بالتامينات ولا حتى وزارة العمل الصراحة كتبت انا احد المواضيع في هذا القسم قبل تقريبا شهرين عندما توظفت في احد البنوك وقالوا لي بعد 3 اشهر يتم ترسيمك ! ومرت الـ 3 اشهر وجددو العقد معااي بعد التجديد اتضحت ان لاهناك زيادة بالراتب ولا حتى اجازة اخذها ! علما بعد الـ 3 اشهر وبعد تجديد العقد انا بصراحة انصدمت كنت مجتهد بالدوام بالاحضور والانصراف وكنت اول 3 اشهر من افضل الموظفين في البنك ! والسبب علشان اثبت نفسي لكي اترسم ! لاكن للاسف بعد التجديد ماصرت اهتم وصرت اداوم براحتي ومرات لا اداوم :( حطمو امنياتي بصراحة وحاليا باقي شهرين ندخل فترة الصيف . وكلنا نعرف ماهي حرارة شمس الرياض :( علما في البنك ان هناك مواقف متخصصه ! لاكن لمممممن !! للمترسمين ! ياجمآعه الخير المواقف قسسم بالله انها فاضيييييييييييييية :cry: وسياراتنا كل يوم احصلها بالحجز :u ولا مصدمه من الجوانب :b ومرات اوقف السيارة مقابل البنك واقطع طريق من اخطر الطرق في الرياض :c والحمدلله مرة كنت بتروح ضيحتي في ذاك الشارع :( ولكن الله ستر :( وانا بصراحة نفسيتي بذا البنك طايحه ومرات اتعب والسبب الاهل :( الا اجلس فيها بالغصب ! يناس من قوة النفسية مرات ادعي على نفسي بالموت :( والسبب : نعرف مصلحتك ! :( يناس لو عرفتو مصلحتي ماكان رفضتو البعثة اللى وصلت لي لعند الباب :cry: انا بصراحة تعذبت وتبهذبت بذا البنك وعندي احساس ما راح اترسم بنسبة 100 % والسبب هناك موظفين لهم 5 سنوات ماترسمو :z ولديهم شهادات افضل مني بكثير انا لدي شهادات حاسب الي وقالوا هذي ما راح تنفعك حاليا الا عند الترسيم !! راح اكمل دراستي انا افضل لي بصراحة ع حسابي وفكرت ادرس دبلوم شبكات ابغى منكم واحد فيكم يضبط لي خطاب فقط انسخه واروح الصقه اطبعه واعطيهم اياه توضح الحاله اللى ذكرتها لكم فوق من معانات المواقف والراتب والترسيم و و و و والله لايهينكم وجزاكم الله خير |
خيراً تفعل ,
لأن كل رواتب البنوك ربويه وحراااام .. ومن ترك شيءً (لله) , عوضه الله خيراً منه .. |
اقتباس:
الله يعين ! |
الله يكون في العون
|
والله انا اقول اذا كان ربوي اتركه والله بيعوضك احسن منه
|
كان الله في عونك أخي الكريم.
ماهي طبيعة عملك بالضبط لو تكرمت؟ |
[align=center]
يالغالي حل عندي بأذن الله شف أترك هذي الوظيفة أول شيء ( لله ) وحده وبفتح الله لك رزق من عنده ولا تنسى أنك تستغفر وتكثر من الدعاء ما أشوف اي شيء يخليك تجلس بهالمعانه الي أنت في غنى عنها يالغالي أول شيء راح تكسبة هو راح البال الي لك من زمان ما ذقت طعمها توكل على الله وأستقيل ودور لك على وظيفة أحسن منها والله كريم قال صلى الله عليه وسلم ( أن الله يستحى أن يرد يدا عبده صفرا) عليك بالدعاء ونا خوك والله يرزقنا وياك من وسع كرمه [/align] |
كنت متصفح
وبعد قراءتي لمعاناتك قمت بتسجيل الدخول عزيزي لا املك لك سوا الدعاء وثانيا راح اسوي خطاب بخبرتي المتواضعه ان شاء الله يضبط سعادة مدير بنك ( .. ) فرع ( .. ) المحترم السلام عليكم ورحمة الله وبركاته بهذا افيدكم بأنني فلان بن فلان الفلاني ( اذا فيه رقم وظيفي تكتبه ) ومسمى وظيفتي هو ( .. ) وتاريخ مباشرتي للعمل بتاريخ ( .. ) وافيدكم بأنني لم احصل على ابسط حقوقي بالبنك وهي انني لم يدرج اسمي ضمن موظفين البنك في التأمينات الاجتماعيه وفي مكتب العمل . انا عملت بالبنك اكثر من ( ) سنه ( ) شهر وكنت طيلة فترت عملي اقوم بواجبي على اكمل وجه اتمنى ان تنظر لي كبقية الموظفين واعطائي المميزات التي استحق مقابل جهدي وعملي وخدمة البنك اسمك : التوقيع : هذا الي طلع معي وكتبته على السريع وان شاء الله الشباب يضيفون او يعدلون دمت بخير |
الله يكون بالعون ..
آآآآآه ,,, والله إني حاس باللي تحس فيه أنا بعد كنت موظف بالبنك الأمريكي , أنواع المعاناة ... ههآآآي لا وخدمة عملاء بطاقات إئتمانية وتسويق هههههههههههههههههآآآآآآآآآآآي حلها يبوي حلها !! أنواع العملاء والمهاوش والعميل اللي يزرف منه البنك يجي يهاوشني أنا كأني أنا اللي زارفه مايدري إن راتبي 2800 لاعبين علي قايلين لي راتبك 3500 ... آآآآآه يالقهر ضاع عمري وأنا كنت متأمل بهذيك الوظيفة خير ! لكن الله كريم .. |
اقتباس:
اكيد ربوي فـ جميع البنوك كل رواتبها ربوي متسحيل تحصل بنك راتبه حلال :c |
| الساعة الآن 08:50 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين