ابغى وظيفة ادارية بمدرسة حكومية
 

ابغى اعرف كيف اتوظف اداريه بمدرسة حكومية
قهر والله جامعية تربوية وخبرة اربع سنين بمدارس اهلية وشهادة حاسب وشهادة ادارة مدرسيةا:confused: :cry:

ثواني واجمع لك المعلومات اللي تناسب تخصصك

ثواني واجمع لك المعلومات اللي تناسب تخصصك

ثواني واجمع لك المعلومات اللي تناسب تخصصك

هلا عاطله شوفي ياقلبي عندي كذا مكان لك وانتي براحتك وان شاء الله تناسبك
مدرسه بغرب الرياض(ظهرة البديعه) طالبين الحين إداريات
وكمان مدرسات جميع التخصصات من ضمنها مدرسه حاسب الي يعني ياستي هذي فرصه لك اداريه او مدرسه
وهذا ايميلهم تبع المدرسه azhaarysch@gawab.com


وهذي مدرسه بشرق الرياض يبون مدرسه لغه انجليزيه وطالبين ترسلين سيرتك ومعلوماتك على ورقه وحده وهذا رقم الفاكس 4458800


وهذي شركه اسمها مجموعه اضطراب فرط الحركه وتشتت الانتباه(مدري وش هالاسم ولا وش هالشركه غريب اسمها)
المهم طالبين منسقه ادارية لاعمال المجموعه
ومشترطين تعرف انجليزي قراءة وكتابه وتستخدم حاسب الي وتقدر تطبع اربعين كلمه عربي وانجليزي في 40 ثانيه(مدري وش الفايده من هالشرط)وقادرة على التواصل وتنميه العلاقات وتلتزم بدوام كامل
طبعاً شروط تعجيزيه بس انتي اكسري راسهم واثبتي وجود وهذا رقم الفاكس تبعهم وياقلبي طالبين ترسلين سيرتك على ورقه وحده(الكسل ذابحهم ماودهم يقرون اكثر من ورقتين)4423435


وهذي كمان شركه طالبين موظفات متخصصين ادارة (موارد بشريه او ادارة اعمال او محاسبه)وهذا الرقم 2784825


وهذا معهد طالبين مديرة لمعهد ومدرسه لغه انجليزيه بكالوريس وخبرة
وهذا رقم الفاكس حقهم 4227742


هذا اللي عندي وقدرت اجمعه علشان يناسب تخصصك وما ابي منك ياقلبي الا الدعاء لي بالوظيفه الزينه

أختي عاطله معمره .. عليكـِ المغامره في إدارة التعليم للبنات .. والله يعينكـِ على نقل الوظيفة لمدينة أخرى .

أو إذ تم إصدار ميزانية الدولة في شهر ذو الحجه أتجهي لإدارة التعليم .

الله يوفقك اختي

الله يعطيكم العافيه

شوفي ياأختي اذا تبين مدرسه حكوميه فهو التقديم عن طريق الديوان او مركز الاشراف التربوي التابع لوزارة التربية والتعليم شوفي اقرب فرع لك وكلميهم او روحي لهم

انا جربت حظي وما نفع الديوان حاليا ما عندهم مركز الاشراف التربوي الي رحت له قالوا مكتفيين

يا سلام على التعاون تشكرون على هذا الجهد الرائع وين الدولة توظفكم