} .... يـاأبـيـض & ياأســود ...
السلام عليكم ...
كيفكم ان شاء الله بخير .. بدخل في الموضوع على طول ... جاني هندي وقال ابي عدد ثلاث سيارات ( فانات ) وأعطيك مبلغ معين كل شهر والقير والمكينه عليك والباقي علي .. المبلغ تقريبا ( 1000 ) .. والسيارات اللي بشتريها له موديلها تحت 2005 .. يعني تقريبا كل سياره بـ 20 الف ريال .. واذا السياره نظيفه وموديلها فوق 2005 أو ثلاث مراتب بأجرها بـ ( 1500 ) طبعا الهندي ثقه وأعرفه زين والسيارات له ولإخوانه .. الموضوع الثاني .. نطيطات وملاعب صابونيه العامل جاهز وسيارته جاهزه والبضاعه بتكلف 20 الف ريال تقريبا ( طبعا كلها مستعمله استعمال نظيف ) .. والصيف هو أفضل وقت لمثل هذه الألعاب .. راس مالي 40 الف ريال .. نقاط مختلفه .. 1) الفانات راح ينزل سعرها في العطله الصيفيه .. ( هل التأخير راح يفيدني مع اني ماأضمن الهندي لو حصل أحد غيري ) 2) الملاعب الصابونيه ذروتها في الصيف يعني تقريبا راح تأجر كل يوم ورا يوم على الأقل 3) عدم وجود وقت كافي .. أتمنى من الكل إبداء الرأي حسب نظرة كل شخص .. ودمتم ُُ:w |
شكل محد يبي يرد ...
بس عناد لكم بخليه يجي اول موضوع ... هع |
كلمه ولو جبر خاطر !!!
|
[align=center]خطأ واكبر خطأ .
ليه تعطي كل شي العامل ولايشاركك هو في راس المال ؟؟!! ياشباب ويابنات هذي نصيحه لكم من ذهب : اي احد بتشتغلون انتم وياه او بالطريقة هذي الل ي كتبها اخونا صاحب الموضوع , لازم يشارككم في راس المال يعني يشارككم المخاطره .. الى متى الثقه العميا في الاجانب الى متى ؟؟!! يااخي ابدأ بسيارة واحده زي ماكتبت فوق قيمتها من ال 20.000 ريال وحولها .. ووزع رقمك في النت وعلى شكل استكرات في الاماكن العامة وخل البضاعه في البيت .. وجرّب حظّك اذا مشت امورك افتح محل للتسويق وجب عامل او اثنين على كفالتك وبراتب ... موفق ان شاء الله . [/align] |
السيف والرمح .. اول شي مشكور على ردك وصدقني ردك يكفي عن باقي الأعضاء
بالنسبه لتشارك العامل معي راس المال .. برد عليك حسب موضوعي .. الهندي اللي يبي السياره لو كان معاه فلوس شرا السياره لنفسه وأشتغل عليها لكن هو مامعه فلوس وانا عارف انه بيشتغل على سيارتي مده معينه يجمع فيها فلوس ويشتري سياره خاصه فيه .. الا اذا كنت معشمه في حاجه تخليه يجلس معاي أطول فتره ممكنه وانا قايل له راح أفتح مكتب توصيل طالبات وبوفر السيارات وانت تدخل معاي بالسواقين والإشراف عليهم ولك نسبة حلوه على كل فان .. واما العامل حق الملاعب الصابونيه .. بيشتغل بدون راتب بس له نسبه 15% من كل مره يأجر فيها المعب او النطيطه .. وسيارته معاه وبنزينه عليه بس انا راح أطلع له جوال وأسوي الإعلانات مثل ماتفضلت .. ع العموم مشكور على ردك مره ثانيه والله يرزقني ويرزقك و المسلمين أجمعين |
الله يوفقك ويرزقك هذا الي اقدر اضيفة لاني مالي خبرة بذالامور
لكن نرفع لك موضوعك |
الله يرزقك ويوفقك
|
رد: } .... يـاأبـيـض & ياأســود ...
اقتباس:
|
الساعة الآن 04:33 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين