اللي عنده فكرة عن "التوصيل" معلمات طالبات طلاب ....الخ
السلام عليكم ورحمة الله وبركاته
صبحكم الله بالخير يالربع كلمني قبل فترة شخص عاطل "مصري" والرجال توه مطلع رخصة سواقه يقول ابي اي شغله !! يقول دبرني انا افكر اني اوفر سيارة توصيل او اجرة او اي شي مرتبط بطلب الرجال ونتقاسم الفوايد او نتفق عليها باللي يرضي الله ثم يرضي الطرفين احد عنده خلفيه عن الموضوع يساعدنا الله يرضى عليكم |
اولا انحش عن المصاريه يرزقك الله
ههههههههههه ثانيا خدمة توصيل الطلبه والطالبات او المعلمات فكره مربحه ماشاء الله وبالتوفيق |
يالله حيهاا
من ناحية مصاريه ماعليك ماسكه من اليد اللي توجعه وعارف التعامل معهم لكن ابي فكرة المشروع لا هنتم والله يوفقنا ويرزق الجميع |
اخوي انا لدي اجره وماجرها على مصري بجده وكل شهر يعطيني 4500 ريال حقي والباقي له .. ويطلع بالهبل
خاصه بالرياض والشرقيه اغلى من جده.. انصحك بالاجره واتفق معاه على مبلغ.. او جيبه عندي بمحل الجوالات اشغله >> خخخخخخخخ |
حياك الله يا عبادي انت من اهل جده ؟
وبالنسبة للاجره اقدر اطلع من احد المعارض موتر بتقسيط ميسر لسيارات الاجره ؟ وماعندي مشكله أأجره عليه وانا قريب جدا من الرياض بيني وبينها 60 كيلو ! |
اقتباس:
|
اخواني انا اتعامل مع نااس عاديين بس لهم خلفيات..
كبعا ماكنت ادري عن هالشي ابد بس جاني واحد مصري قالي انا عندي رخصه وابي سياره اوصل قلت له لو اطلع لك ليموزين كم تعطيني كل شهر والباقي لك قال 4500 قلت اوك الرجال يطلع اكثر من 6 الاف ماشاء الله..\لانه شاطر يتفق مع ناس يوصلهعم مشاوريهم خااصه ... اخوي اطلب منه مثلاا 3500 حلو وبعد كدا شهر زود المبلغ .. السياره عاادي خذ لك النترا 2006 ب 15 الف لون ابيض واقلبها اجره كلها ب 500 ريال وانتهت السالفه ... |
والله انها فكره حلوه وكويسه وانا والله لو القى لي شخص يشتغل على سيارتي ويعطيني يوميا 150 ريال رح اتفق معه على طول يعني فرصه حلوه ي هواجيس لاتضيعه
وانا اعلمكم من واقع تجربه في التاكسي اول شي انا معي سياره خاصه واشتغل عليه في مكه بس انا ماشتغل هذاك الشغل فـ يوميا ادخل 150 ريال او 100 ريال وهو لو يدخل يوميا 150 تصير في 30 يوم 4500 يعني هو يدخل تقريبا 300 ريال في اليوم ويقسمه بينك وبينه ويمكن يدخل اكثر على العموم الله يرزقك ويسر لك |
لاهنتم يالربع
وعلى فكرة الرجال له خبره اكثر من 8 سنوات في التاكسي في مصر يعني اتوقع لو بيستلم سياره هنا بيقلب قوقل ايرث من كثر معرفته للخطوط والحواري عالعموم بيض الله وجيهكم وبتوكل على الله اهتم في الموضوع بارك الله فيكم |
سؤال : لو يحصل شي للسياره لا سمح الله من سرقه او حادث او مشكله امنيه من يتحملها ..!
اقدر اوقع معه اتفاقيه معينه تمنعني من المشاكل ذي ؟ |
الساعة الآن 04:21 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين