اصحااب التموينات ارجوو الدخول للأهمية ....
 

السلام عليكم ورحمة الله وبركاته

كيف حالكم يا جماعة الخير ان شاء الله طيبين ...

رزقنا الله واياكم كل خير .. يا جماعة انا فيه زميل لي يبي يبيع بقالته علي وانا ابيها وانا غشيم بالشراء ولا اعرف الاسعار وكم تسوى وهل سعرها مناسب ولا غالي وكيف اقيم سعرها ..

هي على شارع 30 قريبة لجامع .. فيها عاملين طبعا مأجر البقالة عليهم والايجار مو رخيص يمكن 15 بالسنة ... فتحتين لكن صغيره يعني يمكن مساحة البقالة كلها 3 في 5

سبب البيع انه راح ينقل ولا راح يقدر يتابع ...

ارجو يا اخوان الي عندهم تموينات وخبرة واشتغلو فيها او عندهم يفيدوووني

يعني خمسة عشر الف ف السنه ولا ؟

الايجار حق المحل 15 الف بالسنة يا بعدي

وانت كم تاخذ من العمال كل شهر يابو سلطان ؟

انا بطلع ولي رجعه

العمال متفق معاهم 3 الالاف بالشهر ...

يعني اخصم توفير الايجار 1250 يكون صافي الربح 1750 ريال

أول شيء هل طريقة التعامل مع العمال بـ النسبة جائزة شرعاً أم لا

هذا أمر مهم لأن المكسب الحلال يبارك الله فيه و تكون دعوتك مجابة إذا دعوت الله لأن من شروط الإجابة أن يكون المأكل و المشرب حلال

ثانيا : لازم تعرف كم دخل البقالة يومياً لأنه يؤثر على سعر البيع

3- تقدر تعرف قيمة البقالة الحقيقية من مكوناتها - الثلاجات حقة البقالة و ليست التابعة لشركات التوزيع - الرفوف - البضاعة الموجودة بالبقالة .

4- هل موقع البقالة مناسب أو ممتاز أو ضعيف ، لأن بعض المحلات يبيعك الموقع و بعضهم يبيعك البضاعة ، أحيانا بقالة فتحة وحدة بموقع ممتاز يجيب لك دخل بقالة خمس فتحات بموقع عادي فهذا يؤثر على سعر البيع

الإيجار أحياناً مو مهم إذا كان الدخل قوي و المكسب جيد

بشرط يكون تعاملك و اتفاقك مع العمالة متقن و مضبوط تماماً و لا فيه اي شبهة شرعية

و لا تنسى إذا كنت أنت من سيتابع البقالة بنفسك أن وراك بضاعة لازم تجيبها بانتظام

و فيه شيء مهم بالبقالة و هو : لا تخلي البقالة ناقصه شيء ، لأن الزبون إذا جاء للمحل و لقى طلبه راح يعرف أن البقالة فيها كل شيء و تكون سمعة

كلام جداااا رائع ومفيد حقيقة اخوي بالنسبة اخوي التكلفة من صاحب المحل كانت الارفف طبعا وثلاجة وحدة بس والباقيات حقات الشركات طبعا سوى هو سراميك للمحل

وش الاشياء الي تحكم يعني مثلا افرض اني عرفت كل الاسعار والتكلفة وقيمة البضاعة الموجودة هل فيه حسبة معينة اعرف قيمة البقالة التقريبة ولا كيف ....

القيمة الحقيقية تتمثل في :

الإيجار إذا كان ساري المفعول + البضاعة + الرفوف + الثلاجات + مرفقات مثل برنامج حاسوبي أو كاونتر أو طاولة + ديكور إن وجد + الموقع إن كان ممتاز

و أحيانا يتغاضى البعض عن الديكورات الخفيفة و إيجار قليل المدة و الموقع العادي

المفروض هو يحدد لك مبلغ معين و يقول أبي هالمبلغ لأنه طبيعي بيزيد شوي كـ مكسب للبيع و يسمى هذا [ حد ]

لكن إذا ما حدد مبلغ ممكن يعطيك السومة إن كانت البقالة مسيومه و تفرق عنها شوي و تشتري

أو تقوله هذه قيمة مكونات البقالة هل ترضى بهالمبلغ و تتفاهمون على مبلغ مناسب للموقع و التكلفة للبقالة ؟

الخطوات هذه بالترتيب

و إذا كان الرجال زميلك فما أعتقد ستواجه صعوبة في الاتفاق على سعر خاصة و أنه لازم يبيع

فأنت اكسب الرجال و البقالة و حاول لا يزيد عليك و لا تنقص عليه

إذا كنت منتهي من مسألة التعامل مع العمال و سوف تسلمهم كل شيء و تتعامل معهم بالنسبة فمسالة الموقع و البضاعة لا تعنيك و أنا أبرأ من نصائحي لك مخافة أن النسبة فيها شبهة شرعية : )

أما إذا كنت ستتولى كل شيء بنفسك فلازم تدقق على كل شيء و تحرص على كل شيء و إذا كان الدخل ممتاز و الموقع ممتاز فلا تؤثر الزيادة القليلة في المبلغ الزين حقه فيه

الله يعطيك العافية اخوي سابع طير حقيقة كلامك جدااا مفيد واختصرت لي الشي الكثير

اتمنى لو اقدر اتواصل معك بشكل اكثر لو ما يضايقك على البريد tsg3000 ااات هوت ميل
لان حاولت اراسلك خاص لكن لا يقبل ...

تحياتي

ماقصروا الإخوان افادوك بالكثير

وتقدر تعرف سعر البقالة تقريبا

لنفرض سعر الثلاجة 10 الاف
والأرفف 5 الآف
والديكور 10 الآف
فتخصم 10% عن كل سنة هذا اهلاك

يعني لو الثلاجة مشتريها لها 3 سنوات
تخصم 1000 عن السنة الأولى
و 900 عن السنة الثانية
و 810 عن السنة الثالثة
فيكون سعر الثلاجة بوضعها الحالي 10000-1000-900-810=7390 ريال

وكذلك الرفوف يكون سعرها 5000-500-450-405=3645 ريال
والديكور كذلك 10000-1000-900-810=7390 ريال

والبضاعة لو فيه فواتير تحسب منها 25% عبارة عن بضاعة تالفة ومنتهي الصلاحية ممكن واستوك

فلو كان سعر البضاعة 50000 ريال يكون سعرها الحالي 50000-12500=37500 ريال

تحسب بالإضافة لذلك فواتير الكهرباء لو عليها فواتير تخصمها من السعر فرضا عليها فاتورة بـ600 ريال
تحسب الفيز لو على البقالة فيز ورسوم التجديد

رخصة البلدية لو منتهيه كم الغرامة وكم رسوم التجديد وتخصمها من قيمة البقالة

لو كان فيها سنه قدام تضيف رسوم سنه على قيمة البقالة

ارجوا ان اكون افدتك