|
مقابلة شخصية في شركة نستله .. أرجو المشاركة من الجميع
بحمد الله تم الاتصال علي وتحديد موعد للمقابلة الشخصية في شركة ( نستله ) الاسبوع القادم إن شاء الله ... الان أرجو من اخواني الاعزاء في هذا النتدى الرائع التوجيه والنصح والدعاء لي بالتوفيق في القبول في هذه الشركه العريقه . والشكر الأكبر لأميرة الورد التي أنزلت الإعلان سابقا في هذا المنتدى بعنوان ( مطلوب أطباء وأخصائيين لشركة نستله للجنسين^_^ جديد ) والذي عن طريقه أرسلت سيرتي الذاتية اليهم وتم بحمد الله الاتصال ... فارجو منكي خاصه إكمال هذا الجميل بالنصح والتوجيه في الخطوة القادمة .. ولك مني جزيل الشكر والتقدير وجزاك الله خيرا كثيرا ،،، مع تمنياتي لجميع إخواني العاطلين بالفرج القريب إن شاء الله. |
الله يوفقك ان شاء الله تستاهل كل خير
|
شاكر لك مرورك ودعوتك أخوي ملف معفوط ..
والي سوو مقابلات شخصيه لا يبخلون علينا بخبرتهم .. |
اقتباس:
ألـــــــف مبـــــــروك :) مبـــــــروك مبـــروك.. وأبشر ياطويــل العمر بأكمل معك الجميل وأقول لك كل شيء.. لأنـه على ما أذكر..سبق وقريت وشهي المقابله بهالشركـة. بس لاتسألني وين بالضبط لاني ناسيه من كثر ما اشوف*_* شـــف ياطويل العمر.. ركز معي زين وخلك كلك آذان صاغية:d أولآ: بالنسبــة لك.. 1/لازم تكون مرتـب ونظيف..وريحة عطرك يشمونها من بعد كيلو..وإذا كنت تدخن لاتدخن قبــل ماتروح للمقابله.. ولاتروح لهم وانت بفمك علك..;) 2/لازم يكون ثوبــك والشماغ مكــوي.. 3/لازم تكون على سنقة عشرة*_* يعني محــلق.. 4/ألبــس جزمه (وانت بكرامه ومن يشوف^_^.) لانها برستيج اكثر.. بشكـــــــل عام... 6/اهم شيء لازم تصــــــافح الي بيقابل معك (تصافحه بحراره ..مو لمسة يد ..اووكي امسك يده بقوه ..بس لاتكسرها عشان مايشوتك .. خخخخخخخ 7/اييييييه لااااااااااازم تكون مبتســـم طوول الوقت و 8 /وحط ببـــــالك انهم ممكن يستفزووونك انت خلك واثق ومبتسم ..ابتسامه خفيفه مو ابتسامه بتنشق منها خخخخخخخخ;) لان اسألتهــم إلي بيسألونك..بكل تأكيد: تكلمــم عن نفسك (انتبه لاتحكي قصه حياتك خلك رزين ومختصر...) ليش تبي تتوظف عندنا..؟!.؟ وش تشوف في نفسك عشان تتوظف عندنا.؟!؟ ليش انت تستحق هالوظيفه وش شايف في نفسك عشان تتوظف فيها.؟!.؟ يعنــــــــي ..لاترتبك ابد ..اهــــــــم شيء تكوون واثق من نفسك حيل.. ومبتسم.. ولاتعصـــب ابد.. صدقني هذي الاسئلــه.. وممكن يكلمك كم كلمه انجليزي... (على حسب تخصصك ..).. بس صدقني.. اذا كنت واثق من نفسك بيقبلونك..وحتى لو اخطيت لاااااااايهمك كمل عاادي كأنك ما اخطيت نهائي.. وترا اذا هي من نصيبك بيآخذزونك.. ترا مايبي لها كلافه ابد والله :) وقبـــــــــــــــــل ماتطلع اهم كلمه تقولها.. شكـــــــــــــــرآ واتمنى اشوفكم قريب ^_^ OK *_* |
الف شكر على ردك الوافي يا أميرة الخير ...
وان شاء الله بنفذ كل التعليمات الي قلتيها , وثقتي بالله ثم بنفسي كبيره .. بس الشي الي أخشاه أسئلة اللغة الإنجليزيه؟! لاني شوي ضعيف في الانجليزي .. بس ان شاء الله ما تكون دقيقه وصعبه .. واي شي ثاني ممكن يفيدني لا تحرمينا منه ... وجزاك الله خير على نفعك لاخوانك .. أدام الله عليك الصحه والعافيه. |
نسيــت اهم شيء*_*
الدعاء لك. اللـــه يوقفك في هذه الشركه يارب..وتتوظف فيها وتتيسر امورك فيها وتصير من احسن الناس فيها.. الله يسهل دربك وامورك..ويرزقك من حيث لاتحتسب.. اخوي.. ادعي ربي ان الله يكتبها لك.. وكن واثق كونهم دقــو عليك (خلاص..) الموافقه المبدئيه هذي معناتها انهم موافقين عليك ويبونك ومقتنعين بشهاداتك.. يعني هم مايبون يتأدون من شهاداتك ,, لانهم اقتنعــو.. واتصلو عليك.. الحين يبون الشخصية والثقه يبون يتأدون منها:) وانت قدها ان شاءالله ... وبالاخير اقول لك..استخيـــر رب العالمين.. ولازم تكووووووون مرتاح والاهم واثـــــــــــــــــق من رب العالمين (انا عند حسن ظن عبدي بي فليظن بي مايشاء:) .. خلك واثق من ربك وانا اختك*_* وتفضــل هذا ان شاءالله يفيدك:) اقتباس:
|
اقتباس:
هلا :) لا لا لا.. خلك ريلاكس ماعليك... بالنسبه للغه الانجليزية.. صحيح يحتاجونها بس ترا ماتتعدى حدود العمل..مع الوقت بتكون متمرس فيها.. بس انت خلك واثق وسوي إلي قلت لك عليه... وكل الاشياء إلي فيك ان شاءالله تغطي ماعليك*_* وياويلك اذا ما طمنتني وش يصير عليك ^_^ اوكي.. انتظر منك رسالة خاصه ..بعدين (بعد المقابله تخبرني وش صار عليك..) خلك واثـــــــــق وهادي لاتعصب عليهم اذا نرفزوك لاتعصب :) |
جزاك الله خير ...
معليش تعبتك .. بس سؤال مهم عن الوظيفه الي متقدم لها لو سألوني ماذا تعرف عنها ؟ يعني ما طبيعة عمل المندوب الطبي؟؟؟ إذا عندك فكره أو أحد من الأخوان يجاوبني .. وشكرا . |
مبرووووووك
والله يوفق ركز على المقابله الشخصيه وكن ذكي في تعاملك واجوبتك وحركاتك انت مراقب من جميع الجهات اي تصرف يمكن يوديك في داهيه او يطيرك في السماء السماحه والهيئه وساعه الصدر والوجه البشوش والتركيز على المتحدث امامك الجرأه وعدم القلق لا تطقطق اصابعك او تاكل اضافرك :) امام المقابل لك لا تسوي نفسك فاهم وتفر الكرسي وكانك مدير متغطرس طريقه جلستك تحدد شخصيتك راجع بعض المواقع عن المقابلات الشخصيه :) :) :) وبتوفيق |
الف شكر لك اخوي جنون البطالة على نصايحك ..
والله يكون بالعون ... |
| الساعة الآن 09:10 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين