|
غلاء الاسعار..... من المسؤول
ان اكثر الفئات تاثرا بغلاء الاسعار هم العاطلون عن العمل يليهم ذوي الدخل المحدود والفقراء لذلك فقد رأيت ان نطرح هذا الموضوع للنقاش ولتعميم الفائدة لما في ذلك من اضرار على كافة فئات المجتمع باستثناء الطبقة المخملية والتي بيدها القرار في جميع مايخص هذه المشكلة الا انهم لم ولن يحركوا ساكنا وكنا قد سمعنا ان هناك رقما مجانيا للتبليغ عن اى ملاحضة في ارتفاع الاسعار الا اننا لم نجد من يخبرنا بهذا الرقم ولم نعلم هل هناك رقما للتبليغ ام انها من نسج خيال الشعب الذي اصبح يكثر من احلام اليقضة بعد ما توالت النكبات المادية عليهم وانقطع البركة من اموالهم............!!! ولكي نجعل الموضوع اكثر تفاعلا فانني ارجوا من الاخوة :- 1- ان يعطونا الرقم المجاني :eek: 2- ان يذكر كل واحد منهم السلع التي لاحظ ارتفاع اسعارها خاصة السلع الأساسية ( الماكولات والمشروبات والملابس والاواني وقطع الغيار..........الخ) :confused: :mad: 3- طريقة تعامله مع البائع اذا وجد تغير في السعر عن ذي قبل( يعني اعطونا قصص خلونا نستفيد من مغامراتكم :cool: ) مع ذكر وجهة النظر في كيفية التعامل مع الذين يرفعون اسعار السلع 4- اسعار الجملة لبعض المنتوجات وبكم تطرح للزبون :court: 4- طرح محاور اخرى غير التي ذكرت اعلاه للنقاش |
يارجال كل المواد الغذائيه ارتفعت
والا يجارات والله حتى الفوالين رفعوا صحن الفول من 3 ريال الى 4 ريال كلن يبي ياكل من وا ظهر هالمواطن الغلبان ومعهم حق صراحه دام الدعوه ماحولك احد |
الفول عندنا باقي بريال السفري
|
اجل طفران تالو سير علي كل صبح نفطر انا وياك
|
لا تقارن أي بلد في العالم مع السعودية في الأسعار فنحن متفوقون بلا منازع . خذ هذا المثال البسيط وقيس به على كل شيء في الحياة . نستورد كثير من البضائع من الخارج ( شعب مستهلك وليس منتج ) , وعندما يستلم البضاعة الوكيل لها يقوم بتسعيرتها أضعاف قيمتها الحقيقية إلى سعر خيالي . أي إذا كان سعرها من المصنع 10 ريال فإن الوكيل يبعها لنا بـ 100 ريال .
مثال واقعي : اشتراكات الانترنت في السعودية لـ Adsl . سرعة 256 كيلو بايت بـ 900 ريال لمدة ثلاثة أشهر . بينما الامارات سرعة 1 ميجا بـ 250 , و2 ميجا بـ 350 . كثير من دول العالم بيما فيها دول عربية دخلت لديها سرعات بالميجا وبأسعار معقولة , ونحن لا زلنا في سرعات الكيلو بايت.... |
آآه بس وربي أكلونا هالعالم ويقولون حمايه المستهلك فيه وينهم هالحمايه الله يمحيهم من الأرض :mad: خذو هذي قائمه ببعض المنتجات واللي نلاحظ اختلاف اسعارها من مكان لاخر 1_ الملابس النسائيه في رمضان كنت رايحه لاحد الاسواق طبعا لقيت بلوزه اعجبتني فقررت اشتريها طبعا انا اخذتها ب120 ريال هذا بعد المفاصل بالسعر المهم بعدها بيومين تقريبا لقيتها في محل ثاني بمبلغ 200 ريال والله لولا ان المحل كان مليان ولا كان شرشحت صاحبه اليماني ومره شريت بلوزه بحمسين ريال بعد كم يوم لقيت وحده قريبه مني شاريه مثلها بالضبط بتسعين :d ثانياً العطورات .. نفس المشهد لكن في هذي المره المحلات جنب بعض اشتريت عطورات بمبلغ وقدره ..:Looking: طلعت من المحل ودخلت اللي جنبه لقيت نفس العطورات بنصف القيمه :yaa: ولما رجعت المحل الاول ابغى يرجعها ويجيب فلوسي عمل لي فضيحه هالزيدي لا صارت ولا استوت واتهمني يقول امسكو الحراميه :d طبعاً انا ولا همني قلت حراميه حراميه عادي يا نصاب يا ترجع لي قيمه العطور يا أني أنقي من المحل اللي ابغى لين اوصل القيمه المطلوبه بالعطور :d طبعا كنت وقتها اشيل من الاشياء بالمحل واحط بالكيس :d لين عقدته وطلعت ريحته وخليته يعطيني حقي :d << تقص قصه حياتها :cool: ثالثاُ المنتجات الغذائيه والكماليات .. عندكم مثلاَ الرزاحيانا نشتريه بـ140 واحيانا بـ100 و120 هذي طبعا الخياش الكبيره والسكر مثل الحاله مرات 80 ومرات 110 و120 الشامبو والكريمات وحفائظ الاطفال وانتو بكرامه نلقاها في محل بقيمه مثلا على اقل تقدير 20 ريال للشامبو طبعا الحجم العائلي تلقاه عند المحل الثاني 22 او 23 واحيانا 19 القرطاسيه ومستلزمات الدراسه نفس الشي حتى البيض من اول يبيعون الطبق 10 او 9 ريال الآن ب12 ريال ويبيعون حبتين بريال :d الجوالات تلقى النصب عينك عينك مثلا عندكم جوال N70 :dقاطع قلبي هالجوال ابغى مثله المهم هذا الجوال يبعون الجديد بعض المحلات ب1300 وبعضهم ب1400 وبعضهم ب1280 وكل واحد يتعذر ويقول الضمان ومدري وش والمستعمل ب1100 و1050 قال ايش منقطع من السوق العن ابو التصريفه:d واذا فكرتتروح تبيع نفس الجوال يطرحون قيمته لـ850 واذا تكرمو ورفعو السعر وصل لـ880 او 900 وشرائح السوا وموبايلي مسبقة الدفع معروف سعرها ومكتوب عليها انه ب75 ريال وتباع في محلات بهذي القيمه وفيه محلات يبيعونها ب90 ريال ؟؟ استغفااال ؟؟؟ حتى المشاغل والخياطين والكوافيرات صارو يتلاعبون بالاسعار بكيفهم الليموزينات نفس الشي مثلا مشوار ابو عشره يودونك له بـ20 انا اللي قاهرني بس هو البيبسي والماء وبعض البساكيت والخفايف تباع في اماكن الترفيه بدبل السعر يعني من ريال لريالين ليه .؟؟؟؟ استغفال واستغلال لها الدرجه حتى ابو ريالين من اول استانسنا في هالمحلات على الاقل الكماليات والشي اللي مو اساسي نأخذه من عندهم الحين طلعو ناااار وأغلى من المحلات وش اكتب ووش اخلي بس لو تتركوني بكيفي والله ما اخلصالا الصبح ههههههههههههههههههه وين حمايه المستهلك النايمين وربي شي يقهر زادت الرواتب وزادت معهاالاسعار حسبي الله ونعم الوكيل لا بارك الله في هالزياده لو كانت الرواتب مثل قبل زين على الاقل رحمه للعاطلين اللي مثلنا |
هههههههههههههههههه وأنا تحمست وفسرت عن كمي ابكتب قائمة طويلة بس ما شاء الله عليها آآه يالقهر ماخلت شي:rolleyes: وعلى طاري اليماني والبلوزة تلاقينه جايبها من الصين والا تايلند بعشرة ريال :eek: وفعلا لو تكلمنا عن الإنترنت وخدمات الدي اس ال تلاقونها في الدول المتقدمة (( المتقدمة شوي بس لا تروحون بعيد )) جودتها عالية ويقدمونها للشعب بأسعار رمزية !! وتقدم مجاناً بالمدارس والمعاهد والمرافق العامة .... وحنا فرحانين علينا بهالكم كيلو بايت وأسعارها نار الله الموقدة :mad: وإذا على الرقم المجاني أنا سامعة عنه ........ بس للأسف من بعيد لبعيد ماحصل لي اقابله :Looking: ما اقول إلا الله يعدلها من عنده ........... |
<< تقص قصه حياتها :cool:
والله تحمست حتى من زود الحماس ضربت أخوي الصغير جنبي :d بصراحه ردود روعه وموضوع أروع بس صدقني أخوي مستحيل تجد الرقم لانه لا يعرفه أحد هذا أذا كان موجود والمسؤول هو وزارة التجارة النائمه |
اه يالقهرررررر
ههههههههههههههههههههههههههههههههههههههههههههههههه زين اللي ماصقعتي اليماني بالعطورات اللي معك يوم قال حراميه بس مشالله عليك تنفعين وزيره الاقتصاد والتقشف خخ |
حسبي الله عليهم
فعلا حسيت كل شي غالي بعد ماتخرجت من الكليه واول مافكرت بهالشي توني احس مالت |
| الساعة الآن 05:54 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين