هل مجال الكمبيوترات الأكثر ربحا ً ؟؟؟
 

يا الطيبين قبل لا أبدأ أسئلتي تراني اشتغلت في هذي الشغلة كشغلة إضافية و استفدت منها
و فيها خير بس للي يجتهد لكن ودي في هذا الموضوع أن أستفيد أكثر من أفكاركم الطيبة
لأن الشغلة راح تكون أساسية و ليست إضافية و الله يفتح لكم أبواب رزقه آمين :);):rolleyes:

- وش رايكم في بيع و شراء اللاب توبات ( الإيجابيات - السلبيات ) ؟
- و ما هي الأماكن التي تحصل فيها على لاب توبات بأسعار رخيصة في الرياض ؟
- و ما هي الأماكن التي تستطيع أن تبيعها فيها و تحصل منها على فائدة طيبة في الرياض ؟
- و ما هي المناطق الأقل أسعار في المملكة الدمام أو الرياض أو جدة أو غيرها ؟

نبي الأفكار المبدعة من منتدى الإبداع و المبدعين
و الله يرزق كل من شارك بهذا الموضع رزقًا كثيرًا طيبًا مباركًا

سبحان الله و بحمده سبحان الله العظيم

يالله حيه

اذا لك في الصيانه ليه ما تتعاقد مع احد المحلات تشتغل فيه وتعطيه مثلا كل شهر مبلغ معين والباقي لك

اما من ناحية لابتوبات انا رحت لاسواق العليا بالرياض والله غاليه صراحه حتى المستعمل

لكن الصيانه شغلها نظيف .. التعريف وهو بضغطة زر تاخذ عليه 10 واكثر من غير شغل الفرمته وتنصيب برامج واصلاح بعض المشاكل في الجهاز والشواحن وشغلتها ممتاازه جدا

يعطيك العافية على الفكرة الطيبة
من ناحية الصيانة أنا توني هاوي و أحب المجال هذا بس إني ماوصلت إلى أن أكون مهندس محترف
وش تشور عليَ به ؟

والله اخوي موهذيك الشغله الحلوه الا اذا كان اتنوع جديد ومستعمل

واهم شئ قسم الصياانه لان هو اللي يمشي المحل

واذا ماعندك عامل على كفالتك حاول تجيب عامل من برى وتتفق معاه

عالنسبه مثلا هو ياخذ ستين بالميه وانت اربعين بالميه ولو يقولك

تسع وتسعين بالميه خله لانه هو اللي يمشي المحل

وحاول تطلب عامل على كفالتك

والله يوفقك ويرزقك

يا خوي مشكور على المشاركة
بس أنا ما عندي محل بس شغلتي أبي أشتري و أبيع على طول يعني
بشتري مثلا ً من زبون و على طول أطلع السوق و أبيع الجهاز

يعني تبي تشتغل بالمستعمل !!!
مافهمت عليك او تبي مثلا تكون موزع يعني تشتري اجهزة من المجمعات باسعار قليله وتبيعها ع المحلات اللي تكون خارج المجمع ؟؟؟
ياليت توضح الشغله اللي تبيها وباذن الله راح افيدك لاني قريب من هالمجال وصار لي فتره ابحث عنه وقريب راح افتح محل اجهزة باذن الله بيع وصيانه

مشكور أخوي على المشاركة
نعم نفس الكلام إلي تقوله أبي أشتري من المجمعات و أبيع في مكان ثاني