اتصال من شركة موبايلي .. والمقابله بعد العيد افيدوني ..
 

السلام عليكم جميعاااا

بادخل بالموضوع مباشره
طبعا اليوم الظهر جاني اتصال من جوال وتفاجأت انه شخص سأل عن اسمي قلت له معك يالطيب
قال معك فلان الفلاني من شركة موبايلي
وصلتنا السي في تبعك بس حبيت استفسر عن كذا شغله
سالني عن اذا كنت باقي ادرس بالجامعه ولا لا
وشنو كان تخصصي والحين باقي اشتغل ولا لا
طبعا جاوبته باني لا بطلت جامعه بس تخصصي هندسة ميكانيكية
وخلصت 99 ساعه والحين انا بوضيفه مؤقته اداري باحد الشركات
طبعا
شوي وقال لي
can you talk about your self for 2 min ?
طبعا اخوكم ذيب
وصرت اتكلم عن نفسي شوي قاطعني قال
ان شاء الله راح نتصل عليك بعد العيد
عشان المقابله
طبعا قال الوضيفه هي الكول سنتر بالدمام

يا ليت تفيدوني شنو مميزات الوضيفه
وايش الحين وضعي بعد هالاتصال يعني وضعي طيب
ولا باقي قدامي مشوار لين اقبل نهائي بهالوضيفه ؟؟

يا ليت تفيدوني ايش باقي لي لانه يقول مقابله بالعيد
ومشكورين حيل
دعووووووووووووواتكم لي ولجميع المسلمين بالتوفيق

اسأل الله لك التوفيق أخوي ..

لكن لاتحط في بالك ان هذا الاتصال يدل على انك رايح تشتغل عندهم ..

رايح يكون فيه مفاضلات ومقابلات شخصيه ومن هالكلام يعني مو بهالسهوله ..


الله يوفقك اقولها من كل قلبي

الله يوفقك بركان الغلا

99 ساعة يعني باقي لك حدود 34 ساعة ... في سنة ممكن تخلصها واذا انك بتريح سنة ونص

شد على روحك شوي و خلصها

Mechanical engineer is much much better

if you want to work take a part time in Jarir or Panda and get your degree
do not forget Saudi now needs a lot of engineers

مرحبا بيك اخوي تهاويل
مشكور على زيارتك وتعليقك
بس انا سألت كذا شخص اعرفهم في خدمة الكول سنتر
قالوا لي ما دام اتصلوا عليك فـ بإذن الله امورك طيبه والمقابله حيل سهله
او بمعنى اصح امكانياتي تمكني اجتازها بعد توفيق الله طبعا
وبالاخص ان الاتصال جاء من المركز الرئيسي بالرياض

اتمنى التوفيق لي ولجميع اخواني العاطلين

مرحبااا بيك يالغلااااا
طبعا نصيحتك في محلها وباذن الله راح ارد للجامعه واخذ الشهاده
بعد توفيق الله طبعا
بس حاليا ضروفي ما تسمح لي ادرس وباذن الله انا قدمت اوراقي ولعلى وعسى اقدر ارجع بالقريب العاجل واخلص ال 35 ساعه تقريبا

مع العلم اني محتار بين الوضيفه لو لقيت وضيفه طيبه وبين الدراسة وتركي للوضيفه ؟
الله يوفق الجميع يا اخوي
ونصيحتك لي تدل على معدنك الطيب وحب الخير للغير
اهنيك :)

الله يسلمك اختي
والله يوفق لك بعد للي فيه الخير لك

بالتوفيق لك ان شاء

في موبايلي او غيرة..

الله يوفقك و ييسر امرك يا رب

الله يوفقك ويسر أمرك
ياليت يالغالي تقول لنا كيف قدمت في الشركة