لأهل الخبرة في تجارة الـ " كراتين " . استشارة عاجلة
 

السلام عليكم ورحمة الله وبركاته

أسعد الله مساءَكم بالخير ، والرضا والرزق والقناعة والستر ..

أحببت أن أستشير أهل الخبرة في شأن جمع وتصريف الكراتين ..
ذلك أن أحد الزملاء مع أخيه فتحوا بقالة كبيرة ماشاء الله خدمة 24 ساعة ،
فسألتهم عن الكراتين وين يصرفونهن ، قال نضعها في صندوق البلدية .. الله يكرمكم

فقلت أنا أشيلها منكم وبحقّـها .
فقال أن ماعنده مستودع وتضايقهم ويخرجونها على مدار الساعة ..

فدبرت لي ونيت عليه شراع ، وسأضعه عند البقالة
والعمال يضعون الكراتين في صندوق الونيت ..

وجعل الامر بيني وبين العمال ،

فحبيت أسألكم :

ـ كم يستحقون العمال على شغلهم لي . ؟ وعلى فكرة وجوههم مكشرّة عليّ .. مع اني باشرت عليهم بتروبياكانا هههههه ،.
ـ وأين أبيع الكراتين . ؟
ـ هل من نصائح أخـرى ..


ولكم التحية
والدعاء

محبكم
الحارث .

ماشاء الله بداية موفقة

أول شي أنتبه عليها ترى يجون هالعمال ويشلحونها

وثاني شي حول أنك بشكل يومي تحمل

تلقها طايحه بالشارع وأكثر شي عن البقالات والسوبرماركات والحويات (الله يكرمك)

ولكن الآن البقالات بدو يبعونها يوم شوف الناس يلقطونها \\

يعني بعض البقالات تلقاه صاف درزن كراتين جنب البقالة يحتري من يجي ويبعها عليه

ولكن مانيب أحطمك بس بقولك ترى الشغله محتكرة من قبل البنقال ويشترونها بسعر مرتفع ويرضون بالمكسب الزهيد

ما أقول ها الكلام عشان احطمك لا والله
أنت بتشوف هالشي مع إذا أستمريت

وبالنسبة للأسعار حسب علمي أنها ترتفع وتنزل لكن سمعت قبل فترة الطن 750 يعني الكيلو يطع ب 75 هللة

والعمال يشترونه 30 هللة إلى 40 هللة !!

والله يوفقك أتمنى أني أفدتك وبيجي من يفيدك أكثر إن شاء الله ..

وأماكن بيعها دق على الاستعلامات

وخذ أرقام المصانع الي تعيد تدوير الورق والكراتين وبيفيدونك إن شاء الله

ياجعل ابوك في الجنة يامحب العلم ..
عشت ياأخوي ،
بيض الله وجهك ..

الحمد لله أخذت اليوم كومة طيبة ، والبقالة ذي خلاص احتكرتها يالله لك الحمد هههههه ، دعواتك ببس .
يبي لي ميزان ، علشان ماأبخسهم حقهم ، وأعرف مخراجي .

تحياتي .



وننتظر المزيد من الإفادة .

اهلا اخي

هذا رابط لموضوع ان شاء الله يفيدك

https://www.btalah.com/showthread.*****..D1%C7%CA%ED%E4


اتمنى لك التوفيق

ما شاء الله عليك ، الله يوفقك اخوي ..

وانا اقترح عليك تروح تجمع من الاماكن البعيدة ، يعني المصانع اوالشركات الي خارج نطاق مدينة الرياض كـ معارض السيارات وغيرة، يمكن هناك ماتلقى منافسة من احد ..

بالتوفيق ..

ازا انــت بجده انـأأ بشتري منــك الكراتين تووني قبل اسبوع باديه فيها

أتمنى لك التوفيق

[align=center][/align]أخوي الحارث بن همام بصراحة أهنيك على حبك للعمل لإنه بصراحة أغلب الناس ما يأيدها يقول وش يقولون الناس عني ؟ ! أنا جربتها جلست فيها سنه بعدها وقفت عقب ما بعت الدسسن وبالنسبة للتصريف سهل مايبغى له شيء أنت حملها وودها للمصنع وهم يشترونها والدفع كاش ولو حسيت نفسك مشغول وقدرت توديها وعندك مكان اجمعها فيه واتصل عليهم يجون معهم دينا ويحملونها وأي خدمة أو سؤال راسلني على الخاص بالتوفيق

السلام عليكم
الله يوفقك يالغالي
اذا عندك كراتين موز انا ابغى بين 20 الف إلى 50 الف كرتون
واللي يقدر يساعدني حياه الله
والله يرزق الجميع