30-05-2011, 04:27 PM
|
عضو سوبر
|
|
تاريخ التسجيل: Dec 2009
الدولة: الرياض
المشاركات: 343
معدل تقييم المستوى: 1637
|
|
اقتباس:
المشاركة الأصلية كتبت بواسطة أحمد عايض
السلام عليكم ورحمة الله وبركاته
ابي اسالكم ... اول شي سمعت انه اذا بفتح محل واحد بس ما يحتاج اطلع سجل تجاري . استاجر محل واطلع رخصه من البلدية ؟؟ هل هذا صحيح ؟؟
في بالي محل خضار وفواكه اكثر من مطعم البروستد .. وما عندي اي تجربه في التجارة من قبل ابداً ... ياليت تساعدوني بالذات في محل الخضار كيف اشتري البضاعه ومن وين هل اشتريها كل يوم الصباح او اتعامل مع موزع ... ومن ناحية البروستيد .. اسعار المكائن انواع خلطات البهارات وكيف تتسوى او تنباع جاهزة
واسف على الاطاله يا شباب ... وياليت اعرف كم يحتاج من مبلغ كل مشروع
|
عزيز محل الخضار والفواكه ممتاز بس اختار لك موقع كويس في حاره جديدة اهم شي مكان لا يوجد لك منافس قريب منك وابحث عن عامل يساعدك في المحل يمني واهم شي يكون معه اقامة + شهادة صحية ..!! استاجر فتحه وحده فقط كبداية ويستحسن قريب او بجانب بقاله
وجب لك نجار من الصناعية مخرج 17 اذا انت بالرياض وخله يفصل لك الخشب وركب مرايات
ومر على حق اللوحات وفصل عنده لوحة عليها صورخضاروفواكه وتمور وركب باب قزاز للمحل
والانارة الدخليه ركب من لمبات التوفير ... وتوكل على الله
يمكن يكلفك الاجار على حسب الموقع طبعاً 25000 سنوياً / 12500 دفعة 6 شهور
والنجار والمرايات 6000 ريال
والمابوليا باب محل 3000 ريال
لوحة محل 2500 ريال
بضاعة محل 3000 ريال كــ بداية
استكرات دعاية + بروشورات + دفتر فواتير بــ 1000ريال
احتمال من 28000 الى 30000 ريال
اذا صملت عطني خبر وانا اعطيك ارقام النجار وراعي المابوليا ( قزاق وباب المحل ) + رقم موزع
وابي منك دعوة طيبه من وجه طيب وبالتوفيق
|