هل ممكن الادبي يدخل تمريض؟؟
 

السلام عليكم ورحمة الله وبركاته كيف حالك إن شاء الله دائما بخير ؟ انا جديده بالمنتدى وكثير حابه المنتدى حسيته حــــــــــلو ومفيد انا حبيت اسالك انا بأول ثانوي وباقي اسبوع تقريبا ونبدا اختبارات واحنا لازم اخريوم نختار ادبي ولا علمي؟؟ انا صراحه ماني حييل شاطره بالمواد العلميه :uبس سؤالــــــــــــــي؟؟؟؟ انا بدخل ادبي بس ابغى اعرف هل ممكن الادبي يدخل تمريض ؟؟ واذا يدخل وشو التخصصات بالضبط؟؟ اتمنى الي يرد يكون متأكد لان حييييل شايله هم لان احـــــب التمريض:hيعني الي متأكد يقولي واكيد له دعوات في سجودي اتمنى القى مساعده منكم ولكم الشكر:w

الله يوفقك يا اختي بأختبأرأتك


بخصوص استفسأرك انتي ما وضحتي تبين بكلوريوس او دبلوم او بشكل اوضح جأمعه او معهد صحي ؟
اذا كنتي تبين جأمعه فللاسف لا يقبلون ادبي لازم تكونين علمي
امأ اذا كنتي تبين دبلوم من معهد صحي فمو شرط لانك تحكمينهم بفلوسك ويبونك باللتي هي بـه
فقبل لا تلتحقين فيـه يعطونك كورس لمده ترم كأمل يعطونك موأد علميـه تأهيليـه قبل ما تدخلين التخصص

واذا كنتي بتدخلين برضوأ معهد مافي مشكلـه تدخلين علمي حتى لو جبتي معدل متدني لان المعأهد الصحيـه لا تشترط معدل مرتفع اهم شي يبون درأهم

نصيحـة لك يا اختي ادخلي تخصص علمي لانه يفتح لك مجألات اكثر وتتنورين اكثر
الادبي محصور في مكأن معين يمكن ظروفك تحدك بيوم من الايأم تدخلين تخصص خأرج عن نطأق ارأدتك وذلك لعدم توفر المأدة وتدخلين تخصص ادبي او اجتمأعي بالجأمعه ) شوفيـهم خريجي وخريجأت اللغة العربيـة والاجتمأعيأت مليأنـه البيوت )

فنصيحة من اجل حبك للتمريض ادخلي علمي وضحي من اجل رغبتك وادخلي جأمعة سعودية وارفعي رأسـك لان اصحأب الدبلومأت منأهجهم هزليـة جدأ جدأ

ومن يتهيب صعود الجبأل,., يعش طيلـة الدهر بين الحفر

هذأ ما اردت طرحـه واستخيري وتوكلي والله يوفقك يا شيخـه

< خريج تمريض من معهد صحي :|

موفق بإذن الله ... لك مني أجمل تحية .

يا ناااااااااااااااس يا خلق يا هوه الترم التأهيلي الغوووووووووووووووووووووووه من سنه ماعاد فيه انسوووووووووه

حبيبتي ادخلي علمي

الادبي مستقبله ضايع وراح تندمين عليه

في تخصص واحد ينفع للادبي هو مساعد صحي دراسته لمده سنه بس طبعا مستقبله مو ذاك الزود ومنتي مجبوره عليه دام يمديك تأسسين نفسك صح

ادخلي عملي وشدي حيلك واعرفي انك تبنين لمستقبلك وربي يوفقك

اي التاهيلي الغوه من زمان مافيه خليك على العلمي مجاله مفتوح ان شاء الله

مشكووووووين على الردود بس اكيد ابغى بكلوريوس واللله انقذتوني بردودكم الحلوه والمفيده وحمستوني على العلمي بس اكيد لازم استخير احسن بس جد انا احب التمــــــــــريض ولكم دعوات يا احلى اعضاء

بالتوووفيق .

انا ما كنت ادري انه الغـــــــوه يوم كنت ادرس كان فيه ترم تأهيلي تدرسين فيه انجليزي وفيزياء ورياضيات واحياء وبعدها تختارين التخصص لكن اقولك اشردي عن الأدبي وشدي حيلك في العلمي والله انا تمرمط في الادبي كنت في ثاني يانوي علمي وبعدها حولت في ثالث إلى ادبي وياليتني ما حولت لكن معاد ينفع التمني نصيحه مني خليك على العلمي لو نسبتك 70 في العلمي احسن من 90 في الأدبي لأنه مجالاته قليله والله يوفقك ويسعدك في حياتك
ايه نسيت اقولك ترين الدبلوم بيوقفونه في عام 1433 وباقي عندك سنتين تفكرين فيها بس اهم شئ تفكرين فيه الحين هو دخولك علمي واجتهدي قد ما تقدرين ولا تقولين ما احب المواد العلميه لا حبيها علشان تكون سهله عندك اسف على الاطاله. ولك مني اجمل تحيه

نصيحه إدخلي علمي لأن الدراسه الأن ليست بصعوبتها سابقاً
لأن الأن الأسئلة ليست أسئلة وزارة يعني إن شاء الله الأمور تساهيل.
لكن فيه نقطه حبيت أوضحها لك لأن إذا تخصصتي علمي و وفقك الله إحسبي حساب الإختبار التحصيلي لأنهم الأن كل التركيز عليه بعد إلغاء أسئلة الوزارة.
بالتوفيق إن شاء الله.

أختى أنصحك أدخلى علمى ولو نسبتك 60 بالميه راح يقبلوك بالمعاهد الصحيه الأهليه عشان فلوسك وترتاحين من تاهيلى وهمومه وبالتوفيق ....

فنى مختبرات طبية خريج الأكاديمية الدوليه للعلوم الصحيه ( عاطل )

وعليكم السلام ورحمة الله وبركاته

هلااختي


هاذا الكلام من نفس موقع الهيئه السعوديه للتخصصات الصحيه



السادة/ المعاهد الصحية الأهلية بقسميها البنين و البنات المحترمين

السلام عليكم ورحمة الله وبركاته وبعد...
نظراً لما توليه الهيئة السعودية للتخصصات الصحية من اهتمام بالغ بالمعاهد الصحية الأهلية و حرصاً منها على جودة مخرجات هذه المعاهد و العمل على تطويرها و تحسينها، و بعد الإطلاع و العرض على مجلس الأمناء الموقر المنعقد بتاريخ 27/5/1432هـ في ما تقرر من معايير شروط القبول و التسجيل لطلاب و طالبات المعاهد الصحية الأهلية، فقد تمت الموافقة على عدة شروط للقبول و التسجيل.
و في ما يلي ذكرها:

أ-أن يكون المتقدم أو المتقدمة ممن يحملون الجنسية السعودية أو ممن لديهم إقامة نظامية في المملكة العربية السعودية.
ب-أن يكون المتقدم أو المتقدمة حاصلاً على شهادة الثانوية العامة القسم العلمي أو الأدبي أو نظام المقررات حسب طبيعة التخصص وذلك بنسبة مئوية لا تقل عن 75%.
ج-أن يكون المتقدم أو المتقدمة لائقاً طبياً للدراسة و العمل في المجال الصحي.
دـ-أن يكون المتقدم أو المتقدمة حاصلاً على نسبة مئوية لا تقل عن 60% في امتحان القدرات.
ه-أن يكون المتقدم أو المتقدمة حاصلاً على نسبه مئوية لا تقل عن 55% في الامتحان التحصيلي للقسم العلمي.
و-أن لا يكون قد مضى على اجتياز المتقدم أو المتقدمة في امتحان القدرات و امتحان التحصيلي أكثر من سنتين.
ز-اجتياز اختبار اللغة الإنجليزية الذي تعده الهيئة خلال السنة الأولى (السنة التحضيرية) كشرط للاستمرار بالدراسة في المعهد.








عليه، جرى التعميم للعمل بما أُقر في مجلس الأمناء آنف الذكر و التقيد التام بما ورد فيه ليتم تطبيق شروط القبول و التسجيل لطلاب و طالبات المعاهد الصحية الأهلية بدءً من الفصل الدراسي الأول من العام الهجري الجديد 1432/1433، كما نأمل إبلاغ منسوبيكم بذلك و وضع صورة من التعميم في لوحة الإعلانات الخاصة بالمعهد و على الموقع الإلكتروني.
د/ مسلط
-ص مع التحية لسعادة الأمين العام
-ص مع التحية لسعادة الأمين العام المساعد
-ص مع التحية لسعادة مساعد الأمين العام لشئون التدريب و اعتماد البرامج


::

موفقه ودعواتك لي بالتوفيق

انصحك علمي لاتدخلي الادبي راح تندمين صدقيني