قصتي مع حرس الحدود بجده
 

بسم الله الرحمن الرحيم
السلام عليكم ورحمة الله وبركاته

توني جاي من حرس الحدود
والحمد لله طول الطريق الاشارات كلها فاتحه

اول ماوصلت لقيت على الميز على طول لقيت شباب متجمعين قلت وش السالفه ياشباب
قال تعال طلع رقمك التسلسلي من هنا
قلت بسم الله اول ورقه امسكها لقيت اسمي 4 راقم والحمد لله
صفيت سرا عند العسكري الي يعطي اوراق الفحص يوم وصلت قالي هويتك وصوره شخصيه

دور منا منا ياولد هويتي وينها دور دور قالي اجلس هناك ودور براحتك
مالقيتها وجري على السياره دور دور مافيه يوالد مالك الا البيت دقيت قلت طلعو بطاقتي من تحت الارض لو تزورنها واللحين جاي اخذها
اول ماوصلت البيت قعدت نص ساعه ادور قلت ياولد خلني اروح بدونها والي فيها فيها
وصلت عنده قالت ياعمي بطاقتي ضيعتها عندكم هنا قالي دورلها قلت لي ساعه ادورها ماحصلتها
قالي انا بعطيك الروقه عبيها وان شاء الله يمشونك في التدقيق قلت عطني اياها وانا اوريك فيهم
دخلت عند التدقيق قالي اصل الشهاده وينها قلت بالكليه قالي اصل البطاقه قلت توني اللحين ضيعتها عندكم بالمعهد دورتها ماحصلتها لاكن الصوره عندك ويرحم ابوك لا تقولي رح بيتكم
قالي طيب عندك شهادة انجلش حاسب تبي تضيفها قلت عندي شهاده غوص قالي هاتها تنفعك
واشوي ويقولي ليه كاتب نسبتك خطاء قلت يرحم ابوك كاتبها صح قالي وين صح وياشر على التراكمي قلت حبيبي ذي التراكمي وش تبي فيها قال احنا نبيها مانبي الثانويه
قلت اذكر الله في الموقع يقولون نسبة ثالث وانت تقولي تراكمي قال هذا الي حاصل راح كتب في الورقه نسبة التراكمي وقال روح قيس الطول والوزن قلت سم قست الطول نزل مني سانتي طلع 170 والوزن زودني ملعون الخير 7 كيلو وزني 70 حطني 77 قلت ياخي انت مزودني واجد قالي الميزان قدامك قلت ميزانك خربان جيب ميزان ثاني قالي ماعليك انت كذا مطابق قلت اجل خلاص وين اروح اللحين قالي عند النقيب هناك رحت اختبرني نظر قالي اسمك قلت نايف قال ارفع صوتك وعطني الرباعي قلت سم بس ارفع على اي درجه لان ممكن اسمع الي في الصاله كلها قال لا ماله داعي تسمعهم كلهم ارفع صوتك شوي وقالي ليه عيونك حمر قلت والله ماررقدت من البارح
ورحت اختبرت نظر والحمد لله 6 على 6 قالي راح تجيك رساله ان شاء الله قلت له متى قالي يمكن 10 ايام وخلك متابع الموقع قلت سم

والسلام عليكم
هذا ماصار معي اليوم والحمد لله سهاله يارب لك الحمد
اسفين على الاطله بس جاي متحمس
وفالكم القبول ان شاء الله

والله انك شنبُ من جد خشيت في عيونهم مايبي لهم غير واحد تسذا يشب عليهمَ بس صراحه زين ماخلوك تقبض البابَ يس اسلوبكَ معهمَ هو اللي ساعدك َودامكَ خلصت الاجراءت الروتينيهَ ب سلامَ احمد ربك وحاول تطلع البطاقه في اقرب وقت وذا ماحصلتها روح طلع بدل فاقد بدري بدري لن ف الكشف الطبي النهائيَ والاجراءت الثانيه متشددين مو مثل اول شيء
والله يوفقك ويكتب لك خير فيها ان شاء الله
تحياتي لك

الحمدلله عدت سهالات معــاك

..انـا بطاقتي الهويه ممسوحه ودقرولي شوي..

يالله عقــبال القبول النهائي وفــالك الدوره

والله ياخوي ذولي يدورون الزله كان هم الي بيدفعون رواتبنا
والنقيب يقول ارفع صوتك والله ان صوتي عالي بس هو يسوقها
والحمد لله انها عدت سهالت والله
اما البطاقه من بكره انا عندهم ان شاء الله
حياك الله

الحمد لله انهم عدوك
في واحد من الشباب كرشوه على شان بطاقته ممسوحه
احمد ربك وبوس يدك وجه وقفه انهم مشوك

امين يارب