تعبت من التفكير ..أحد يشور علي ؟
 

السلام عليكم ورحمة الله وبركاته

أنا معلمة بمدرسة أهليه طلبت مني المدرسة تجديد العقد والراتب المدون 1800 ريال

ويبدأ تاريخ العقدمن10-9-2011 وينتهي 6-6-2012 ...ويوم سالتهم عن الامر الملكي بزيادة

الرواتب قالوا لسى ماوصلنا القرار عشان نطبقه..وسالتهم بطبقونه او بتلزمونا بهالعقد ..ماكانت

في اجابة واضحة ناس قالوا اكيد بتتغير وناس غيروا الموضوع يمين ويسار يعني مافي رد

واضح... وانا محتاره مره اخاف اوقع العقد وبهالتاريخ ويلزموني فيه مدة سنة واخاف اتركهم

واضيع على نفسي فرصه ..واللي اسمعه من بنات المنتدى صار الحصول على مدرسة اهليه صعب...

وفيه من زميلاتي المعلمات وقعوا العقود على اساس ان كل العقود بتتغير ابتداء من السنة الجاية

وان راح يكون الامر الزامي من وزارة التربية والتعليم.. لانه ماراح يكون فيه عقدين بتكون

العقود موحده من الوزاره ...وقالوا اذا ماتغيرت العقود راح نشتكي ونتظلم ...

وفوقها مديرتنا علة من العلل والله انها كرهتني بالمدرسة وبالتدريس ..قاعدة لي على الحبة ..حتى

اللي معي ملاحظين هالشيء والله يعلم ماسويت لها الشيء وملتزمة بعملي على اكمل وجه.. كل

مافي الموضوع اني ماانافقها ولااجاملها مثل البعض ...

وطلباتها ماتخلص حلى وقهوة ضيافه للحفلات من عندنا..تزيين الفصول من حسابنا ..نشرات

وهدايا رمزية من عندنا<من الزين الراتب عشان نتحمل كل هذا

وكنت ناوية اتركهم قبل الامر الملكي بس بعد الامر فكرت شوي بالموضوع...قلت يالله عشان زيادة

الراتب بتحمل هالمديرة ...

وش تشورون علي يا أهل الخير .......؟؟

انا نصحك توقعين والزيادة اذا جت بيلزمون فيها المدارس الاهلية المهم تضمنين البقاء فيها لحد ما تجي الزيادة

الله ينور طريقكك مثل مانورتني بهالمعلومة

ان شاء الله بستخير

انا اذا وقعت يسحبون مني الشهادة الاصل عشان يضمنون ماقدم بمكان ثاني ..ولو جيت اسحبها بدون سبب مقنع في شرط جزائي دفع راتب شهر

اما قصة القعدة بالمدرسة ودي لاني مرتاحه مع معلمات وطالبات بس الادارة لا وهي مشكلتي

بس المشكلة ماني مرتاحة من الادارة

من ناحيات النافقات نصيحة لاتعطينهم وحهة ولاتدفعين شي لهم

^
مجرد نصيحة

والله يوفقك

وقعي واذا جاء شي بيعم الكل ان شاء الله
والله يوفقك ،،