تكفوووووون يااهل المدينة
 

:cry: اولا : السلام عليكم
ثانيا بدخل على طووووووووول بالموضوع <<<<<<<< واثقه


ابغى وظيفه بالمدينه
ومؤهلاتي هي
ثانوية عامة :d <<<<<<<<< مالت وتدورين وظيفه
دبلوم حاسب الي لمدة عامين (شكلي بسوي عليها مرقه وبشربها وبعزمكم عليها)
برنامج معارف (فرحانه فيه انا ووجهي)
شهادة خبرة في الجرافيكس لمدة 3 شهور <<<<<<< مالت هذا اللي قدرتي عليه :cool: :cool: :cool:

ابي وظيييييييييييييييييييييييفه ببنك
(ادري انه لو كان بيدكم توظفون انفسكم بعدين تساعدوني بس قلت بحاول :d )

ابي وظيييييييييييفه حكوميييييييييييييية ابي اي شئ ماابغى العطاله هذي طفشششششششششت خلاص
بنجن تكفون ساعدوني


اللي يعرف اي شغله معقوله يساعدني

واللي طفشني زيادة كل ماقريت شئ بالرياض بالرياض يااااااابختكم يااهل الرياض ماشاء الله علييكم مافيه ولا حبة وظيفه (وتبين تتوظفين وانتي ماتعرفين تصيغين الكلام :d )


امزح والله انا مثقفه وطموحه ونشيطه ومؤدبه ومخلصه للوطن <<<<< احس الاخيرة داخله عرض

ياللله اللي عنده مساعده لي لايبخل علي فيها

ادري اني كثرت قرق وهرج بس وش نسوي الفضاوة تسوي اكثر من كذا

اختكم
د.عاطله <<<<<<<<<<<<<< نسيت ادرج هالمؤهل مع مؤهلاتي :d

اختي انافي الرياض وللحين ماتوظفت بعدين نصيحه ارمي اورقك في جميع مكاتب العمل وخلي بالك طويل واتكلي على الله

رميتها ومن قال لك ماارميتها
مابقى الا السوبر ماركت ماقدمت فيه
الله يعين بس

هههههههههههههههههههههههههههههه
ذكرتيني مره من القهر كنت مقدمه في مدرسة وكانت في نفس الوقت وحدة مصرية مقدمه على نفس الوظيفه فاقترحت المديرة انها تاخذ اسمي بس الى تشتغل المصريه وتعطيني 600 ريال وانا انام في البيت طبعا من الحماس والغيره من البطاله والطفش الى اعيشه رديت عليه انا ما اكل حرام ردت المديره اجل حطي شهداتك في السبرماركت وشوفي من يشتريها وانا من الزعل فلت لها والله لروح واحطها طبعاً انا حلفت وسويتها رحت لسبر ماركت ودخلت على الاداره وقالو ممنوع تدخلين قلت طلعو المدير وفعلاً طلع المدير انا علمته الى صار مع المديرة المدرسه وقلتله ممكن تبيع شهداتي الصور طبعا ضحك قال انتي مجنونه او تستهبلين ياشيخه روحي ولقيت صحيح حتى لو ابيع شهداتي محد بيشتريها لنها حتى عندي مالها فايده
اختي طولي بالك وكبري المخده وادعي الله يفرجها عليك وعلي

يحسبون الشغله اننا نبي فلوس وبس
حنا نبي فلوس اي نعم ونبي بعد شئ يشغل وقتنا الفاضي وشئ نتسلى فيه بعد

كبرت المخده من زماااااااااااااان
ورددي ياليل مطولك

الله يرزقك الرزق الحلال ان شاء الله

ياشباب رب البيت كريم

طيب ياوخيتي

دوري بالبنوك عندكم بالمدينة

الفروع النسائية ..

و المدارس الأهلية .. بعد .. دام معك دبلوم ومعارف

ولا هنتي .. وزعي ملفاتك ..

على الاقل .. نفسيا .,. ترتاحي انك سويتي اللي عليك

الله يوفقك .. ويسعدك

اخوك

ابو تركي

:yaa: هو كل شي مالت مالت ليه يابنتي الدنيا مميلة معاكي


لو بيدي كنت وظفتك :o
لكن ان شاءالله اذا ربنا أكرمني وبنيت بنك ولا اشتريت بنك ولا حتى تسلفته ولا يهمك تامرين أمر :d

أختي د.عاطلة تعالي نفتح عيادة نترزق الله منها بدل القعدة البطالية انا وانتي :eek:

ياغالية ربنا يوفقك وتتتسهل أمورك وان شاءالله تلاقي وظيفة بأقرب بنك من بيتكم ...

وربنا يوفقك :::

الله يرزقنا واياك ويرزق كل محتاج ان شاء الله ويفتح له ابواب رزقه يااااااااااااااااااااارب

ونعم بالله
والله مايرد انسان دعاة وطلبه



ياااااااااااااااااالله ترزقنا بوظايف زينة

والله يخوي يابو تركي ماخليت مكان ماحطيت اوراقي فيه
من مدارس خاصه لحكوميه لمعاهد
ماحولك احد العام جتني وظيفتين بوقت واحد
وحده من معهد تدريب خاص يوجهونا لمدارس حكوميه وبنفس الوقت وحده بروضة اطفال
اخذت الاولى وداومت فيها وبعدها بيومين يدقون علي الروضه ورفضتهم بحكم اني مرتبطه بااالاولى
الاولى اعوذ بالله ماكانت وظيفة
حضران وماسكين لهم مركز تدريب ولاذمة ولاضمير ولا حتى اخلاص بالعمل
انا ماحب كذا تركتهم بعد ترم كامل
والروضه راحت علي
ولاهذي ولاهذيك
مع العلم بانه الراتب قالوا لي 1200 مع شهادة خبره قبلت
واخر الشهر يمدون لي شيك 450 اقول لهم ليش وين الباقي يقولون اجازات
:cry:


تركتهم وارتحت نفسيا ولله الحمد


الله يوفقك اخوي ويسعدك وان شاء الله اني اتوظف انا وكل اعضاء المنتدى بالوظايف اللي نحلم بها

ميل الحظ معي من يوم تخرجت واخذت الدبلوم وقعدت بالبيت (مع العلم اني متزوجة وعندي بنت بس مليت)

بس شكلي بكمل رحلتي في عالم جني الشهادات وليس جني الوظايف :d

يالله فكرتك عجبتني نفتح العيادة وانا اشتغل مديرة وانتي دكتورة ويالله نمشي شغلنا ولا احلى


:d ياليت الشغله كذا بس خذني جيتك والا كان بعدد البسطات عيادات :d

نقطة مهمه وبالفعل الإنسان يحتاج لقيمة في المجتمع ويحس انه عايش بدل الكائبة والطفش


والله زين ماتسوين مب علشان تلقين وظيفة مستقبلاً باشهادة الي درستي فيها لا

الزين في اشغال الوقت في علم وخبرة تسكبها في الدراسة


والله يوفقك يارب وكمان احرصك على بيتك والي عنده زوج وبنت افضل بكثير من الي جالس في بيت اهله من حيث الوقت واستغلاله

الله كريم طيب روحي المستشفيات الي في المدينة والمستوصفات والمدارس الخاصة والله يرزقك ويوفقك