ساعدوني عندي مقابله في صحيفه الشرق
بسم الله الرحمن الرحيم
بكرة عندي مقابله في صحيفه الشرق بجدة ياليت تساعدوني اللي راح وسوى المقابله وش طبيعه الاسئله والمشكله ارسلو ايميل عن الموقع وارسلو مسج جوال والموقع يختلف عن اللي في الايميل افيدوني بليييييييييييييييييييييييييييييييييييييييييييييييي ييييييييز ردوا علي |
هذا ردي في موضوع يخص المقابلات الشخصيه لصحيفة الشرق وراح انسخه عشان تستفيدي والكل يستفيد كمان .... السلام عليكم زي ماوعدتكم بإني راح احاول ادخل من اي مكان حتى اضعكم بالصورة واحب اقولكم ان المقابلة اسهل مما يكن انا رحت بدري لهم على الساعه 11 وربع اي قبل موعد المقابلة بساعتين الا وانصحكم تجون بدري حتى تسجل اسمك عشان تكون اول الناس اللي يدخلون على اللجنة ولله الحمد كان رقمي من الاوائل دخلت على اللجنه كان فيها تقريبا 8 اشخاص يضمون رئيس التحرير والمدير العام وكم اجنبي على وحده حرمه < بنت :d اهم شئ اهم نقطه انك لا ترتبك وتكون عادي لان اكثر مايهمهم هو طريقة كلامك وحركاتك ولا الاسئله عاديه تختلف الاسئله طبعا اول واحد دخل يقول سئلوه عن ماهي المدن التابعه للمنطقة الشرقية يمكن تشوفونه سؤال عادي لكن الاهم هو كلامك وعدم ارتباكك انا سئلوني ماذا تعرف عن صحيفة الشرق , ومتى موعد صدورها وهل اشتغلت قبل كذا وليش اخترت الصحافه واسئلة اخرى شخصيه توكلوا على الله والله يكتب اللي فيه الخير لنا ولكم يارب بالنسبة لمكان المقابلة هو في طريق المدينه النازل مع تقاطع شارع التحلية بجوار سيتي ماكس احنا اول ناس سوو معنا مقابلة حقين الشرق بعدنا فيه مجموعه ثانيه تابعه لوظيفه ثانيه اتوقع ان كل المقابلات هناك , لكن بالنسبة للي تسأل اتصلي على باب رزق جميل وتأكدي منهم بدل ماتعبي نفسك بمشوار واخرتها ما استفدتي شئ دعواتكم لي اني انقبل فيها يارب اهم شئ اني كنت عند وعدي واعطيتكم التفاصيل وبعد كم ساعه رحلتي للمدينه :ash: في امان الله |
شكرا رهف وشوشو
شكرا عاطل منذ سنين أنا كمان عندي مقابلة بكرة لكن في الرياض ومو عارفه صراحة المشكلة أن في المقابلة رجال وأنا صراحة ما أقدر أهم شيء يكونوا حريم رغم مره محتاجه للوظيفة |
صراحه محتاره كثير أروح والا لا أنا قلتلهم قالوا بيكونوا الاغلبية نساء عاد مدري :(
لكن بعرف صحيح ماذا تعرف عن صحيفة الشرق , ومتى موعد صدورها ؟؟؟ ياليت ترد أخوي عاطل منذ سنين |
هلا عزيزتي هذه الروابط فيها الاجوبة على استفساراتك
https://www.btalah.com/t319797.html https://www.btalah.com/showthread.php?t=304144 تمنياتي لكي بالتوفيق |
جزاك الله خيرا اختي
تم إضافة تقييم لك :) تستحقين |
الساعة الآن 08:12 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين