تم افتتاح المزاااد (فرصة لاتعوض)
السلام عليكم ورحمة الله وبركاته ياشباب في حوش جنب شركة عبداللطيف جميل وكل ماعدي من عنده اشوف زحمة ناس وسيارات :do5h: المهم الحوش للسيارات المستعملة الخاصة بتويوتا ولكزس (مصدومة) قلت خليني انزل واتلقف شويئ دخلت الحوش وشفت انواع السيارات جيوب وباصات وسيارات صغيرة وكوامري واغلبها من 2006 الى 2011 والصدمات بسيطة وبديت اتفرج واقلب في السيارات كل ماقرب من واحد الاقي معه ورقه ويدسها ويطالع علي بنص عين:g مو داري اني على نياتي واغلب الناس تحصل جايبين معهم سمكري او مكنيكي يسوم الاصلاح ونفس الحاله كل ماتعدي من جنب واحد يدس الورقه قفلت معي وقلت بسئل الموظف :mad: ورحت سئلته وقالي الهرجه مزاد سئلته ليش محد يحرج قلي ياخوي الطريقة تدفع 10000 ريال ونعطيك ورقة فيها ارقام السيارات وتحط سومتك وافضل سومه الله يباركله مثلا سيارة كورلا مصدومة صدمة خفيفه عجبت تحصل عليها رقم 150 تكتب في الورقة سيارة 150 السوم 15000 ولو كنت افضل سومة بيدقو عليك وبتزيدهم 5000 فوق 10000 الي اول ولو مانكتبلك فيها نصيب بيرجعو 10000 واسف على الاطالة :r |
شـكرا لك وبارك الله فيك... لك مني أجمل تحية .
|
وين هذا
|
بجده ولا وين ؟
|
بجدة طريق مكة وشاكرين مرووركم :h |
تسلم يا عبدالرحمن الأحمد
وهذا كل سنة يصير لكن ما عرفت الوقت الأن الا منك ربي يبارك فيك |
اقتباس:
اتمنى اي واحد يشوف الرد يدعي لخالتي بالشفاء من المرض الخبيث فهي بحاجة لدعائكم حمانا الله وحماكم وكل من نحب من هذا المرض الخبيث اللهم رب الناس اذهب البأس واشفها انت الشافي لا شفاء الا شفاؤك لايغادر سقما [/align] |
حياك الله اخوي عبدالرحمن الاحمد
هذه طرق نصب جديدة من عبداللطيف جميل اول الخسائر الف ريال من كل شخص !!!!!!!!!!! ثاني النصب ورقه ولاحد يشوفها الا الموظف ، يعني الموظفين هم الاول والاخير بالمسأله كلها وش فيها المزاد التقليدي العادي .. يجي يحرج قدام العالم كلها والكل يشوووووووووووووووف ويسمع ويعرف من رسى عليه المزاد اما الدس تحت الطاولات مايمشي ارجوا ان لاينخدعوا الاخوان في مثل هذه الاكاذيب رح للحراج واشتر على عينك وقدام الناس والسوم حقيقي تحياتي |
دعواتي لخالتك بالشفاء العاجل
|
اقتباس:
[/align] اقتباس:
الله يجزاك خير |
موفق بإذن الله ... لك مني أجمل تحية .
|
البركة في الرزق الحلال والنية الصادقة
|
مزاد للسيارات
يا شباب أنا رحت مزاد عبد اللطيف جميل واشتريت من عندهم سيارتين وصلحتها وبعتها في مكه ولله الحمد ربي رزقني بمكسب حلو :Thumbs:
الشغله هذي يا شباب والله حلوه وفيها مكاسب خياليه والسيارات الي عارضينها للبيع اسعارها حلوووووه الان يرسلون لي رسائل على جوالي كل ما يفتحوا البيع كل اسبوع مرة في جدة ومره في الرياض كل اسبوع يوم الاثنين والثلاثاء الاسبوع هذا في جده أنا باسجل لكم أرقام تليفوناتهم بس الان ماهي موجودة عندي ان شاء الله المرة الجايه بازودكم بارقامهم واتمنى الفائده للجميع |
يعطيك العافيه
وربي يشفي خالتك وجميع مرضى المسلمين اللهم امين |
الطريقة في البيع فيها ابهام وغير وضوح ويمكن يكون فيها غرر في البيع
لابد من الوضوح في البيع والشراء وإلا لن يخلو من الخديعة كما قال عليه الصلاة والسلام للبائع أو فيما معناه ( هلا اظهرته فيراه الناس ) صلى الله عليه وسلم |
الله يشفي خالتك ويرفع عنها وجميع مرضى المسلمين
آميييييييين يا رب |
بالتوفيق للجميع
بس لازم تحسبوها صح عشان ماتخسرو |
مشكور اخي
|
الشغله مربحه وانا مجرب تضع سعرك على السيارة الي تريدها واذا كان اعلى سعر تأخذها وبيعهم نضيف ومافية اي غش او تدليس
والله على ما اقول شهيد وكذلك قابلت مشترين هناك وسألت لاني كنت متخوف وكلهم طمنوني وهذه ارقامهم 02/6884815 في جدة طريق مكه بعد ثانوية الشاطي بأتجاة الشرق 01/4959026 في الرياض بس للاسف ما اعرف عنوانهم في الرياض ملاحضه السيارات معروضه قدامكم وبأمكان المشتري معاينة السيارة عنده وقت كافي يومين الاثنين والثلاثاء من الصباح الي المغرب ويمكن لمن رغب الاتصال عليهم والاستفسار منهم |
الساعة الآن 03:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين