ويـــن اصحـــــــاب المبـالـــــغ الـصـغـيـــــــــــــــره ؟؟؟؟؟؟؟؟؟؟؟
السلام عليكم ورحمة الله وبركاته
هذا المشروع للي يبغون يشتغلون بأنفسهم مو اللي يقولوا نستحي او نخجل :ash: او يقولون نأجره على عامل .. ما ينفع لهم بدل التسدح بالبيت والفرفره بالسيارة .. شمر عن ذراعك واشتغل بنفسك الفكرة ببساطة هـي : حـصـــــادة ثيــــــل ... العملاء المستهدفون من المشروع : حدائق المنازل / حدائق الاستراحات / حدائق الشركات / المشاتل الزراعية الاصول الثابته : ** حصادة ** سيارة على قد حالها التكاليف الماليه : الحصادة : تختلف اسعارها .. هناك الحصادة اليدوي العاديه وتختلف اسعارها حسب قوة الحصان حصادة بالنزين : اسعارها تختلف حسب قوة الحصان لكن بشكل عام الاسعار رخيصه وما تتعدى الــ 4000 ريال حصادة كهربائية يدوية سعرها : 1300 من ساكو خلكم مبدئيا على اليدوي اللي عند ساكو رخيص وكويس سيارة ونيت على قد حالها : من 5000 ريال الي 10000 ريال عشان تشيل المشروع فيها :d طباعة ملصقات عليها صورة الحصادة ورقم الجوال ولصقها على الاستراحات والمنازل بس انتبهو لا تلصقون الملصق على باب الفيلا عشان ما يجي صاحب البيت ويلصقها بجبهتك :d طباعة كروت موضحا فيها الشغله ورقم الجوال ويتم توزيعها على الشركات والمشاتل << ولا تنسوا ترزوا الحصادة بالكرت تراها هي الرقاصه اللي تجيب فلوس :d المردود المالي : لو افترضنا اننا راح نتفق مع العملاء بالمتر .... فالمتر تقريبا 1 ريال للمساحة اقل من 100 متر المساحة فوق 100 متر الي 200 م = .75 هلله يعني لو 200 متر بيكون الاجمالي 150 ريال ساعة زمن وانت منتهي من المكان ومشطب عليه ... لو كررنا العملية باليوم مرتين = 300 ريال باليوم بالشهر = 9000 ريال بشرط انك تشتغل الشغله بنفسك مو تجيب عامل .... وعلى فكرة الحصادة مثل الحلاق قد ما تحلق الشعر .. يوم ويطلع :confused: يعني ما يمديك تقفل اخر الشهر الا عميلك حق اول يوم ... طلع شعر استراحته :d بس انت كون قاعدة عملاء لك يصيرون يطلبونك بالجوال .... وبالمره تدخلون القصور وتتفرجون ببلاش :d مشروع مو مكلف كثير ومصاريفه بسيطة خصوصا البنزين ... والحصادة تحت يدك عشان تحافظ عليها مو بيد عامل يفرط ابوها بساعه :mad: وان ما مشت الفكرة والتجربه بيع الحصادة على مشتل زراعي .. والسيارة دور لها باكستاني معلم ديكور جبس يشتريها منك :g للي عجبتهم الفكرة ... آمل دراسة المنطقة اولا ... ومدى احتياجها لمثل هذا المشروع ... يعني مو واحد بقرية مافيها استراحات ولاشي يقوم يجيب حصاده ؟؟ |
الفكرة حلوه بس قبل لاتنفذها خذ لك لفة ع المحلات وشوف الاسعار وطبيعه العمل
مم توسيقار والي معاها الف ونص شتسوي فيها :d مير الله يجزاك الجنة يالطيب ع افكارك وتحريك القسم :Thumbs: |
الفكرة منتازة جدا ولا تبي تعب ووناسة ولا تنسى من ضمن راس المال ابريق شاهي الاصفر الكوري تخلي الشاهي يخر دامك تحصد ويالله الجنة
|
وين اللي يبي ادعمه براس مال والنص بالنص:k
|
|
اقتباس:
الكل سيرى ان المشروع تافه ولكن لو حسبها صح بيلاقي فيه خير كثير انا حسبتها انو ممكن يسوي العمليه مرتين باليوم طلع معانا 9000 ريال طيب لو اشتغل 3 مرات يوميا كم بيطلع معانا شهريا ؟؟؟ = 13500 ريال ولا اقدعها موظف : معاك الف وخمسميه ؟؟؟ اللحين من الصباح قاعد اقرأ قصة حياتك وتجارتك بالنت وابو ريالين ومدري ايش واخرتها 1500 ؟؟ :y ربى انتي من جدك ؟؟ :q |
ههههههههـ
ايي الف ونص والحمدالله ماانصرفت :m. لي فترة افكر بالاسهم :wa ودي اجربها ومابتهور جالسه ابحث واتعلم في المحفظه المجانيه الي بالراجحي :i توسيقار تتوقع الحصاده كل يوم ؟ اتوقع اول شهر دعاية ومافي شغل الا كم مره بالاسبوع واحلا شي انها ماتحتاج شهادة وخبره :cool: بس الواحد لازم يكافح عشان يصرف ع نفسه ولايتعقد ويقول استحي $ استغفرالله استغفرالله استغفرالله ـ اكثروا من الاستغفار اليوم خسف القمر كليا :c |
وعليكم السلام ورحمة الله وبركاته
لا ابدا اخي الكريم مب تافه بالعكس المفروض كل شاب وشابه مسلمه يتوكلون على الله وياخذون بالاسباب يتعلمون كيف يكسبون لو القليل وكيف ينفقون وكيف يوفرون وافكارك هذي ممتازه جدا للجميع بارك الله فيك وجعله في ميزان حسناتكم ابدا ابدا لا تنقصون من قدر الهلله لو نقصة كسرت المليار واصبح كسووووور |
فكرة جيده يعطيك العافيه
|
مشكور اخوى وبارك الله فيك
|
الساعة الآن 01:51 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين