|
اللي مضى على تصنيفة اكثر من سنتين .
بسم الله الرحمن الرحيم
اللي مضى على تصنيفة اكثر من سنتين ولم يتوظف السلام عليكم شباب انا عندي بعض الاسئلة لو سمحتم تفيدوني .. انا دبلوم صيدله من الاكاديمية الدولية للعلوم الصحية . انا عديت اختبار الهيئة من اول مرة قبل ثلاث سنوات في شهر 2 من عام 2008 والاختبار بالعربي واختياري وعلى اوراق هذا كان النظام القديم جبت فية 77% ... ومن التخرج الى الان لم اتوظف ابدا.... رحت للهيئة قبل 8شهور وقالو لي انت مر على تصنيفك اكثر من سنتين ولم تتوظف وبكذا لا زم تطبق شهرين وبعدها اختبار , طبقت شهري والاختبار كان تقييم بالمستشفى الجامعي بالرياض يعني ما هو برومترك نجحت بالتقييم ورحت للهيئة وعطوني تصنيف جديد وبتاريخ هالسنة .. الاستفسار هو : هل ملزوم اني اختبر برومترك عشان التعيين ؟؟؟ بعض الاخوان يقولو ان التعيينات بتكون الافضلية للي جايب نتيجة ممتازة في اختبار الهيئة هل هم بياخذو بنتيجة الاختبار الاول اللي هي 77% ولا بالتقييم الاخير ؟ انا لما دخلت موقع الهيئة وحطيت رقم التصنيف وطلعت البيانات طلعلي ان بطاقة التسجبل المهني منتهية على العلم اني بعد الاختبار الاخير مجددها ودافع 150 ريال ؟؟؟؟؟؟؟؟؟؟؟ وهذا هو الرابط لحالة الممارس الصحي ... http://arabic.scfhs.org.sa/index.*****..er&Itemid=4835 بطاقة التسجيل المهني اللي عندي اخذتها من الهيئة قبل اسبوع ودافع150 ريال لهم ومكتوب على البطاقة انها تنتهي في مارس 2013 !!! وفي موقع الهيئة انها منتهية في 2009 ؟؟؟؟ |
طيب اخوي انا مثلك 3 سنوات ماتوضفت وقبل 4 اشهر جبتلهم ورقت تعريف اني شغال بمستوصف
لنه البطاقه انتهت بعام 2009 كانت مدتها سنه وبعد ماجبتله ورقت التعريف اني شغال بمستوصف قلي انت تحتاج تمديد للبطاقه فقط دفعت 150 ريال وتم التمديد الى 2013 وعطوني بطاقه جديده بس توي مشيك على موقع الهيئه مكتوب Registration Expire 2009 يعني منتهيه ايش الحل |
كل استفساراتك ما اقدر افتيك فيها
ما عدا استفسار واحد متأكد منه وهو التعيين ليس له دخل بنتيجة اختبارك بالهيئه لانه المسؤول عن التعيين هو وزارة الخدمه المدنيه وشهادات وبطائق التصنيف لا يسجل فيها معدل نجاحك بالاختار وإنما تصرف لكل مجتاز دون تدوين نتيجة الاختبار بالبطاقه بمعنى اخر لو واحد ناجح بمعدل 45% وانت ناجح 80% كلكم بالتعيين سواء وجميعكم مجتازين الهيئه وهي الاهم |
مراسي الشوق اظاهر انهم يلعبون علينا
انا اخذت شهادة التصنيف الجديدة ومعها بطاقة التسجيل المهني وكانت منتهيه قلت للموظف ان البطاقة منتهية وابي اجددها قالي ما تجدد إلا اذا توظفت !!!!! قلت له ان ما انقبل في اي وظيفة والبطاقة منتهية قالي شف الاخوان اللي على الشباك (اظاهر انه مايدري وين الله حاطة ) رحت لموظفين الشباك قالي ادفع 150 ريال وجددتها .. والله ما ادري وين الصح وين الغلط اذا موظفين الهيئة ما يعرفون عن النظام تبينا حنا اللي نعرف والخوف ان بكرة يجيك موظف الخدمة المدنية ويدخل موقع الهيئة بالسجل المدني حقك ويقول اسف بطاقتك منتهية يا سلام ههههههههه عز الله توظفنا ههههههههه |
تلميذ انثى هو صحيح انه ما يسجل نسبة الاختبار على شهادة التصنيف لكن مسجل على كمبيوترات الهيئة
لاني سبق وسألتهم عن النسبة وقالولي ان النسبة 77% مكتوبة عندهم في الكمبيوتر ... اما بالنسبة هل ان الخدمة بتاخذ بالطريقة هاذي ما ادري لكن هالكلام قيل في المنتدى من احد الاعضاء ... |
مرحبا اخوي المهيدلي سالفت انك جددت وشيكت على موقع الهئيه حالة ممارس صحي
وطلع ان البطاقه منتهيه هذا مايسمى تجديد هذا تمديد ويكتب في البطاقه بس.. لاكن اذا تبي تجدد لازم تسوي اعاده تسجيل وهذي عندي بس حط رقمك وانا ادق عليك ..موفق خير |
تمديد !!!!! هذا رقمي 0555899884
|
ومن قال لكم ان ديوان الخدمة يطلب بطاقة ؟؟؟
من الي مطلع الاشاعة ؟؟ يا ناس فقط المطلوب الشهاااااااااااااااادة فقط فقط فقط البطاقة بعد ماتتوظف روح جددها براحتك وعلى اقل من مهلك |
اخوي مازن سانتو انت تقول راي وغيرك يقول راي والله ما عاد ندري عن شئ لكن الله يرزقنا بالوظيفة ونفتك ..
|
اخوي مازن انا بسألك سؤال انت خريج أيش ؟؟؟وايش تخصصك ؟؟
|
اخوي مازن شكل سؤالي صعب عليك بس ابي اقولك شي اذا منت خريج صحي
وشكلك من التقنيه فااقولك لاتتكلم في شي لاتفقه فيه زين ........... |
اقتباس:
انا دافع رسووم 5 سنواات اول ماسجلت بالهيئه خريج 1429 والبطاقه كانت سنه تنتهي ب 2009 وانا جلست عاطل لمدت سنتين طبعن جدت البطاقه او بالاصح عملت تمديد للبطاقه ب 150 ريال وجبت ورقه اني اشتغلت بمستشفى اخذت عندهم شهر وجبت ورقت تعريف من عندهم وتركت الدوام طبعن الكلام هذا قبل اربع شهور وبموقع الهيئه حالة ممارس صحي Registration Expire 2009 بعرف شي واحد لو طلع اسمي من ضمن الاسماء الجديد بالتوضيف هل في مشكله او الهيئه تشترط اني اجدد او شي من هذا وشاكرلك |
انا تخصصي تمريض
من معهد خاص وسبق اني توظفت في وزارة الصحة عن طريق ديوان الخدمة المدنية وقدمت استقالتي وقعد سنة ممرض في مستشفى بالشرقية وبطاقتي منتههية 2007 وانا توظفت 2009 الى 2010 وماحد قالي وين بطاقتك بس اخذو شهادة التصنيف فقط والصحة دربونا 3 شهور 2 شهر عملي وشهر نضري واختبار بس وصح سوينا ختبار سي بي ار |
اقتباس:
والله يعقدك وحصلت مع واحد اعرفه قال معك مهله اسبوعين رح جدد وتعال فلا تتهاون ..موفق خير يارب |
اقتباس:
مع العلم رحت اليوم الهيئه وشاف اسمي على الكمبيوتر عنده قلي وضعك كويس البطاقه مجدده يعني انت حالين منت منقطع قلتله والموقع حالة الممارس مكتوب منتهي قلي ماعليك عندي بالجهاز مجدده |
مراسي اي فرع راجعته انت
|
بجده فرع واحد
|
| الساعة الآن 05:29 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين