تبي تعرف انك سعودي
دائماً مسرعين وماوراهم شي - لازم هوشه في اي لعبه جماعيه سواء كانت " كيرم "أو " بلوت " مروراً بـ "الـ أتاري " - شي لازم يمر بطفولة كل بزر .."انت مب ولدنا ، لاقينك بالشارع" - ألام السعودية اذا ضاع ولدها تبكي .. وإذا لقته طقته - لازم تنكسر صينيه ولا كاسة شاهي بالبيت اذا فيه ضيوف - كل الحريم عيالهم ما ياكلون ، حتى السمين:مسيكين وليدي مهوب ياكل أبد - كل الهنود و الاجانب اسمهم محمد - مايحلى الإنترنت الا وقت الاختبارات والنوم - الحريم اذا اتصلوا على الرجال اول كلمه تكون :"وينك؟" والرد دايم :"قريب" - أي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب - في كل بيت لازم مجلس للحريم ومجلس للرجال ويشوهون مخطط البيت ومع كذا مايجيهم احد -أم توصي عيالها : "اذا سألوكم اي شيء قولوا : مادري" - الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم - الأم تعاتب ولدها :"حرام عليك ليش طقيت أخوك الصغير وبكيته ؟؟" ... الولد :"هو اللي بادي" -الولد مع اهله مايدفع ريال ومع اصحابه يحلف عليهم ماتدفع ريال - فشلتونا :كلمة يقولها الولد لأهله إذا جاء يمشيهم -الدولاب فيه مليون لبس و اذا جت عزيمه "ماعندي شيء البسه, ياربيه وش اللبس, بروح السوق ادور اخاف ما القى , ياربيييه ليتهم ماعزمونا -الكبار يمسكون البزر ويحجرونله :"من تحب اكثر امك ولا ابوك؟ " - يوم الجمعه : يوم السمك العالمي - ما يعرفون يطلبون بالكوفي إلا : "كبتشينو" وبعد إدمان للكافيهات .. صار يعرف : موكا - يستخدمون كأسات الجبنه للشرب (ماء أو شاي) -لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان -آكل الـ " آيس كريم " بشويش علشان اخوي يخلص حقه قبلي واقهره - في عز الفرحة: "مناسبه سعيدة، عيد، سفر،مجتمعين على الغداء ..الخ"، تلقى الام تهاوش بناتها و الولد يضرب اخواته - سوالف البنات بعد الزواجات: أنا اكشخ وحده-وانا احلى وحده-ويوم مريت كلهم ناظروني.حركات الشعور بالنقص ودك تلفعينها وهي تسولف -انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونها عين -لا تسلمين خليها هي تسلم .. ويخلص العرس وماسلموا على بعض - اذا عرفواإن الولد يحب اخته المولوده ولا يغار، يقولون له بناخذ اختك، يالله هاتوا ملابسها -إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم كن ماتزوج ولا حمل ولا ولد ولا سافر ولا مرض غيرها -سلام الجدات:هلا وشلونكم وشخباركم وعساكم بخير وشلون عيالكم وشلونكم و شلون شايبكم وشلونكم و شخباركم وعساكم طيبين وشخباركم وكل ذا في 30 ثانيه -عند كل سوق لازم تلقى مجموعه شباب يبون يدخلون وهم يدرون أنه عوائل - سعودي يسأل عامل اجنبي ... انتا مسلم؟ مين كفيل؟ وين شغل؟ كم راتب؟ امممممم ايش اسم انتا يا محمد - الام كل ماشافت عيالها عند اللاب توب او معاهم البلاك بيري او الايفون:تدعي ع اللي صنعهم - حالة طوارئ يوميا الساعه السابعه صباحا -إمك وابوك من عرفتهم وهم الأوائل في كل دراستهم وأنت اللي ما طلعت عليهم - رمضان حزة اذان المغرب: أذًّن؟ لا ما أذن؟ إلا كني سمعته! اطلع شف اذن ولا لا؟ اسئلو بالبيريأذن؟ طيب حطو القناة الاولى نشوف - اذا خلصت بطارية الريموت ، يجلس يعضه ويعضه ويركبه ويشتغل الريموت ويحس انه سوا انجاز - الرجل السعودي : يلا أنا عند الباب اطلعي وهو باقي له ربع ساعه ياصل البيت - مواصفات زوجة المستقبل عند أي سعودي .. طويلة وبيضا وشعرها طويل .. - كل الطلاب اللي درجاتهم ضعيفه ..بينهم عذر مشترك ..وهو ان المدرس حاقد عليهم - الأم : يا وليدي ارجع للبيت بسرعه بس ( لا تسرع ) !! - عندك واسطه ! تدخل جامعه، مستشفى حكومي، وزارات ! ما عندك شي ؟ أجل اقعد في بيتكم - يمر لمحل وجبات سريعة .. والطلب: همبرجر تريبل .. اكسترا شيز .. مايونيز , وعشان الرجيم : الببسي دايت - إذا معانا مشروب غازي و نشب فينا بزر نقول:" هذا دوا يابابا دوا " - تلاقي المتسوق عند الكاشير يحتج و يشتم فيهم لأن الأسعار عالية، و بالأخير يطلع الفلوس من جيبه و يعطيها للكاشير - مستحيل تأخذ سندويتش للمدرسة عشان ما يقولون عنك مصري - أكبر بنت وولد على اسم الجد والجدة , بنتهم الكبيرة لطيفة والثانية ميار - نتواعد نطلع 6 وتصير الساعه 8 ولسى ماطلعنا - اذا بيقومون شخص من النوم، يطفون المكيف، يفتحون اللمبات يشيلون الفراش, واأحياناً يرشون الوجه مويه(في الشتاء مويه بارده) - الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه - الام تدلع ولدها والبنت ملعون خيرها - اذا جو يصلون لازم يلفون شوي يسار للقبله - اذا مريت عند ناس وهم واقفين ولا سلمت قالوا شايف نفسه واذا سلمت قالوا يبي يتعرف - اذا كنتوا جالسين وطلع واحد، حشيتوا فيه واللي يخاف ان يحش فيه مايطلع الا آخر واحد - الطفل السعودي يكلم طفل ثاني: أبوي أقوى من أبوك, سيارة أبوي أحسن من سيارتكم, وريني عضلاتك - عضلاتي أكبر من عضلاتك ...... الخ - الطفل السعودي اذا كان بالشارع ومرت سياره، يشوت نعلته علشان تدعسها السياره - العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه اذا كنت تحس ان 80% من الي انكتب هنا يصير بحياتك فـمبروك: انت سعودي أحس إننا عائله وحده |
اقتباس:
+ حنا سافرنا اكثر منككم للقصيم + حنا رحنا للحكير 4 مرات انتم مرتين خخخخخخخ < كان يقولها |
- مستحيل تأخذ سندويتش للمدرسة عشان ما يقولون عنك مصري لااااا مستحيله عندي .. انا للحين آخذ معي (خبزه وعصير من البيت ):d - العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه كنها دقه على اللي كانوا كل ما راحوا مكه لازم يسكنون بالشاميه < ترا موب كل القصمان :i لأننا ما نسكن به من اول .. اما اسنع واحد اجل سافرتوا للقصيم > والله لو هي الجنوب :Looking: [align=center] [/align][align=center] [mark=#FF9999].[/mark][mark=#FF9999] لا إله إلا الله ,, فدا العسكرية https://www.btalah.com/images/smilies/Looking.gif[/mark][mark=#FF9999].[/mark][/align] |
هههههههههههههههههههه
الله يسعدك :w:w |
اقتباس:
بهذي معك حق 100% ياحظي سعودي :d:h |
[COLOR="DarkGreen"] [/CENTER]- يستخدمون كأسات الجبنه للشرب (ماء أو شاي[/SIZE]) هههههههههه الله يخارجنا -انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونها عين اي والله أنك صادق - سعودي يسأل عامل اجنبي ... انتا مسلم؟ مين كفيل؟ وين شغل؟ كم راتب؟ امممممم ايش اسم انتا يا محمد شيبان الديرة الله يحسن الخاتمة لهم - الام كل ماشافت عيالها عند اللاب توب او معاهم البلاك بيري او الايفون:تدعي ع اللي صنعهم الله يرحم امي ويدخلها فسيح جناته - اذا خلصت بطارية الريموت ، يجلس يعضه ويعضه ويركبه ويشتغل الريموت ويحس انه سوا انجاز أكيددددددددددد أرفع راسك - الرجل السعودي : يلا أنا عند الباب اطلعي وهو باقي له ربع ساعه ياصل البيت :Thumbs::Thumbs::Thumbs: - الأم : يا وليدي ارجع للبيت بسرعه بس ( لا تسرع ) !! :cry::cry::cry::cry::cry: - مستحيل تأخذ سندويتش للمدرسة عشان ما يقولون عنك مصري ماعليك منهمممممممممممممم - نتواعد نطلع 6 وتصير الساعه 8 ولسى ماطلعنا :mish::mish::mish::mish::mish: - اذا بيقومون شخص من النوم، يطفون المكيف، يفتحون اللمبات يشيلون الفراش, واأحياناً يرشون الوجه مويه(في الشتاء مويه بارده) :mad::mad::mad::mad::mad: - الام تدلع ولدها والبنت ملعون خيرها الله الخيررررررررررررررررررررررة - اذا مريت عند ناس وهم واقفين ولا سلمت قالوا شايف نفسه واذا سلمت قالوا يبي يتعرف صدووووووووووووووووووووق - الطفل السعودي يكلم طفل ثاني: أبوي أقوى من أبوك, سيارة أبوي أحسن من سيارتكم, وريني عضلاتك - عضلاتي أكبر من عضلاتك ...... الخ هههههههههههههههاي - الطفل السعودي اذا كان بالشارع ومرت سياره، يشوت نعلته علشان تدعسها السياره ههههههههه اذا كنت تحس ان 80% من الي انكتب هنا يصير بحياتك فـمبروك: انت سعودي أحس إننا عائله وحده [/QUOTE] أرف راسك أنت سعودي [/CENTER] |
اقتباس:
:cool::cool::cool: اقتباس:
اقتباس:
اقتباس:
اقتباس:
اقتباس:
لا أحد يسوي سواتي أخاف تنفجر بخشته همن أكل ذنب:cry: اقتباس:
اقتباس:
شكراً جزيلاً |
ملينا من هالمواضيع
تبي تعرف انك سعودي شوفوا السعوديين وش يسوون اذا طلعوا نزهه شوفوا السعوديين بالخارج هذا اللي أخرنا عن العالم ؟؟؟ شعب فاضي ماورانا شي بس نضحك ونستهبل ع العالم وعلى بالنا اننا افضل الشعوب ولا قبلنا ولا بعدنا !!! الله يفتح ع قلوبنا ؟؟؟؟ وبس ... |
طيب البطاقه ماتكفي اني سعودي ولا لازم تنطبق علي هالشروط
|
اقتباس:
الدعوي وأنا أخوك مزوح وضحك ليه ماخذ الموضوع بجد . ترا أحنا السعودين لنا كرزمه خاصه وحنا على فكره صرنا نغطي على الطليان والمصرين بالفكاهه اضحك وخل صدرك وسيع يارابع العاشق وآخرهم . |
الساعة الآن 06:55 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين