طلب فكرة مشروع
 

مقاولات الحين سوقها ماشئ فل الفل

الشغل واجد بس الواحد اذا جت الدراهم طارت الافكار
بس على العموم انا صارلي فتره محتار زيك وقبل شوي كلمني واحد من الشباب
وكنا نسولف عن الاراضي قالي ان في مخطط يبعد عن الحرام 30 كيلو والاراضي فيه رخيصه
مره لانه ماعليه صك عليها ورق اذا تحب المخاطره هذي فرصتك رح خذ لك 6 او 7 قطع وخلها
6 شهور وبيع راح ترد لك المبلغ دبل والعقار كله بركه
والمشاريع كثيره وودي افيدك تذكرت مشروع ثاني انا مشارك فيه واحد من الشباب وشغله كويس
محل بيع جوالات بالاقساط صح انها متعبه بس مكسبها ممتاز وعلى المدى المتوسط
انشاء الله اكون افدتك واذا لقيت لاتبخل علينا

اخوي نصيحه ابتعد هذه الايام عن العقار والله اني كنت جالس قبل اسبوع عند ناس هوامير في العقار وكلهم باعوا اراضيهم لانهم يتوقعون نزول هذه الايام بنسبة 50% وخاصه بعد النظام الجديد اللي طبق على اصحاب الاراضي

اخوي صاحب الموضوع

للدخول في أي مشروع سلبياته وإجابياته ومن أهم السلبيات لأي مشروع هو عدم القناعة بالمشروع منذ البداية لذا يتكون عداء وخوف من مستقبل المشروع فيقع المحذور ويفشل المشروع . والإجابيات إذا ما أردنا التحدث عنها فأهمها الصبر وثق أن الله لن يخيبك فلا تستعجل الأرباح . ومن هذا المنطلق أقول لا تدخل في أي مشروع مهما كانت مغرياته إلا وأنت تحبه ولكي تحبه يجب أن تعرف كيف تديره ولكي تديره يجب أن تصبر عليه .
أتمنى أني أوصلتك لمشروعك الذي تريد أن تنفذه أنت .... وليس مشروع يريد أن ينفذه غيرك .

الله يوفقك ويرزقك الرزق الحلال
اخوي انا انصحك بورشه سمكره او ميكانيكا

راقب الاجانب عندنا... شوف وش يحطون يدهم عليه من مشاريع و حاول تقتبس الفكره اللي تناسبك

الله يزيدك يارب .. حبيبي اذا تقدر تطلع ارض تجاريه .عن طريق البلديه وتسوي فيها ملعب صناعي والساعه 200 ريال . الشباب يموتون بشيء اسمه كوره لكن الملاعب مو كثير متوفره خاصه بالمدينه الي انا فيها .. والله يوفقك

عبدالعزيز الخير ....


انت باي مدينة لان موقع المشروع مهم او عندك استطاعه انك تسوي المشروع باي مدينه ممكن اعرف

الله يوفقك

الف شكر لك اخوي بس للاسف وانا اخوك مايستهويني هالشغل هذا اشكرك اخوي