|
ممكن طلب لو سمحتوا قهوة الطريق استفسار
السلام عليكم ياجماعه
انا باذن الله في صدد افتتاح كوفي شوب اللي يسمونه قهوة الطريق بس لحد الحين علي ورق ماطبقت قلت لازم ادرس ابموضوع عدل وبعدين اقدم علي المشروع المهم مااطول عليكم اي احد يعرف وين تنباع ادوات القهوه والقهوه نفسها والاشيا الجيده منها واذا في شركه اقدر اتعامل معاها تكون علي ضمان وكل شي يخص هذا الموضوع لاتبخلون علي ماعليكم امر واذا كنت بفتح المشروع برا السعوديه في دوله قريبه البحرين او قطر او الكويت يصير اهناك اقدر اطلع رخصة قهوة الطريق ياليت تفهمون قصدي الكافي اللي عند محطة البانزين ونا سمعت ان تكلفتها 75 الف تقريبا صحيح هالكلام واللي عنده دراسة جدوي ياليت يحطها اهني الله لايهنيكم ساعدوني معتمده علي الله ثم عليكم لا تخيبون ظني :) |
وصدق شلون نبني محل بجانب محطة البانزين يعني ادفع اجار المحل حق منو وفي الدول اللي ذكرتهم يجوز نسوي نفس الشي ومحد يمانع عادي يعني لان انا صراحه ماشفتها الا بالسعوديه
واذا احد عنده دراسة جدوي ياليت يفيدنا فيها وشكرا لو سمحتوا تفاعلوا مع الموضوع لان ودي اقدم علي الرخصه بس مو عارفه شي الله يحقق كل يتمني للي يرد علي استفساراتي وشكرا مقدما |
وينكم ياجماعه احد يرد لو بدعوه :m
|
ليش محد يرد؟؟؟؟؟؟؟
|
اختي تقدري تيجبي كل الاغراض والاجهزة من شركة الهليس
القهوة تشتريها من محلات القهوة تستأجري الموقع من صاحب المحطة وتدفعي له قيمة الايجار وتطلعي رخصه من البلديه وبعدها تبدأي ببناء الكشك وبعد البناء تبدأي تجهزي المكان بالاجهزة .... موضوع انك تطلعي خارج السعوديه ... فهذه صعبه عليك كثير ... ولا نعلم حتى هل تلك الدول تقبل اقامة مثل هذه المشاريع ام لآ .... وماهي شروطها في حال قبولها ذلك ... خليك بالاول هنا ولا تفكري برا ابدااااا لانك ما راح تقدري تتابعي مشروعك وانتي في دولة ومشروعك بدولة اخرى وفقك الله |
روتق هنا فيه مواضيع كثيره
دايما اقرأ قهوة طريق كيف واين وهل ؟؟ ياليت تقرين المواضيع كان ودي اخدمك بالبحث ابحثي وشوفي علشان ماتتعبين من جد رونق ولا روتق وايش معناه :d |
موفقه باذن الله
|
موفق بإذن الله ... لك مني أجمل تحية .
|
وعليكم السلام ورحمة الله وبركاته
تفضل هذا ارابط ممكن يفيدك كثير [gdwl] https://www.btalah.com/t188832.html [/gdwl] |
هلا اختي تسويقار الله يعطيج العافيه ماقصرتي صراحه كثييير استفدت من كلامج ان شالله في ميزان حسناتج يارب
اكيد يعني ماركة هيليس هذي الماركه اللي ياخذون منها محلات الكوفي شوب ومضمونه يعني واذا عندج ارقامهم علشان اقدر اتواصل معاهم الله لايهينج وعن القهوه شنو المحلات الزينه اللي تبيع الكابتشينو والانواع الاخري اللي يتطلبه الكوفي شوب اما بخصوص اني ليش ماافتح اهني لاني مالقيت دعم لاني انا مو من السعوديه من احدي الدول اللي ذكرتهم *فوق وانا صراحه مااعرف الموسسات اللي تدعم الخليجيين نرد الموضوعنا في دول من الخليج ماترضي تعمل مشروع قهوة طريق وليش ؟؟؟ تباشير الصباح انا اسمي رونق بس كل مااحط الاسم بالتسجيل يطلعلي موجود فقلت اغير شوي بالاسم علشان يضبط*:i الف شكر للي حط الرابط بس هذا الموضوع شاركت فيه وانتظر الرد الله يعطيكم العافيه جميعا جد ماقصرتوا الحين يبقيرالسوال هل في دول الخليج نقدر انسوي هالمشروع ناطره اجاباتكم:u |
| الساعة الآن 02:58 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين