فيزا مسبقة الدفع , كيف الوصول إلى ذلك
 

يعطيك العافية اخي (الصبحي)

يعني بطاقتك :

نوعها : - فيزا مسبقة الدفع \ وهي إسلامية .
البنك: - من الراجحي
رسوم : - عليها رسوم سنوية , كل سنه (100)
فتح حساب وطريقة الشحن : - باقي معلومة : (فتح حساب)

* طيب اخي يا ليت تخبرنا كيف تشحنها ؟ يعني لازم افتح حساب مشان احول من حسابي للفيزا والا اروح البنك ادفع وهم يشحنونها ؟ (إذا فيه فيزا من هالنوع يا جماعة علمونا بحيث ما افتح حساب ) .

السلام عليكم ورحمة الله وبركاته

وش فيك شارده من الحساب افتحي حسااب ينفعك بيوم و لابد من الحاجه له

انا نفس الشي عندي فيزا تسوق من الراجحي ويتم شحنها عن طريق مباشر الافراد بالنت

رسوم الاشتراك بالسنة 100 ريال - وسالفة محفورة و طباعة هذي تفيدك غالبا بالخارج والراجحي تجي محفورة إذا طلبتيها من النت تاخذ لها اسبوع

وللمعلومية إذا انتي راح تستخدمين التسوق الالكتروني والمواقع العالمية يفضل انه يكون عندك صندوق بريد بإسمك و البطاقه بإسمك - عشان تضمنين وصول الطلب لك - قبل كذا طلبت من دون صندوق بريد ارسلوها على الرياض - لازم تكونين موثقه كل شي بإسمك عشان لايضيع حقك

نرجع للفيزا تقريبا والله العالم ان بنك الرياض بدون فتح حساب يعطونك فيزا - واسألي بالراجحي بعد

والفروقات كلها بسعر صرف الدولار

واللي شفته الناس تشتكي من فيزا الاهلي من تعليق الحساب والمبالغ ...إلخ

اما الراجحي من ناحية شرعية و عموله وسهوله تماااااااام

الفيزا والماستر كارد وجهين لعمله وحده - والمسبقة الدفع فيزا عادتن

>> لايكثرر ههههههههههههههه دمتي بود

السلام عليكم ورحمة الله وبركاته

يعطيك العافية , اخ (فاكتور)

انا شاردة من فتح حساب لان يبي له احد يوديني من الصبح لقسم النســــــاء .. والناس أعمال ..غير اني ما ادري وش الاوراق والثبوتيات المطلوبة !

إيه هذي اللي قلت عليها الشرائية هذي بالذات ,, لا ما ابيها , ما ابي اتوهق معاها .. اجل وش اسمها اللي ابي ؟؟؟؟؟ اللي يعرف من موضوعي يعلمني وش اسمها

اللي ابي لو بغيت اسحب منها فلوس نقد فإنها تسحب لي ,,مع ما ادري وراهم صنفوا هذي عن هذي , اللي ابي بعد اشبه ما تكون بشرائية بس ما فيه سلعة تنمسك باليد , لا مثلا اشتري (مقال) , (كتاب) , اشترك في موقع يلزمني بالدفع أحد يحول لي مبلغ وهو في أمريكا مثلا وهكذا ..

طيب الحين انتوا تقولون - مو لازم فتح حساب اللي مو لازم كيف ادفع رسومها (بس اروح اسدد) والا فيه نوع ما فيه ما فيها رسوم اساسا والا كيف ؟؟

طيب انا ما ابي اطلبها من النت .. ابيها من البنك اللي بروح له, هل فيه تعقيد والا ع طول يعطوني إياها !

خذي الراجحي - وبالنسبة للسحب النقدي ياخذون عليه عموله - اتصلي بخدمة العملاء واستفسري 920003344 - وبالنسبه لتعقيدات مافي تعقيدات واجهتني نص سااعه وانا ماخذها 12 بالليل و البطاقه مفعله - وبالنسبة لفتح حساب - افتحي حساب عن طريق التت ورووحي لهم على طوول تخلصين --- وسلامتك

السلام عليكم ورحمة الله وبركاته

عزيزتي رنا

احب افيدك واعلمك باللي لازم تسويه .. لانو انا عندي فيزا الراجحي تسوق مسبقة الدفع

اولا تروحي للبنك واهم شي يكون عندك بطاقة الاحوال او كرت العايله ..
تفتحي لك حساب ب 75 .. ومو لازم يكون فيه شي ,, عادي ... وتطلبي منهم بطاقة فيزا تسوق ..
الاجراءات مره سهله وبسيطه ومابتاخذ منك اكثر من نص ساعه

الاحسن انك تفتحي لك حساب عندهم .. ليش ؟
لانك بتحطي فلوسك فيه .. ووقت ماتبغين تشترين تحولي بالنت من صفحه المباشر للافراد من حسابك الى بطاقة الفيزا الخاصه بك ... طبعا اسهل في التعامل والتحويل بحكم انك بالبيت
واحنا يالبنات مب طالعين كل يوم والثاني للبنك تحويل وغيره .. عشان كذا افتحي حساب وارتاحي

ليش خلوها مسبقة الدفع .. لانها اكثر امان .. يعني مابتحطي فيها غير المبلغ اللي تبين تشترين فيه .. عشان لو تعرضتي للسرقة لا سمح الله مايكون فيها مبلغ يجلط القلب
وزي ما افادوك اخواني اللي فوق .. الفيزا تاخذ 100 ريال رسوم سنوية
وقت ماتشحني او تحولي للفيزا يسحبوها منها يعني بتلاقي رصيدك فيها بالسالب

راح توضح لك مديره البنك .. الاجراءات حقت الاستخدام .. ولو مو فاهمه حاجه لاتستحي واسألي
وكمان الاهم انك ماتسحبي من الفيزا بالصرافه الآلية .. لانو مع كل عملية سحب يخصموعليك مبلغ بس ناسية كم

طيب لحد الان استفدنا لكي افتح حساب من الراجحي :

- الافضل افتح من النت ثم اروح لهم .
- اخذ معي بطاقــة الأحــــــــــــــــوال او كـــرت العائلة .
- اجهز مبـــــــــلغ 75 لفتح حساب
- أخيرا أطلب منهم بطاقة فيزا مع العلم كما افدتم ان رسومها (سنويا 100 ريال) . ( طيب بعد هنا لازم أدفع لطلبها \ والا الفيزا مجانية ؟)




يعطيك العافية (فاكتور)

..

اختي شادن ,

تقصدين لو ابي أشترك في موقع بالنت يلزمني بدفع دولار مثلا فإن البطاقة المناسبة هي (البطاقة الشرائية) ؟ لاحظي اختي : انا ما بشتري سلعة , ابشترك في موقع والاشتراك بفلوس
اخاف اخذها ولما اجي اشترك , لا يقبل نوع البطاقة ! (هنا مربط الفرس \ اخاف فيه بطاقة شكل ومسمى ثاني)

طيب الشرائية هذا هل بإمكاني أحول منها إلى حساب صديقة لي مثلا في أمريكا؟؟ (تهمني هاذي الخاصية) لان غرضي مو بس شراء . أبي احول منها .

- قلتي أهم شيء سحب الفلوس ! أجل إيش الطريقة اللي أسحب بها !


باتظارك اختي شادن , أو أي احد ممكن ينورنا .

الصراحة غريبة أول مرة أسمع بحياتي أن فتح الحساب ب 75 ريال المفروض أنه يكون مجانا بدون اي رسوم وهذي تعليمات مؤسسة النقد على العموم مو موضوعنا أن بأختصر عليك الموضوع كله ..
البطاقات الائتمانية تقدمها شركات معينة وأشهرها ماستر كارد وفيزا وكل الشركتين معترف فيها في المواقع يعني لاتشيلي هم في هل البطاقة معترف فيها أو لا ..
وبنك الرياض يقدم بطاقة مسبقة الدفع من احد هالشركتين وميزة بطاقات بنك الرياض أول سنه مجانا بدون اي رسوم ولايحتاج فتح حساب وحتى لو فكرتي تفتحي حساب راح يكون مجانا وطريقة شحن البطاقة عن طريقة فروع البنك أو عن طريق تحويل المبلغ من حساب الوالد أو الاخ أو اي حساب اخر والجميل في بطاقات الرياض أنها تحتوي على شريحة ذكية برقم سري
واي اسفسار اخر بالخدمة

^
يعطيك العافية (طهبلة ) >> اسمك غريب:d << خليني بالفيزا خخخ:p