صديقتنــا العزيزه هئية التخصصات
بســـــــم الله الرحمـــــن الرحيـــــم الســـــلام عليكـــــــم ورحمة الله وبركاته أسعـــد الله أوقاتكـــم بكل خيـــر أدري أن أحبتنا خريجين التقنيه ملو من مواضيعنا هيئة التخصصات وهئية التخصصات ماعندنا غير هـ السالفه وزيدكم من الشعر بيت حتى في البيت صرنا نسولف عنها أكثر مانسولف عن أهلنا ههههه راح أدش بالموضوع أمس في إستراحه قابلت واحد من إدارة التصنيف المهني بـ الهئيه بالرياض وع طول سألته قلت إحنا الي كان عندنا يعاد تقيمه بعد عام وجاء قرار بشيله من الشهاده وإعطانا شهاده بدون قيود وبطاقه لمدة سنه مع من نصنف مع من إجتاز إختبار الهئيه 14000 أم لا قال لي تعتبرون ممن إجتاز إختبار الهئيه ولكم كامل الحق بالتوظيف مثل غيركـــم وربي هذا كلامه لي أنا شخصياً وبعدين سألته عن البطاقه إذا إنتهت كيف التجديد قال إذا توظفت نجددها تلقائياً حتى لو تتوظف في مستوصف خاص أهم شيء ماتنقطع عام كامل لإنكـ لو إنقطعت راح تدخل تدريب ثلاث شهور همن تختبر إختبار النكبه برومتركـ وقال نظام الهيئه واضح أي شخص ينقطع عن العمل وتنتهي بطاقته حتى لوكان مجتاز إختبار برومتركـ لابد أن يتدرب ثلاث شهور ويختبر من جديد يعني ورانا ورانا وتستمر هذه الشهاده بأكل الفلوس ولحد الحين مافيه فائده أتمنى أن أكون أفدت البعض هنا مع تمنياتي للجميع بالتوظيف |
ويشملنا حنا البنات الله يجزاك خير وويوظفك والمسلمين
|
الله يعطيكـِ العوافي أم فيصل ع تواجدكـِ
والله يوفقكـِ ويوفق جميع العاطلين من الجنسين بوظائف تفتح لهم أبواب الرزق بإذن الله |
الله يعطيك الصحة والعافية والله يوفقنا جميع خبر كوووووويييييس بس عندي سؤوال وياليت احد يجاوبني عليه تكفوووون لانه محير ناس كثير السوؤال :
الحين دام الي كان كاتبيله على ان يعاد تقييمه بعد عام من قبل الهيئة وشالوا عنه القيود واعطوووه بطاقة ومدتها سنه وصار من الذين اجتازوا الامتحان وانشاء الله يتوظف الجميع . فالسوؤال منهم ال 14552 الي ماعدوا الاختبار وبيرجعون يدرسووون تكفون اي واحد عنده خبر منهم يعطينا خبر تكفوووووووووووووون؟؟؟؟؟؟؟؟ لاهمية القصوى |
منورأخي الكريـــم الذين ذكرت عددهم حسب معلوماتي أنه يشمل حتى الطلاب الي لحد الحين لم يتخرجو
باقين ع مقاعد الدراسه والشباب الي معدو حتى بالتقييم وهؤلاء قله طبعاً ولأن إحصائية 28000 هم جميع طلاب المعاهد المتخرجين والذين لازالو مستوى أول تحيتي ... |
موفق بإذن الله ... لك مني أجمل تحية .
|
حتي التقنيه عندهم هيئه زي هيئه التخصصات الصحيه الي عندنا
وانا اشوف كثرت مواضيعهم اثاريهم منكوبين زيينا الله يعينكم |
الله يكون بلعوووووووووووون
يعني لازم اختبار برومترك من جديد مو مصدقين انا نجحنا اول مرة الله يجعلها في نحورهم |
وعليكم السلآم ورحمه الله وبركآته
حيآك آخوي ويعطيكَ آلف عآفيه ع حرصك ومعلومآت لنآ وبيض الله وجهكَ بخصوص اللي يعآد تقييمه بعد سنة ويتم تجديد بطآقتة انآ سويت تعديل للقرار بعد ماجابو لي الضغط , واخوي نآجح بآختبار بالبرومتك بآول اختبار انا عدلت القرار وجددت بطآقتي واخوي منتهيه بطآقته وهو لآ يعمل بما اننا ندرس ونكمل بالبكالوريوس وهذا السنه الثانيه كل ماعليك انك تجيب لك تعريف انك طالب ويجددون لك البطآقه ع طول يعني مو لازم انك تعمل ولا شي فَ اللي يدرس ويكمل بس يجيب لهم تعريف طآلب وتمشي آموره زي العسل والله يوفقنآ ويوفقكم |
الساعة الآن 12:54 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين