استفسار عن سلاح النقل بالخرج
 

تبي نصيحتي روح بنفسك لمكتب التجنيد وشوف اسمك ورقمك عندهم ولا لا

صح رووح بنفسك لهم لا تحتري شئ منهم رووح شووف شنو صار بقرارك ام تجلس يرووح عمرك انت ما تدري

موفق بإذن الله ... لك مني أجمل تحية .

حاول انك تحشرهم يعني تخليهم يملون منك بس يبون يحققون مطلبك من كثر ما تنشب لهم , وصدقني تكون اقوى من الواسطه ههههههه

وخلك نشيط بكل شي التقديم ومراجعاتهم الين تستلم الدواااااام , وعقبها ريح عمرك

والله يرزقك

ياخوي تقول يملون مني اللي يشوفك تقول بيصرفون لي راتب من جيبهم

الحمد لله

المهم اني سعيت في طلب رزقي والباقي عند ربي وربك

ياخوي انا توني جاي من الرياض قبل يومين ولقيت قراري في مبنى الخليه في حي الوزارات شارع الملك عبد العزيز بالرياض وانا رافع اوراقي من تجنيد تبوك يقول تو القرارات حت في 3/8/1432
المهم لقيت قراري وتم تعيني في حفر الباطن سلاح النقل
روح لهم ان شاء اللله تلقى قرارك مطبوووووووع روح مبنى الخليه وزارة الدفاع والطيران تحياتي لك

موفق بإذن الله ... ألف مبروك .. الله يرزقك من واسع رزقة ويطرح لك الخير بوظيفتك

بركوت انت كيف رفعت اوراقك كاملة كشف وبصمات واحوال من تجنيد تبوك

والإرفعت شهادتك باقي ماسويت كشف

نعم رفعت اوراقي كامله كشف طبي وبصمات ودفتر الالتحاق والشهاده والسيره والسلوك وصوره رخصه عمومي وكل شئ المهم رفعتها عطوني رقم معامله المهم قعدت ثلاث شهور رحت لتجنيد قالوا ما تجي عندنا تروح مبنى الخليه وزارة الدفاع والطيران وتلقى قرارك المهم رحت هناك صدق لقيت قراري حتى سئلني قال وينك ما جيت استلمت قرارك قلت والله مالي خبر قلت طيب ليه ما دقيتوا علي قالوا ما ندق على احد يلي يبي قراري يجي يأخذه ويرووح لدوامه المهم روح انت لرياض حي الوزارات شارع الملك عبد العزيز مقابل اسواق الشعله وان شاء الله راح تلقى القرارك هناك لان كل القرارات يقول عنده في الوزاره انطبعت جميع القرارات 3/8/1432
ان شاء الله تلقى قرارك بس خذ معك بطاقه الاحوال بس ورووح لهم اخوي ادعيلي بالتوفيق اخوي