استفسار عن سلاح النقل بالخرج
السلام عليكم ورحمة الله وبركاته
كيف حالكم إن شاء الله دائما بخير ؟ اخواني بخصوص سلاح النقل قدمت عليهم في الخرج مرتين عام 1430 وعام 1431 عام 1431 ماطلع رقمي في المقبولين وقطعت رقم الطلب من القهر بعدها نزلو دفعة احتياط ومادري قبلوني ولا لا قدمت بالثانوية العامة ورخصة عمومي نقل ثقيل التقديم السنة هذي مايشملني عمري فوق 26 سنة قبل كم شهر اتصل علي واحد الساعة 6 ونص صباحا‘ مارديت ورجعت اتصلت عليه قال في اي منطقة تبي نحطك قلت اي مكان قال خلاص نتصل عليك وعليها لااتصال ولاشئ واتصل على الرقم اللي كلمني منه يعطيني شبكة (رقم جوال ) والله ياشباب اني حاس ان فيه خنبقه وياليت احد يجيب لنا رقم التجنيد حق الخرج مليت راح عمري وانا اقدم الحين قربت من الثلاثين وعطالة 7 سنين وياقلب لاتحزن شروط تعجيزية واخرتها يجي واحد نايم في بيته ويجيه قرار التعيين لحد الباب ماقول غير حسبي الله ونعم الوكيل |
تبي نصيحتي روح بنفسك لمكتب التجنيد وشوف اسمك ورقمك عندهم ولا لا
|
صح رووح بنفسك لهم لا تحتري شئ منهم رووح شووف شنو صار بقرارك ام تجلس يرووح عمرك انت ما تدري
|
موفق بإذن الله ... لك مني أجمل تحية .
|
الله يعطيكم العافية كلامكم سليم
بس مليت من المراجعات مايعطونك كلمة صدق ماغير يصرفون ياجماعة الخير تصدقون اني رفعت اوراقي من مكتب التجنيد حق الطائف على وظيفة واخذت رقم المعاملة للرياض وراجعتهم فوق اربع مرات في القيادة بالرياض قبل حوالي 4 سنوات مره يقول في السرا واخر مره يقول ارسلناها للطائف وحقين الطائف يقولون ماجاني شئ معاملتك بالرياض (وارقام المعاملة مازالت موجودة عندي )والله اعرف ناس من اخوياي قدموا بعدي على جنود اوائل وشملتهم الترقية يعني الحين عرفاء وبترقون وكلاء رقباء خلال هالسنه بس اللي مريحني اني سويت اللي علي والباقي عند الله مايضيع شئ |
حاول انك تحشرهم يعني تخليهم يملون منك بس يبون يحققون مطلبك من كثر ما تنشب لهم , وصدقني تكون اقوى من الواسطه ههههههه
وخلك نشيط بكل شي التقديم ومراجعاتهم الين تستلم الدواااااام , وعقبها ريح عمرك والله يرزقك |
اقتباس:
الحمد لله المهم اني سعيت في طلب رزقي والباقي عند ربي وربك |
ياخوي انا توني جاي من الرياض قبل يومين ولقيت قراري في مبنى الخليه في حي الوزارات شارع الملك عبد العزيز بالرياض وانا رافع اوراقي من تجنيد تبوك يقول تو القرارات حت في 3/8/1432
المهم لقيت قراري وتم تعيني في حفر الباطن سلاح النقل روح لهم ان شاء اللله تلقى قرارك مطبوووووووع روح مبنى الخليه وزارة الدفاع والطيران تحياتي لك |
اقتباس:
موفق بإذن الله ... ألف مبروك .. الله يرزقك من واسع رزقة ويطرح لك الخير بوظيفتك بركوت انت كيف رفعت اوراقك كاملة كشف وبصمات واحوال من تجنيد تبوك والإرفعت شهادتك باقي ماسويت كشف |
اقتباس:
ان شاء الله تلقى قرارك بس خذ معك بطاقه الاحوال بس ورووح لهم اخوي ادعيلي بالتوفيق اخوي |
الساعة الآن 01:36 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين