راح اطلع قرض 60 الف و محتاج مشاريع ناجحه ..
 

السلام عليكم ورحمة الله وبركاته

أخواني كما هو موضح في العنوان انا ناوي اطلع القرض هذا و اسوي مشروع دخله ممتااااز بدلا من الراتب اللي ما يسوي شيء و حدي 60 الف ريال ..

شروط المشروع دخل شهري لا يقل عن 5000 ريال ولا يحتاج متابعه مستمره ...

كنت بأفتح محل ترجمه لكن قلت لو ما جلست فيه بنفسي راح اتحمل راتبين و راح الدخل ما بقى منه شيء .. :q

ملاحظه مهمه : انا مرتبط بوظيفه دوام 8 الى 9 ساعات يوميا يعني ماعندي نهار .. :eek:

افكر بالاستيراد و البضائع و الامور هذي اللي مافيها جهد كبير و ما تحتاج مني الا بعض الوقت .. :)

او النقل الثقيل ( قلابات ) < حاب اتعرف ع الشغله هذي بشكل اكبر ..

..

أرجوكم انا محتاج لدخل ثاني ممتاز لاني قريبا بأعرس ..:wa

ولا ما كان بطلع قرض .. :cry:

اكثر شيء اعجبني هو شروط المشروع دخل 5000 شهري وبدون تعب ههههههههههه

الله يرزقنا واياك ويوفقك .. إذا لقيت مشروع دخله 3000 شهري وبدون تعب لا تنساني

موفق باذن الله بس لاتشرط حتى ماتخسر طبعا كل شي باذن الله

نصيحه اذا قريب عرسك لاتفتح مشروع لانك راح تنشغل عنه ويفشل والامور كلها بيد الله

موفق بإذن الله ...

عليكم السلام ورحمة الله وبركاته

الله يرزقك وجميع المسلمين ... اللهم آمين .

مبروووووك الزواج مقدمااا .

دامك تبي تعرف عن سالفة القلابات اعطيك فكرة قريبة :
في شركات ومؤسسات مقاولات تجيها اعمال لشركات كبرى وطبعا يسووا عقود بالباطن مع اصحاب القلابات وينقلوا المواد ... المهم لب الموضوع :
شراء المواد مثل الرمل الاحمر والبحص والرمل الابيض من الكسارات هذا كااااش .. وغالبا عن طلب الكميات الكبيرة لا تقدر المؤسسة على الكاش فيأتي دورك انت كيف ؟
انت تشتري من الكسارة كاش وتبيع للمؤسسة او الشركة آجل بسعر مرتفع غالبا يكون زيادة في المتر 4 ريال او 3ريال تقريبا زي كذا .. وتتفق مع الشركة او المؤسسة على وقت الدفع طبعا غالبا عند استلام المستخلصات الخاصة بهم .

ترى هذه الفكرة حلوة ومو متعبة ابدا ولا تحتاج حتى حضورك على رأس العمل ... فقط تشتري بوك من الدركال او الكسارة وتسلمه للشركة او المؤسسة .

لكن اهم شئ العقد بينك وبينهم ...

=======================

بالنسبة للقلابات او التريلات ياخوي تحتاج سيولة وذلك لصرف الرواتب والمحروقات والصيانة لان المستخلص غالبا يتأخر عن الشهرين طبعا اللي سعر المتر مرتفع ا الشركات اللي اسعارها متدنية ممكن تدفع كاش او نهاية كل شهر .


بالتوفيق للجميع

نحن نساعدك في الاستيراد من الصين ونستورد لك اي بضاعه تحب المتاجره بها شرط تكون بضاعه مسموح دخولها من الجمارك
الله يوفقك ويبارك لك

الله يفتح ابواب الرزق بوجهك والله يوفقك ان شاء الله

عندك 60000 وتبي شهريا 5000 وبدون تعب

معادلة صعبة حتى فيثاغورس نفسة ما يحلها

لكن المبلغ طيب وتقدر تبدأ عليه أي مشروع

جميع المشاريع ناجحة و التجارة بركة لكن انت ما تبي تتعب

هذا لوحده أكبر عامل للخسارة

الشباب هنا عندهم أفكار حلوه وشف ميولك وين تتجه وابداعك وين بيكون والله يقويك

تذكر لازم تتعب ( أقل شي لين يرجع راس مالك وبعدها رييييييح)

الله يوفقك ويرزقك

السلام عليكم ورحمة الله وبركاته


اخي الكريم لا تستخرج القرض حتى تكون انتهيت من دراسة الجدوى واختيار المشروع المناسب والاستخارة .

اذا لا يوجد لديك وقت فنصيحة لا توهق نفسك بأي قرض او ديون .

عليك بالتجارة الالكترونية تستطيع متابعتها حتى من عملك ورأس مالك جيد للمشروع .

استيراد اجهزة الكترونية لابتبوب، جوالات ذكية .... الخ وشحنها الى باب العميل عن طريق شركات الشحن .


بالتوفيق اخي الكريم