بعد : السلام عليكم ورحمة الله وبركاته

أخواني وأخواتي الأفاضل

موضوعي كنت أعمل لدى شركة وأستقلت منها قبل 6اشهر وتم الموفقه على أقالتي ولكن لازلت في النظام لدى مكتب العمل مسجل على راس العمل

هل مكتب العمل يستقبلني ويوظفني او لا بد ان انتظر حتي ينزل اسمي من مكتب العمل وكيف استطيع ان انزل اسمي لان الشركة ما نزلت اسمي

وشكراً لكم

{ ياويطي ياعيال عايد } اسمك له 6 شهور بالشركـة ،، ياخي يستغلونه ملاعين الوالدين يطلعون ،، شهادة سعودة او اذا طلبو تأشيرات او اي شئ الزبده اذا كانت مؤسسة او شركة كل 9 اجاانب ب 1 سعودي ملاعين الجدف لاكن رح يمهم { ادري انك خذيت مستحقات ولاتنسى راتب الاجازة ولك بدل سكن بالسنة ،، طال عمرك + خذ منهم اخلاء طرف من نفس الشركة ورح لمكتب العمل المروح وعطهم الورقة ب قسم الحاسب ودايركت يشيل اسمك } ولعلمك كانك تبي تتوظف عن طريق مكتب العمل ف تبطي > لانهمم يعطونك ورقة موجةة لشركه الي انت تبي تتوظف فيها او الي مسجله في السستم حق مكتب العمل فيه شواغر ،، وانت لارحت عندهم صرفوك وكتبو على الورقة يوجد موظف استقبال او اي شئ وختموها وعطوكياها وانت تروح لمكتب العمل ،، وتعطيهم ويعطيك ورقه ثانية طبعاً { كلنا بني أدم وكلنا نطفش من المرمطه هاذي } مالك غير تسحب على مكتب العمل وتروح انت بنفسك لشركات وتقول ابي المدير العام وتكلم عليه خل عندك لسان يلوطه لوط .. وبيني وبينك الي كاتبه لك ربي يبي يصير وموفق خير ان شاء الله وعقبال ماتصير عسكري { دعواتك لي بالقبول المبدئ طال عمرك } .. ولاتنسى من دعائك > تعبت .

مشكور اخوي على الرد
احسك تعبت وانت تكتب الله يبيض وجهك

واشطن الشركة التي كنت فيها سابقا عطوك اخلاء طرف
اذا اعطوك رح لمكتب العمل للمدنية الي اشتغات فيها وعطها موظف الحاسب
يحذف اسمك من الجهاز وبس

أنا رحت لهم وودوني شركة وراتب 1000 ريال بالله عليكم هذا راتب جامعي رحت لخويي الله يستر عليه في مؤسسته وعطاني 4000 والله إنه أرجل من مكتب العمل

مافيه الا وظائف اهانات وموظفي مكتب العمل رافعييييييين خشووومهم ويالله يعطونك وجه

تبغى مكتب العمل يوظفك هيا انتظرني
مثل هرجه حقت توظيف الشباب يخذون ملفك من هنا يرمونه في سطل الزباله من هنا
لمن يطلعون في الجرايد ولا التلفزيون يقولون لك نحنو نوظف الشباب بس الشباب مايبغون
طيب اتوظف على اي اساس على اساس عقود يكتبونها مدراء الشركات بعد ثلاثه اشهر
يعني اشتغل عنده على الفاضي ولا على راتبك 3000 تستلم 1000 طيب 2000 ريال وين راحت
ماندري ولا على كلام وزير العمل كل بند كاتبه يناقض الواقع
وبعدين يقولون شبابنا ليسو يد عامله طيب وين تبي اذا كل شوي طرد طرد

اذا عجزوك قالو لك خبـره من وين لي خبره اذا طالع من بيت امي ماسويت شي

يارجال لو بس 1% من الشعب يوصل كلامنـك لـي (ابومتعب ) وربي مانطلع خايبين
بس وش نقول اللي له 3 سنوات اللي له 10سنوات
وزير العمل جالس في مكتبه وطز في الباقين سواء هو اوي اي دائره فاتحه مجال التوظيف
يكذبون على الشعب لا توظفنا ولا شوفنا شي