تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > قسم اصوات واصداء > مشاكلك في العمل

الملاحظات

مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك

أهـانه لـ الشعب السعودي ، الرجو الانتبـااه ..

مشاكلك في العمل

بسم الله الرحمن الرحيم السلام عليكم ورحمة الله وبركاته أخواني المشرفين والاعزاء والاعضاء ، هذي اجمل تحيه طيبه لكم ، ( يشرفني ويسعدني أنني اسجل عندكم...

أضف رد
 
LinkBack أدوات الموضوع انواع عرض الموضوع
  #1 (permalink)  
قديم 18-07-2011, 06:19 AM
الصورة الرمزية أروقه حالمه
عضو سوبر
 
تاريخ التسجيل: May 2011
المشاركات: 436
معدل تقييم المستوى: 1573
أروقه حالمه محترف الإبداعأروقه حالمه محترف الإبداعأروقه حالمه محترف الإبداعأروقه حالمه محترف الإبداعأروقه حالمه محترف الإبداعأروقه حالمه محترف الإبداعأروقه حالمه محترف الإبداعأروقه حالمه محترف الإبداعأروقه حالمه محترف الإبداعأروقه حالمه محترف الإبداعأروقه حالمه محترف الإبداع
Cool أهـانه لـ الشعب السعودي ، الرجو الانتبـااه ..

بسم الله الرحمن الرحيم

السلام عليكم ورحمة الله وبركاته

أخواني المشرفين والاعزاء والاعضاء ، هذي اجمل تحيه طيبه لكم ، ( يشرفني ويسعدني أنني اسجل عندكم بَ منتديـات البطاله ) واشكر المشرفين والاعضاء على الجهود الجبار لـ خدمه الشعب السعودي ، واشكرهم شكر الجزيـل ... <


ألمهم ، انا ما احب اطول عليكم ...، بعطيكم زبده الموضوع


، أنا والله يآ شباب قدمت على وظيفه شركه(شبه الجزيره للمقالاوت) بَ الملز .. ، المهم انا قدمت عليهم وارسلت السيره الذاتيه ، وانتظر اتصالهم ، ألمهم بعد 5 ايام اتصل علي الشركه ،" موظف اسمه ابو فارس ، شؤؤن الموظفين

،قال لي السلام عليكم
قلت : وعليكم السلام
قال: معاك شركه شبه الجزيره للمقالاوت .. قالو انت فلان ابن فلان
قلت : نعم انا فلان ابن فلان "
قال : حياك الله : انت مقدم علينا على انك طالب وظيفه سكرتير ،
قلت : له نعم انا طالب وظيفه واسلت السيره الذاتيه
قال : نبيك تجينا اليوم ، ونعلمك بَ تفاصيل الوظيفه
" المهم انا انبطست وطرت بَ العجه ما صدقت على الله " < على طول غسلت الثوب ، ورحت المغسله ومتحمس ابو الشباب < فرحه ما تمت

ألمهم " انا رحت لـ الملز ، وادور على الشركه " على الساعه 12 الظهر " وبَ عز الحر

المهم لقيت الشركه " دخلت على الموظف ابو فارس " وقابلته "

، وقال عطنا لك ( سكورتي = يعني حارس امن ) < وانا مقدم على انهم يبون وظيفه سكرتير ، وشلون طلع سكورتي ؟ يعني استهانه هذي بالشعب ولا انهم يضحكون عليك ؟

ألمهم .. قلت .. انتم طالبين سكرتير ..ماهو سكورتي ؟ مكتوب طالبين وظيفه سكرتير
< المهم قلت له وين الوظيفه السكورتي < قال ، بَ المصنع . قلت وكم الراتب قال 3000 ريال .. تامين صحي واجتماعي ، قلت له " طيب انتم طالبين سكرتير ؟ وليه ما توظفني على مسمى الوظيفه
<

قال ( اصلا الشيوخ ما يوظفون سعوديين بالشركات ، واصلا حنا ما ناخذ الا مصاريه او سواريه ، يعني السعودين انتم على الحراسات الامنيه بس ) < يعني كلمه قويه يعني أنت يا الشاب السعودي مردك على الحراسات الامنيه " وغيرك الاجانب بالشركات تحت المكيفات ، واحلى جلسه ) قلت الافضليه حنا يا السعوديين بالشركه ، قال اصلا الراتب المصري 1500 وله اكثر من سنه عندنا بالشركه ، وانت خلك على الحراسات الامنيه وراتبك 3000 ريال ؟ < يعني بَ الله تتوقعون ان مصري له اكثر من سنه وراتبه 1500 ؟ < يبي يضحك علي، يحسبني بنقالي وانا ما ادري ؟ قلت له
" وهو يقول لا تفشلنا عند الاجانب يا ولد < يحسبني ابي اتوظف عنده .. هههههههه

" والله يا شباب ثم والله " انه يقول لي ( احس انك ما تبي المصنع يعني خايف من الليل ) < يبي يخليني اتوظف غصب ، وفوق كذ1 انا سالته قلت المصنع به سعوديين يعني حراس امن سعوديين . قال ايه موجودين ، والشباب السعودين موجودين هناك بالمصنع قلت له خلاص بكره راح ارد لك خبر ، من يوم طلعت من الشركه رحت لـ المصنع ،
( والله يا شباب اني يوم رحت ، ادور شباب سعودين حراس امن مافي ولا شاب سعودي ) لقيت الحراس ، 3 يمنيه 2 مصاريه ؟ ( شوفوا يا شباب يبي يكذب علي ،يبيني اوقع على الاوراق وانا واقف بدون ما اروح اشوف المصنع ) < يبي يجيب فيني العيد ..؟شوفوا كيف يجبرني على التوقيع على الارواق ؟ يعني استهان في الشاب السعودي ؟


، انا الي رافع ضغطي حاجه وحده بس "
( يوم يقول الشيوخ ، اصلا ما يوظفون الشاب السعودي بالشركات يعني انت يا الشاب السعودي خلك على الحراسات الامنيه بس ، وخل الاجانب عندنا بالشركات ") < بالعربي أنت يا الشاب السعودي قدرك على الحراسات الامنيه وخلك عند الهنود واحرسهم ، ؟


، انا ودي اقدم شكوى على الشركه ، وعلى كلمه الاستهان بَ الشعب السعودي ؟ وين اروح بالضبط .. ( لـ وزاره العمل ، ولا الاماره .. ولا حقوق الانسان ؟)


، واسفين على الاطاله ،" وانا صراحه ما كتبت الموضوع الا علشان مصلحتنا ، وعلشان ما يستهينون فيك
رد مع اقتباس
  #2 (permalink)  
قديم 18-07-2011, 08:13 AM
الصورة الرمزية غزلان نجد
عضو متواصل
 
تاريخ التسجيل: Feb 2011
المشاركات: 64
معدل تقييم المستوى: 27
غزلان نجد يستحق التميز

صدقت روحلة مرة ثانية ولا ارسله احد وسجله كلامه كله وروح مكتب العمل ولا تدري ارسله للعريفي والصحافي الدوسري وهم بيقمون بالواجب ياهي علوم بتصير

رد مع اقتباس
  #3 (permalink)  
قديم 18-07-2011, 10:29 AM
عضو مهم
 
تاريخ التسجيل: Jul 2011
المشاركات: 227
معدل تقييم المستوى: 27640
متحني بدم محترف الإبداعمتحني بدم محترف الإبداعمتحني بدم محترف الإبداعمتحني بدم محترف الإبداعمتحني بدم محترف الإبداعمتحني بدم محترف الإبداعمتحني بدم محترف الإبداعمتحني بدم محترف الإبداعمتحني بدم محترف الإبداعمتحني بدم محترف الإبداعمتحني بدم محترف الإبداع

أتصل على الشرطة وقلهم قضيتك وهمآ بيحولوك على الجهة المسؤولة ..


دايماً أسويها ..(:

رد مع اقتباس
  #4 (permalink)  
قديم 18-07-2011, 05:42 PM
عضو نشيط
 
تاريخ التسجيل: Dec 2010
المشاركات: 191
معدل تقييم المستوى: 27
الزاحف الليلي يستحق التميز

ولا تفتخرون انكم سعوديين هههههههههههههههههههه والاجنبي التاج فوق راسه دايم

رد مع اقتباس
  #5 (permalink)  
قديم 20-07-2011, 04:52 AM
عضو جديد
 
تاريخ التسجيل: Jun 2011
المشاركات: 33
معدل تقييم المستوى: 26
خالد الكناني الز يستحق التميز

صراحه نفس الحكايه صارت لي ..
قدمت في كودو كاشـير حصلت الهرجه في المنتدى
قدمت مثلي مثل اي شخص
حطيت سيرتي الذاتيه على انه كاشير
كشخت كلش كلش
لمن رحت قال لي
سكيرتي في كودو راتبك 1800ريال
عشان يطمعني قال فيه علاوه فيه زياده
طيب انا قدمت على كاشـير قال مافي كاشـير فيه سكيرتي وفيه موصل طلبات
يعني شوفو وش سووى فينا ذولي اقدم على مسمى وظيفه يعطوين مسمى ثاني

رد مع اقتباس
  #6 (permalink)  
قديم 20-07-2011, 04:57 AM
عضو متواصل
 
تاريخ التسجيل: Feb 2011
المشاركات: 91
معدل تقييم المستوى: 27
بشروني بوظيفة يستحق التميز

حلو البيت بيت ابونا والقوم طردونااااااااا

رد مع اقتباس
  #7 (permalink)  
قديم 20-07-2011, 05:18 AM
الصورة الرمزية ولد الدمامم
عضو مهم جداً
 
تاريخ التسجيل: Dec 2010
الدولة: في قلب حبيبتي
المشاركات: 680
معدل تقييم المستوى: 794458
ولد الدمامم محترف الإبداعولد الدمامم محترف الإبداعولد الدمامم محترف الإبداعولد الدمامم محترف الإبداعولد الدمامم محترف الإبداعولد الدمامم محترف الإبداعولد الدمامم محترف الإبداعولد الدمامم محترف الإبداعولد الدمامم محترف الإبداعولد الدمامم محترف الإبداعولد الدمامم محترف الإبداع

هههههذا الي يبي وزير العمل

رد مع اقتباس
  #8 (permalink)  
قديم 20-07-2011, 06:28 AM
عضو جديد
 
تاريخ التسجيل: Jul 2007
المشاركات: 14
معدل تقييم المستوى: 34
مخاوي السحاب تم تعطيل التقييم

[align=center]الله يكون بعونك ،، شي يرفع الظغط والسسكر ، ويكسر الحديد ، ويفتفت الحديد بالجسسم
ياعالم لين متى وهالاجانب !!
الي يقهرك يا عالم انهم يجون وربي ما يفهمون شي ،،وتلقاه متكى بظيفه بالاداره يا سكرتير ولا مدخل بيانات
المهم انه بالاداره ،، والسعودي منطق برى تقول جعري الله يكرمكم ،،
ولا كمان دايم على بالهم ان السعودي ما يفهم بعمله ،، ،،
وياويلك يا سعودي اذا توظفت بوسط اجانب .. يطلعون عيونك ، يورنك نجوم الليل بالظهر ،،
ما اقول غير الله المستعان ,, ونسأل الله العزيز الحيكم الصبر على هؤلاء الاجانب ،[/align]

رد مع اقتباس
  #9 (permalink)  
قديم 20-07-2011, 11:17 AM
عضو متواصل
 
تاريخ التسجيل: Jun 2011
المشاركات: 108
معدل تقييم المستوى: 26
مهندس الحرس يستحق التميز

الله يعين وييسر الأمور

رد مع اقتباس
  #10 (permalink)  
قديم 20-07-2011, 05:49 PM
عضو جديد
 
تاريخ التسجيل: Jul 2011
المشاركات: 3
معدل تقييم المستوى: 0
عاطل بسبب اجنبي يستحق التميز

يا اخي الين متى بس يستخفون بالمواطن السعودي ..
يعني المصري ولا السوري يفيد البلد اكثر من ولد البلد ..
والله يا جماعة انهم اكثر فساد من ولد البلد ..
على الاقل ولد البلد يخاف من الله
اما الاجنبي لا يخاف من الله ولا يخاف من حكومه .. وانا شايف هالشي بعيني
انا شغال في موسسه و شايف كيف المصاريه شي يلوع الكبد
الله يكون في عونك وانا اخوووك و يرزقك بالوظيفه الزينه

رد مع اقتباس
أضف رد

(( لا تنسى ذكر الله ))


مواضيع ذات صله مشاكلك في العمل

مواقع النشر (المفضلة) وتحتوي على WhatsApp لإرسال الموضوع إلى صديقك


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 02:11 AM


Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين