دقة ساعة الصفر ل الرطب
 

اخواني الأعزاء
السلام عليكم ورحمة الله
وبعد التحية ... اتمنى ان يكون موضوعي هذا ذات فائدة للجميع
كما تعلمون انه هالايام بدأ جني الرطب وبدأ كل شاب يشمَر عن ساعديه ويذهب الى السوق طالبا من الله ان يرزقه الرزق الحلال ... وأنا واحد منهم :wa ... لكن ينقصني بعض التوجيهات اللتي اجهلها ..(بديت ألمح للتجار علموني تكفون)... كيف اشتري ومتى و كيف ابيع ومتى واحسن طريقة لتصريف والخ

وطبعا أنا لي 5 ايام وانا كل يوم اروح لسوق ... الاسعار كل يوم تختلف
قبل 10 ايام كان فلين الروثانا الفاخر حبة كبير يحرجون عليه بــ 40 ريال
وفي الايام اللي بعده صار يحرجون عليه من 27 الى 35
وفي اليوم اللي بعده صار يحرجون عليه بـــ 17 الى 20
واليوم من 14 الى 17
اتوقع قاعدة العرض والطلب


انا ممكن اشتري 50 فلين واحملها واصرفها على محلات بزيادة مثلا ريالين
وما اقدر اشتري اكثر لانها ممكن ما تمشي واتوهق فيها وماعندي سيارة براد

وأنا اتعجب من بعض الناس يشتري 100و200 فلين كيف يصرفها ... قلت يمكن عنده محلات كثيره
طيب اللي يشتري اكثر يعني 300 وزيادة :confused: كيف يصرفها ... تتوقع خارج الرياض ... إلى اين يا ترى ؟؟؟

ونقطة اخرى الدنات اللي تدخل ساحة الحراج ( اقصد جملة عتيقة في الرياض ) يأخذون عليها رسوم او كيف ؟
ونقطة اخرى لو اشتريت من مزرعة دايركت وانا اوديها للحراج ... هذي طريقة ممكن احصلها فيه مكاسب ؟

وأخيرا اضيف لو كان فيه موضوع عن الاسعار ... يعني كل شخص يكتب عن مدينته ... كم السعر اليوم وايش النوع والخ ... توقع يكون لها فائدة
هذا والله اعلم

انا من عسير..
وأريد أن أقتحم هذا المجال..اللي من المدينه ولديه خبره الرجاء إرسال رساله خاصه..لاني سأزور المدينه لشراء كميات رطب...
مشكور عالموضوع المميز؟؟نحتاج من التجار توجيهات

الله يوفق الجميع

انا من القصيم وان شاء الله ابدخل السوق هذه السنه

ومن لديه الخبره لا يبخل علينا اما برساله ع الخاص
او يضعها بالمنتدى

والله يرزق الجميع من واسع فضله

السلام عليكم ورحمة الله وبركاتة
بالنسبة لسوق الرطب فيه خير ان شاء الله
وعليك بالتفكير في قنوات التصريف قبل الشراء
بالنسبة للأسعار من يوم الجمعة 14-8 الى اليوم الأسعار منخفضة جداً واتوقع مع نزول الرواتب وقرب رمضان رايح ترتفع ثم تنزل اول اسبوع في رمضان
على كل حال سعر الروثانة يوم الجمعة والسبت والأحد لم يتجاوز 13 ريال في الحراج
وكان المتوسط 9 ريال لروثانة الطيبة
السبب بعد الله الحرارة الشديدة زادت العرض
السوق يوجد فيه عدد كبير من الدينات لتسفير واغلبها لرياض لكن مازال السعر ممتاز

وانا تحت الخدمة

اللي يشتري كميات كبيره يمكن يخزنها

بالنسبه للي يبغى يشتغل أنا من المدينه وأعرف مزارع كثير

والله يوفق الجميع

نصيحتي لك أخوي أول شي إعرف انت حتصرف على مين بعدين اشتري
الشرى مضمون مليون بالميه بس البيع لا

ومنكم نستفيد
اسأل العضو دماغ اكبر دماغ ولا يهونون الحاضرين
لكن تكلم في موضوعه المثبت اعلى انه له باع في سوق التمر

موفق بإذن الله ... لك مني أجمل تحية .

السلام عليكم
انا كنت اشتري من المدينه المنوره واودي لرياض وابسط فيه واخذت 400 فلين طبعن انا معي ددسن وصرفتها كلها بـيومين طبعن انا صادفت يوم الجمعه بالرياض وبعت يمكن حول 250 او اكثر المهم الباقي يوم السبت الضهر والناس طالعه من الدوامات والحمد لله اخذت الفلين الواحد من المدينه 12 ريال وبعته من 20 ريال والى ماينزلي يتكلم وهو جالس بسياره اقوله 25 ريال وكمان الى سيارته كشخه مره مره اقوله 25 ريال والله تمشي هوا والله لو ماتوظفت لجيب دينات مليانه وابيع بالرياض طبعن انا من المدينه الله يلعن الوظيفه بس

اخوي المصلحيي

مشكور وماقصرت ... بس استفسارات
تقريرك عن الاسعار في سوق الرياض ؟

ايش تقصد بالتسفير ... يعني الى مدينة الرياض ؟
الدنة كم تاخذ فلين ؟


الله يوفق الجميع

ولد الشيوخ ف


هلا فيك
ما اقدر ارسل لك رسالة خاصة ... ارسل لي رقمك
انا بإنتظارك