عندي مشروع وابي رايكم
بسم الله الرحمن الرحيم
انا قررت ابدا بمشروع تاجير مخيم وتاجير دبابات وابي اعرف من اصحاب الخبره بها المجال ماهي سلبياته وايجابيته وابي شرح مطول ومفصل وش الصعوبات الي واجهتهم او المشاكل عشان الكل يستفيد وشكرا |
تبدا بالصيف ؟؟؟
لا زان الجو ابدا |
فاهم اختي انه الان صيف وببدا ان شاء الله اذا زان الجو بس انا ابي راي اهل الخبره وابي المشروع بشكل مفصل سلبياته ايجابيته هل مشروع مبرح او لا هذا الي اقصده
|
اختي ؟؟؟
|
وين اهل الخبره بها المشروع
|
لو سمحتو ابي رايكم افكاركم هل المشروع مربح او لا ابي شرح كامل عن ها المشروع علشان اعرف وش الاخطاء الي صارت لصحاب المشاريع الي مثل كذا واتلاشاها وشكرا
|
فيه واحد بالرياض وسوى مشروعه بالطايف
وكنا نروح لمحل الدبابات وما يدرون العمال ان نعرف صاحبها نلعب عيالنا وتكسب ماشاء الله لكن يتلاعب على صاحبها مرات يقول ما تكسب ومرات يقول خربت ووديتها تتصلح ويمكن تخرب منهم لانهم اثنين يروحون ياخذون اغراضهم عليها المهم متلاعيبين وشال الرجال دباباته وداها الرياض بالثمامه...الثمامه تحجز فيها ببلاش ويكون بدري قبل تبدا الاجازه وتاخذ المساحه الي تبيها حتى الشتاء نفس الشئ وماشاء الله شغالين ..مع انه ماشاء الله مو محتاج لكن يتوسع بالتجاره الله يرزقهم ويرزقنا يارب ملاحظه مره واحد بالمنتدى والله ناسيه من هو قال افضل شئ تجيب العامل الي عليها يكون يعرف يصلح خراباتها اقل تكلفه تشيل وتودي ومن هالشغلات ارجو اني افدتك ولو بالقليل لكن انت باي منطقه |
كل التوفيق لك واذا نفذت المشروع ياليت تععطينا تجربتك
|
الله يجزاك خير اخوي
|
اذا كنت في الرياض مر محل تاجير الخيام واسال عن اسعارها وخذ كامل التفاصيل واجار المحل
اما الدبابات والله مالي بها علم |
[align=center]
اخوي المستشار الله يوفقك ويرزقك من واسع فضله مشروعك حلو بس فيه بعض المشاكل اللي راح تواجهك 1/ الموقع المناسب ... وان شاء الله راح تلقى موقع مناسب 2/ الدبابات التي تستخدم في مثل هالمشاريع لازم تكون ذات جودة عالية مثل ( سوزوكي + ياماها + هوندا ) الخ واذا بتشتريها جديده فأسعارها مكلفة جداً .. واذا حبيت توفر وتشتري مستعمل راح تكلف عليك فلوس لأنها راح تحتاج صيانة وتصليح باستمرار .. وانت تعرف الورعان وسواقتهم مجرد يركب على الدباب يحس انه راكب فيراري وعينك ما تشوف النور 3/ راح تواجه مشاكل ولف ودوران من العامل لأنك ما راح تقدر تسيطر على الايرادات اللي راح تجيك والمصروفات اللي راح تصرف من صيانة للدبابات وبنزينها والمولد الكهربائي وديزله وو الخ 4/ مشروعك هذا ماراح يشتغل الا بفصل الشتاء ومو بكل ايام الاسبوع 5/ في الفترة الاخيرة الناس بدت تتجه للاستراحات ! الله يوفقك ويرزقك [/align] |
اقتباس:
لي صديق عنده مخيم كلفه تقريباً 35 ألف ريال أو 40 ألف (نسيت) بس منظم ومرتب ، وشغله نظيـــف ، ودائماً يختار موقع متميز بالثمامة يؤجره بالشتاء من 800 ريال وطالع إلى 1500 ريال لليوم الواحد وإذا جاء الصيف يطوي الخيام وأغراض المخيم ويحفظها عنده بالبيت ، إلى الشتاء القادم أما اتجاه الناس للإستراحات ؛ ليس على الإطلاق كثير ناس يرغبون ويفضلون المخيمات على الاستراحات ( خصوصاً في الشتاء ) أما الدبابات ، والدي عنده سوداني على كفالته يؤجر دبابات في الثمامة من سنيــن (الدبابات ملك للسوداني) ومحصل خير منها ، ولو أنها متعبة شوي ، ومشاكلها كثيـــــر وما تنتهي ^ ضع هالنقطة في بالك نسأل الله لك التوفيق |
موفق إن شاء الله
الله يرزقك |
الله يوفقك ويكتب لك اللي فيــه الخيــره .. بس لا تنســى الاستخــآره..
مشروع حلو.. ومربح خـآصه بوقت المخيمات .. والافضل يكون محل الدبابات قريب شوي من المخيمات عشان اللي بيستأجرون.. "والله الموفق" |
الف شكر لكل من رد على موضوعي
ان شاء الله بختار المكان المناسب وبيكون المخيم قريب من محل الدبابات بس التاجير المخيم على كلام اخوي صاحب الهمه انها تاجير 800 او 1500 طيب عندي سؤال تتوقع كم السعر لتاجير الدبابات بالساعه على اساس ماكون خسران وشكرا |
الله يوفقنا واياااااااااااك
|
اخوي مشروع ماهو ناجح لكن مآيكلف واجد يعني مايصلح ذا مو مشروح
|
اقتباس:
كيف ماهو ناجح ممكن توضح اكثر وشكرا |
بالتوووفيق
|
الف شكر لكل الي ردو والله يجزاكم خير
|
بالتووووووووووفيــق لك .
|
شكر لكل من رد على الموضوع
|
الساعة الآن 11:31 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين