حلول البطالة Unemployment Solutions - تكفى يا رجال نخيتكم

حلول البطالة Unemployment Solutions (https://www.btalah.com/index.php)

- - تكفى يا رجال نخيتكم (https://www.btalah.com/t337659.html)

تكفى يا رجال نخيتكم

السلام عليكم ورحمة الله وبركاته
علومكم وش مسوين

أول مره بعد معاناة 4سنين اشوف الكلمة
تم قبولك مبدئيا في قوات الأمن الخاصة

بس عندي مشكلة كتبت لهم وزني 84
ووزنت اليوم طلع 95 طولي 183
هم يدققون

والمشكلة الثانية وين موقعهم في الرياض
كاتبين لي أم الحمام وين اي شارع

تكفى اللي يعرف بخلي واللدييني يدعون له

4سنين عاطل (من الفله خليت هندي يغني لي خخخخخخ) مب مصدق

المقابلة 6الصباح وش الاوراق المطلوبة

ام الحمام بالرياض حول شارع تركي الاول انت لادخلت الرياض اسال اي واحد عن حي ام الحمام وراح يوصفلك
او انك تسال عن مصلى الملك خالد لانه قريب من القوات راح تشوف المبنى من عند المصلى والله يوفقك وعقبال القبول النهائي طال عمرك واذا على الوزن حاول انك ما تاكل شيء للمن تروح لهم

اقتباس:

المشاركة الأصلية كتبت بواسطة مفصول من كندا (المشاركة 4928780)

:Thumbs::Thumbs::Thumbs:

موفق بإذن الله ... لك مني أجمل تحية .

عقبال القبول النهائي

جزااااااااااك الله خير ما قصرت
الله يوفقك وين ما وجهت الله يسدد خطاك ويغفرلك دنيا واخره

مفكر كذا باقي 4ايام ما اكل شي واجلدها ركض كل يوم

الله يوفقكم جمييع

موفق بإذن الله ... لك مني أجمل تحية . ولا تشيل هم التدقيق توكل على ربك

الي اعرفة ان موقعهم اول ماتدخل الرياض
فية لوحة توضحلك كل شي باضبط وحتى موقعهم توضحة لك ولوحات ارشادية يعني ماتضيع ان شاء اللة
والف الف الف الف الف الف الف مبروك يالغالي

يا رجال فريت ارياض امس كله
ورحت لام الحمام وضيعتها وطلعت طريق الملك عبدالله
وشوي الا انا في جامعة الملك سعود
شوي الا انا بالبطحا شوي الا انا عند مخرج18
هههههههههه فلم امس محد يعرف يوصف لنا قبل لا اتوهق

ألف مبروك .. لقد سعدت بهذا الخبر

الله يوفقك وعقبال القبوول النهائي ان شاء الله.بنسبه لي الوزن والطول هم راح يقسونك اول ماتجي عندهم وفي نضري انا اعتقد ان وزنك مع طولك تمام و شروطهم ادخل موقعهم وتبي تشوف الشروط والله يسر لك امورك

مرحبا بك

اقتباس:

المشاركة الأصلية كتبت بواسطة مدافع صلب (المشاركة 4923843)

هذا وصف للام الحمام :-

أنت جآي مع طريق مكة السريع بيجيك مدخل الريآض اللي هو نقطة تفتيش بعد مآآتطلع مع جبل العآرض ، يعني طلعه مرة كبيرة ،، بعدين تمشي على طوول لا تلف يمين ولا يسآر ،، روووووح بيبدأ الطريق ينزل ويطلع مع وآدي لبن ، بيجيك قصر الملك عبدالعزيز للمؤتمرآت وآآآآآضح مرررة على يمينك بعده يجيك لوحة مكتوب وسط الريآض أو وسط المدينة يمين ،، أول مآآتلف يمين تمشي تقريباً 4 كيلوا على مآآ أظن بعدين يجيك كوبري مكتوب عليه ( طريق الأمير تركي بن عبدالعزيز الأول ) بعدين تطلع معه وتآخذ يوتير يعني فوق تحت وتجلس ع الخدمة تمشي تقريباً 500 متر أو أقل وبتشوفهم على يمينك ،،

*************

إذا صرت جآي من المدينة من عند القصيم ، أول مآآتدخل الريآض من جهة الشمآل - يعني شمآل الريآض - تمشي على طول لا تلف يمين ولايسآر هذآ أسمه طريق الملك فهد طبعاً بتشوف برج المملكة والفيصلية على يسآرك ( هذا للتأكيد أنك مآشي تمآم ) إذا صآرت الفيصلية على يسآرك بعدهآ يمكن كيلوا وآحد بيجيك ميدآن كبير عليه أعلام السعودية هذا تقآطع طريق الملك فهد مع طريق خريص ، تطلع يمين كأنك كأنك رآيح لمكة ( بتشوف لوحة مكتوب مكة ) ، أول مآآتطلع يمين بيجيك أول مخرج أتركه ثآني مخرج ( الأمير تركي بن عبدالعزيز الأول ) أطلع معه وتجيك الإشآرة رووح على طول مع طريق الخدمة تقريباً 500 متر أو أقل وبتشوفهم على يمينك ،،

المطلوب :
- نسخة من الشهادة الدراسية مصدقة من الجهة التعليمية
2- نسخة من شهادة السيرة والسلوك إن وجدت
3- (6) صور ملونة 4*6 مكشوف الرأس
4- نسخة من الهوية الوطنية مع الأساس
5- نسخة من بطاقة العائلة لوالد المتقدم موضح بها اسم والدته
6- نسخ من شهادة الدورات الحاصل عليها إن وجدت
7- وضع جميع الأوراق في ملف علاقي

كما نود إعلام المتقدمين بأن الكشف الطبي المبدئي هو مرحلة من مراحل القبول، يعقبها المقابلة الشخصية والكشف الطبي النهائي والمسح الأمني والفحص عن المنشطات والمخدرات واختبار اللياقة البدنية، وأي اختبارات أخرى يتطلبها القبول.
وكذلك نحيط المتقدمين باالحضور
للكشف الطبي المبدئي والمقابلة الشخصية
بالزي الرياضي بدون الحذاء الرياضي،
وعلي المتقدم حلاقة شعر الرأس رقم أربعة،
والحضور في تمام الساعة السادسة صباحاً في الأيام العادية والتاسعة صباحاً في خلال أيام شهر رمضان المبارك،
وسيكون الدخول من البوابة الجنوبية لقوات الأمن الخاصة بأم الحمام.

بتوفيق للجميع . . ،

وهنا تجمع فيه اغلب الاستفسارات

https://www.btalah.com/t337330.html

الله يوفقكم جمييع

جزااااااااااك الله الجنة يابو ليان كفيت ووفيت