|
وش باقي .. ؟؟
أرتفعت اليوم أسعار الألبان والمشروبات الغازيه في الأسواق السعوديه ما بقي إلا الماء يزيدون سعره :eek: وربي من القهر ما حسيت بنفسي إلا وأنا داخله المنتدى وأكتب الموضوع ما أقول إلا حسبي الله ونعم الوكيل على من وصلنا لهذي الحال |
اهلا بك اختي / اه يالقهر
يسعدني ان اتواجد في متصفحك هذا ونعم حسبنا الله ونعم الوكيل على من هو السبب |
حياك الله أخوي النشمي ونورت الصفحه بتواجدك العطر
...... أنا ألوم وزاره التجاره ووزيرها النائم وزير الرز اللي ودك تشيله من أذانه وترميه لأقرب خرابه علشان يعرف أن الله حق قسم بالله قرف مع أنه الزياده بريال على كل منتج لكن والله شي يخلي الواحد ينفجر البيبسي نقول يالله نمشيها لكم .. بس اللبن ... !!!! يخرب بيتكم من كثر الرواتب علشان كل شوي مطلعين لنا زياده في اسعار المنتجات الله يورينا فيهم يوم |
مو الماء وانت الصادق الهوا اللي نتنفسه راح يصير بفلووس
|
رح يم البنقالة المفوتين بعقولهم
تراهم تو يحسبون الببسي بريال أكيد مع اللخبطة ينسون ويحسبونه بريال :) عاد أكيد كل المحلاااااااااات سحبت كمياااااااااات مهولة من الببسي الأيام الماضية حتى يستفيدوا من فارق السعر الوضع أكبر من مجرد سوالف وآهات هنا وهناك هنا من يستحق المحاسبة ليس فقط على ازدياد الأسعار بل لركود مداخيل الشعب أو انعدامها حتى |
انا اليوم طالبه من البقاله ومااحسب لي زياده
تهقون كسرنا خاطر الهنود؟؟ عاد على طاري اللبن والبيبسي قاطعووه شباب وصيبايا استغلوا البررددد خخخخخخخخخ والله لو احنا نتحد ونقاطع زي الكويت مايسوون مع شركاتهم كان نحط تسعيره جديده بالاسواق بس مشكلتنا مااش لو نقول لربعنا من يوم السبت نقاطع قسم بالله ان السبت هذا بيسجل أعلى نسبة مبيعات حسبي الله ونعم الوكيل |
اقتباس:
مو كسرنا خاطرهم إلا مثل ماقلت أنا بردي الأخير :) |
المصيبه أنه البقاله اللي جنبنا ما صدق خبر على طول زاد في السعر
وهذا اللي خلاني أتهور واكتب الموضوع بس قبل شوي يقول أخوي أنه رجع له ولقى سعر المشروبات الغازيه خاصه البيبسي رجلع لأصله ولما سأل البنقالي ليه العصر بسعر والحين سعر ثاني جلس يضحك ولا رد عليه المشكله اخوي كمخه .. والله لو انا مكانه كان رميت علبه البيبسي على وجهه وكسرت له سنونه هاللي يضحك فيها يلعبون على كيفهم بالأسعار بلا في أشكالهم |
حسبي الله ونعم الوكيل عليهم
افضل حل البحث عن البديل والمقاطعه عن المواد الغذائية التي ارتفعت وانشالله الله يرد الاسعار زي اول وين وزراة التجارة تكفون يا خواني عطوهم خبر يمكن ما يدرون<<<< شكلهم هم المستفيدين |
بقدر الإمكان قاطعوهم
حسبي الله ونعم الوكيل |
| الساعة الآن 02:01 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين