باختصار انا موظفه بمستوصف خاص وراتبي 1500 فتره وحده المهم رحت اسال مكتب الموارد البشريه عن دعم قالوو صاحب المستوصف ياخذ منا 3000 بحجه انه موظفه سعوديه ولا اشوف من 3000 شي برضو اليوم عرفت انه مسجلني بالتامينات الاجتماعيه ولااستفدت شي سؤالي ليش مسجلني بالتامينات وش يستفيد؟ بذات ان مكتب الموارد البشريه رفضى مساعدتي لاني مسجله باتمينات الاجتماعيه ومع ذالك مو مستفيده شي نوروني الله يوفقكم مابي ينهضم حقي وانا ساكته خبروني كيف اتصرررف؟

.
.

اتصلي على التأمينات واشرحي لهم الوضع ..

ماافهم بهالشغلات كثير .. لكن حاس ان فيه نصبة

كل المشاهدات ولا احد افادني مومعقوووله

التأمينات يعطونك مستحقاتك وصاحب المستوصف يأخذها منك وانتي ما تدرين

فروحي للتأمينات وشيلي اسمك من عندهم وانتهى الموضوع

التأمينات تفيدك بالتقاعد بعد مرور 25 سنه من عملك تروحين للتأمينات وتقولي لهم انا خلصت 25 سنه وابي راتب التقاعد ...
واذا ما اعطوك بطاقه تأمين صحي روحي على طول مكتب العمل وقدمي شكوى رسمية بالشركة الي انتي شغاله فيها .. لان كل الشركات مجبوره تعطي الموظفين بطاقه تأمين طبي
والله يعينك على المرمطه

اما سالفه 3000 هذه انا اعملك .. هذه تسمى السعوده يعني ( 1500 من الحكومه ) و ( 1500 من الشركة )
هذا هو راتبك كامل اما اذا تبين تشتكين فراح اقول لك حقك ضاااايع ... والله يعينك ويرزقك بوظيفه احسن منها

[align=center]
يابنت الحلال وسعي صدرك
انا كنت شغال بشركة STC بنظام التعاقد عن طريق مؤسسه مقاوله مع STC
وراتبي 3000 ريال وفوق كذا جامعي !!
وسمعت عن دعم الموارد البشرية بانهم يعطونك مثل ما تعطيك الشركة الي تشتغل فيها ورحت لهم !!
وبعد مارحت وجيت وطلعه ونزله !!
تبين معي ان الشركة النصابه الي اشتغل فيها يعطوني راتبي من نفس الموارد البشريه
يعني كانو يستلمون ال 3000 ريال من الموارد البشرية الي هي من حقي ويسلمونها لي كراتب كامل
و لا ترا المفروض اخذ منهم برضو 3000 ريال
يعني راتبي المفروض يكون 6000 ريال !!!!!
بالعربي كانو يصرفون راتبي من جيب الموارد البشريه!!
مو من حسابهم الخاص!!

وبعد ان احتد النقاش معاهم طردوني لكن حسبي الله عليهم وكفى

والي قاهرني الي كان مسؤول عن الرواتب مصري<<<< اخوك يعجبك فقعت وجه بعدين وسويت له قضية لدرجة ان خليت الشركة تطرده

في شي اخس من كذا
بس قولي حسبي الله ونعم الوكيل عليهم

تيتي تيتي زي مارحتي جيتي
لاجديد مع مكتب العمل ولا الموارد البشرية
[/align]

أول شي ياوخيتي أتصلي على الموارد البشرية

وسأليهم عن وضعك .. خذي العلم من المصدر وأتركي الي يتخبطون ..

وبالنسبة للتأمينات فهي تأخذ من أي موظف نسبة بسيطة من راتبه

بحيث يتم تسجيله فيها لييين يتم عمر للتقاعد (مدري كم العمر المحدد للتقاعد) وبعدين يمشيله آخر راتب شهريا طووول العمر .. وأدخلي موقع المؤسسة العامة للتقاعد وراح تستفيدين أكثر ..

وأخراً ليس أخيراً : من ترك شي لله عوضه الله خيراً منه "

أكد أجزم أنك تتعرضين للمضايقات أنتي ومن على شاكلتك وأعذريني على الصراحة المحزنة

لكن يا وختي مكانك العمل الي يحفظ كرامتك ولو براتب زهيد ..

أتبهي على عرضك وعرض أهلك

وحاولي قدر المستطاع تتخلصي من هالوظيفة ومن على شاكلتها ..

موفقة ..

اقسم بالله حرام تخلينهم يلعبون عليك
المفروض بعد ما عرفتي الكذبة الكبيرة هذي تخلين واحد من اهلك يروح لراعي الحلال ويحط كذبته بين عيونه وان ما انصفك اتركيها وربي يعوضك بأحسن منها
لان السكوت على الظلم في القطاع الخاص نهايته ظلم
لا تفكرين انك بتتطورين وتترقين لانه ما ظلمك اساساً الا وهو ما اهتم فيك ولا له نيه يطورك ويرقيك