هل هناك جامعة سعودية تقبل تكملة بكالريوس
 

السلام عليكم ورحمة الله وبركاته
أنا خريج كلية تقنية تخصص دبلوم محاسبة بمعدل زين
وأطمح أن أكمل في الجامعة بكالريوس

فهل هناك جامعة تقبل ذالك وتعادل الساعات اللي درستها ؟

يريت اللي يعرف يساعدني لأن الطيحة(البطالة) خنقتني

وشكررررررررررررررررا

والله ماعندي خبر

لكن وحتى لو كملت الدراسه المشكله مامنها فائده يعني مايضمنون لنا وظايف والله شئ يقهر خريجين كليات وجامعات ومصيرنا البيت الله يكون بالعون
ويرزقك بالوظيفه ويرزقنا كلنا يارب

اخوي ليش ماتكمل برنامج البكالريوس التابع لكلية التقنية
دام التسجيل مفتوح ولا تشيل هم الوظيفة اذا لك مكان بتاخذه
واذا معدلك كان حلو ليش ماتكون معيد في نفس الكلية اذا خلصت
البكالريوس اما عن الجامعات ماعندي خبر للاسف

ويرزق ربي كل من يبي التوفيق بس وانا معكم
صفو النية وتوكلوا على الله

وعليكم السلام ورحمة الله وبركاته

كلامك حلو وعين العقل..بس للاسف مو فاتحين المجال للاقسام الادارية انها تكمل لحد الان

ولا من زود الخبالة ، الترم الماضي فاتحين بكالوريوس موازي لتخصصات كيمياء وكم قسم ثاني
وبعد ما تمت الاتفاقيه على بكالوريوس موازي للكيما والتخصصات الاخرى وبعد ما دفعوا الطلاب فلوسهم في الترم الماضي و بدأت الدراسة من ثاني اسبوع قالو للاسف راح نغلق هالشي.
والله قهر .. طيب الطالب دافع فلوس ومأمل خير وقال خلاص بكمل دراسة و يتفاجأ بـ الخبر هذا
بجد صاعقه !

والله العظيم المفروض البكالوريوس الموازي يتطبق وينظر له بالاهتمام خاصة لقسم الحاسب الالى << عنصريه P: ..، ياكثر طلاب هالقسم اللي يبغوا البكالوريوس ، لكن للاسف سوء النظام وسوء التخطيط .

الله يوفقك اخوي الغالي .. عموما لو معدلك امتياز تقدر تكمل في الجامعة ، انا متخرج من كلية التقنية وسألت في الجامعات والله بنفسي ،وهذا اللي وصلت له .

* جامعة الملك عبد العزيز بجدة تطلب معدل امتياز عشان تدخل انتظام وان كان معدلك فوق 4 تنقبل بس انتساب.

* جامعة الملك فهد للبترول والمعادن تعادل الشهادة شرط تكون امتياز في التخصص.

*جامعة الامام بالرياض اليوم كنت فيها وسألت تقبل وتعادل الشهادة عادي ،بس قالي جيب توصيف للمناهج ويمكن تنقبل لك بس ساعات قليل جدا .

ملاحظة:
لازم تأخذ من الكلية توصيف للمناهج اللي درستها بالكامل ، روح شؤون الطلاب في الكلية اللي اتخرجت منها وقولهم ابغى توصيف مناهجي اللي درستها + كشف الدرجات .

واتوكل عـ الله ، والله يكتب لنا ولك اللي فيه الخير ، للامانه هالشي انا بنفسي سأل عنه يعني مو كلام سامعه من هنا او هنا ^_^

والله الموفق.

ياحبيبي الحال من بعضه أنت محاسبة وأنا هندسه معمارية بالنسبه لقسمي فيه في جامعة الملك عبدالعزيز أتصلت بهم وسألت بس قسمك والله مأدري بس أضن أنه موجود ولا تتشائم وأتفائل بالخير وبتلقاه إنشاء الله

اخواني كلية الباحة الاهلية بس بفلوس تعادل لكم الدبلوم وتكملو بكالريوس

مشكورين على ردودكم وإهتمامكم


بس سألت جامعة الملك عبد العزيز ماتقبل
وجامعة الملك سعود على حسب المعدل يعني معدلك فوق 4 تعادل 15ساعة
وجامعة الملك فيصل مافي
وكلية التقنية في الرياض مافي تكملة للتخصص المحاسبة
وكلية الباحة الأهلية بفلوس لكن الشهادة ماتعتمد
وجامعة البترول والمعادن سألت مافي


وحالة الله يعلم بيها المشكلة كل سنة يفتحون كليات كلها دبلوم والأهم البكالريوس مالها أهمية بس في الرياض وتخصصات محدودة

الله يخارجنا بس ويرحمني ربي وشفلي حل

وياااااك يارب يسمع منك والجميع ان شاء الله