متخرج جامعي ابحث عن وظيفة ابي رايكم
 

[align=center]
بسم الله الرحمن الرحيم


-----------------------------------------------------------
انا طالب متخرج من الجامعة احمل البكالوريس ابحث عن وظيفة مدنية (حكومية)

سمعت عن منتداكم هذا فلم اتردد بطرح موضوعي

حبيت ان اعرف اجابات واراءكم حول هذه الاستفسارات

1-لوانقبلت في وظيفة مدنية ووجدت انها مملة ولاتناسب طموحي واريد تركها

او تغييرها كيف افعل ذلك هل استطيع ترك الوظيفة على الفور والانتقال لوظيفة أخرى؟؟

2-من اين أأتي بالخبرة العملية التي تعيقني بكل مكان قدمت له ؟؟

3-انا طالب متخرج طااازه مالي شهرين لو ابي اجلس في البيت واخذ دورات تعلم لغة انجلش

هل هذه الفكرة ستضرني فيما بعد ؟؟ يعني مايقولون بعدين انت متخرج قديم

4-قرات اعلان في هذا المنتدى عن مركز الرميزان للتدريب هل استطيع ان اقدم فيه

لمدة سنة فقط واتركه ؟؟ وبعد كذا ابحث عن وظيفة بشهادة البكالوريس.

اتمنى ان تفيدوني وتساعدوني في استفساراتي
[/align]

ممكن ..........................................سؤال

وش تخصصك وكم معدلك

يعتمد على التخصص
لو كان في مجال لك بتوظيف سريع بالخدمة المدنية لاتتردد قدم عليهم
ولو كان في مجال بأي شركة تشتغل اشتغل حتى لو ماعجبك الراتب اهم شيء تشتغل
حط ببالك اخوي اهم شيء ببداية حياتك ماتضيع الوقت وتروح سنة وسنتين وانت تنتظر وظيفة تحلم فيها
خلي هالسنتين يوم يروحون انت شغال باي شركة وكاسب لك خبرة ومعارف ولاتفكر كثير بالراتب
فكرة بالخبرة وفكر انك ماتضيع وقتك وخلك من سالفة مراكز التدريب وهالكلام الفاضي
تبي تتعلم انجليزي النت موجود تبي تتعلم كمبيوتر النت موجود الفلوس اللي تبي تصرفها على هالمراكز
انت اولى فيها تسافر فيها مثلا الشرقية وتشوف لك وظايف مراكز التدريب اصلن عندنا ماهي معتمدة ولا
لها اي قيمة سواء بالحكومي او الشركات
اهم شيء اشتغل ولاتضيع وقتك

مشكور اخوي باسم

بس حبيت اسالك اذا توظفت في وظيفة مش ولابد وماعجبتني

هل استطيع ان اغيرها بعد كذا ولا اتدبس فيها ؟؟؟

الله يوفقك

موفق بإذن الله ... لك مني أجمل تحية .

مبروك التخرج والله يوفقك ويعينك في البحث عن الوظيفه


1-لوانقبلت في وظيفة مدنية ووجدت انها مملة ولاتناسب طموحي واريد تركها
او تغييرها كيف افعل ذلك هل استطيع ترك الوظيفة على الفور والانتقال لوظيفة أخرى؟؟
ليه هو فيه احد الحيــن يلقى وظيفه حكوميه ويقول ما بيهاآآآ ؟؟!!!!!
ان شاء الله ما تحتآج انك تغيرهآ بس اهم شي انك تحصلهآ ..

2-من اين أأتي بالخبرة العملية التي تعيقني بكل مكان قدمت له ؟؟
الخبره تآخذها من الوظآئف الي تشغلها من القطآع الخآص غالبآ مو مهم من نفس تخصصك يمكن يكون بتخصص ثاني بس انها تنفعك الخبره لانها مطلوبه في الغالب

3-انا طالب متخرج طااازه مالي شهرين لو ابي اجلس في البيت واخذ دورات تعلم لغة انجلش
هل هذه الفكرة ستضرني فيما بعد ؟؟ يعني مايقولون بعدين انت متخرج قديم
اهـم شي الحيــن تآخذ دوره حآسب ع الاقل 3 شهور لانها ضروريه في اكثر الوظآئف ومن ثم خذ دورة انجليزي لان الانجليزي مو مهم مثل الحآسب
واخذ دورة محآدثه مو دوره قوآعد الانجليزي ونفس خرابيط الثآنوي كثير معاهد دوراتهم خرابيط لا تنفعك ولا تستفيد منها بس ضرووووري تآخذ الحآسب خلال الاشهر الجآيه

4-قرات اعلان في هذا المنتدى عن مركز الرميزان للتدريب هل استطيع ان اقدم فيه
لمدة سنة فقط واتركه ؟؟ وبعد كذا ابحث عن وظيفة بشهادة البكالوريس.
انت لاتخلي البحث عم الوظيفه علشانك تدرس في معهد ادرس وابحث عن وظيفه
بصراحه انك تلاقي وظيفه ترضيك هذي الايآم صععبــه لذلك ابحـث ولو عندك نيه تدرس ادرس ولو حصلت وظيفه وانت تدرس حلوو ادرس وروح دوامك منها تآخذ خبره ومنها تحصل شهآده
اهــم شي مثل ماقال بآسم لا تضيع وقتك استفيد من السنوات

اهم شي توكل على الله واحسن به الظن وان شاء الله بتتيسر امورك
موفــق

مشكورين حبيايبي على الردود والمشاركة

وانا الا بدور شركة او اي مكان بالقطاع الخاص يوظف واقدم عليه

الي يعرف اماكن توظيف قطاع خاص ياليت يفيدني يااخوان اكون شاكر لكم

اول شئ مبروك التخرج وبتوفيق لك

لاكن اخوي اهم شئ لا تطمح بسراب لمسكت اشئ بيدك اطمح حتى لا تتكسر مجاديفك

لاكن شوف الحكوميه اعتقد مشكله بعضها يعني تشتغل سنه وتقول حصلت احسن منها حكوميه ثانيه فاعتقد ان فيها مشكله

ع العموم انا ابي اسئل عنك سؤال وحد

الان هل الوظائف الحكوميه تلزمه بمده معينه قبل الاستقاله ؟؟؟

[align=center]السؤال اللي يطرح نفسه
هل بينزل لك وظيفة او لا
او تبي تصف معنا
< < الشعب العاطل لا شغل ولا مشغله هههههههههه[/align]