|
استفسار بخصوص شركة العثيم
السلام عليكم ورحمة الله وبركاته شوروا علي تعرفون صيام وحر ماودي اطق مشوار عالفاضي ..كل عام وأنتو بخير انا موظفة بشركة ودوامي من 9 الى 5 وحتى الخميس دوام كامل وراتبي حول اربعة الاف واربعمية وفي تأمين طبي واجتماعي وجاني اتصال من شركة العثيم الإدارة العامة اللي في مخرج 14 عندي مقابلة بكرة وش رايكم اروح وإلا ماأروح ؟؟ وش تعرفون عن هالشركة وكيف رواتبهم علما بأن الوظيفة مشرفة خدمة عملاء ؟؟ |
والله يا اخت ريم
للي اعرف شركة العثيم كويسة يعطون قروض على بنك الرياض ولكن ما اتوقع بتحصلي شركة اكثر من راتبك ولكن روحي وجربي وشوفي يمكن يعطونك عرض احلا لازم الواحد يبحث ويطور نفسة ويبحث عن الافضل ولكن الله يعينك اذا جتك مديرة اجنبية متسلطة وتحب تفرض نفسها سوال صريح هل انتي مرتاحة نفسية في وظيفتك وراتبك ومبسوطة وما في اي مشاكل اذا الجواب نعم اجل خليكي ولا يغرك الراتب الزيادة اهم شي الراحة النفسية |
مرتاحة مع صديقاتي بالدوام لكن الشركة مو ذاك الزود حرام عليهم حتى الخميس دوام كامل مرة صعب علينا تعبت لي 3 سنوات تعبت مرة وبرمضان نعطل 29 مرة ضغط
|
الناس ماعاد تلقى وظايف اما عن العثيم ماعندي خلفيه عنها .. ابحثي بموقعهم واقري
وان شاءالله يارب يرد عليك احد من موظفينها .. وظيفتك راتبها ممتاز ماشاءالله ودامك مرتاحه هذا شيء زين اما عن التعب فالله يعين مافي شيء من غير تعب استخيري انتي وروحي للمقابله واكيد بيقولون لك عن مميزات الوظيفه وشوفي وش اريح لك وافضل لك وفوق هذا كله استخيري .. الله يوفقك يارب بالوظيفه الحاليه والمقابله اللي بتسوينها طمنينا عنك :) |
شوفي أنتي / روحي ومانتي خسرانه شئ يمكن دوامها حلو وراتبها مثله او احسن منه ودوامه راحه ويكون خميس وجمعه معك راحه
وتحيآتي لك وتمنيآتي لـك بـ التوفيق |
اختي ريـم ... انا كنت موظف سـآبقآ بشركه العثيم القابضه ...
وكانت نسبه النسـاء 0 % !! ما عدا الفرع الخاص بالتدريب النسائي بشارع انكاس بحي الروضه هذا فيه بنات بس ما ادري وظيفه خدمه العملاء اللي مقدمه عليها وين راح تكون ؟ وبالنسبه لرواتبهم اذكر كان معنا مشرفين سعوديين خدمه عملاء بفروع العثيم رواتبهم حول الـ 4200 ريال + تأمين طبي + تسجيل بالتأمينات الاجتماعيه + دوام 8 ساعات باليوم + زياده سنويه وبونص يعطونك خصم 20 % لمشترياتك من فروع العثيم لجميع الموظفين طبعآ والاداره سعوديه بنسبه 90 % ومتعاونين جدا ... والله يوفقك ياريم ويسهل عليك ... |
اختي العزيزة
ياليت لو تخبرينا وش تخصصك و كيف قدمتي على شركة العثيم و ين مكانها والله يتقبل منا و منكم صالح الاعمال |
موفقه بإذن الله ... لكي مني أجمل تحية .
|
والله ياأختي لي فترة أقدم مو متذكرة كيف قدمت لكن روحي للإدارة وقدمي
رحت المقابلة اليوم وماعجبني الوضع انا بصراحة طموحي عالي وودي شي أفضل عشان كذا ماراح اترك دوامي إلا لشي توب مرة الوضع مش سئ لكن ماناسبني طموحي عالي اللي سألت عن شهادتي بكالوريوس محاسبة وماجستير إدارة أعمال |
اقتباس:
مشالله شهادة قوية جدا والله شي يقهر الاجانب اغلب شهايدهم مزورة تحصلي السعودي اعلى من الشهادة الاجنبي وتحصلي راتبة اكثر من السعودي وفوق هذا يشتغل اكثر الاغلب |
| الساعة الآن 09:14 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين