|
وش رايكم افتح المحل باسمي وانا اديره واخذ 20%
السلام عليكم ورحمة الله وبركاته اخواني واخواتي مااستغني عن ارائكم ومساعدتكم انا من زمان يدور في بالي فتح مشروع وهو محل خاص بالتخفيضات مثل عطورات وادوات تجميل واكسسوارات وشنط وغيرها من الخردوات المووهم اليوم احد الزملا قالي انه بيمولني مبلغ من 15 الف اللى 20 الف وقالي افتح المحل باسمي وانا اديره واوفر كل مايتطلب المحل وبيعطيني 20% او اكون معه شريك بتعبي انا والله للحين ماني فاهم كيف احسبها 20 في الميه وحبيت استفسر هل المبلغ كافي لفتح محل صغير وهل نسبة 20% تكفيني وكم تطلع لي لو حسبناها وماهي متطلبات فتح المحل من البلديه مثلا حطيت اسم المحل ( عزوبي ومتزوج للتخفيضات ) هل يتطلب سجل تجاري او لا وكم بيكلف الديكور مع باب الالمنيوم لاني لقيت محل جديد للحين مابعد استاجر ماهي ارائكم حول هذا المشروع ومااستغني عن افكاركم ومقترحاتكم |
بسم الله الرحمن الرحيم اول شي اخوي مبروك عليك الشهر ثاني شي اسم المحل اتوقع راح يرفضونه البلديه وثالث شي اتوقع المبلغ الي معك مايقدر يفتح لك الا مؤسسه او محل خضار
|
حسب حد علمي انه لازم اي اسم لابد يكون له سجل تجاري وانا اشوف ان 20% قليله قله 40% الى 35% كحد ادنى ومالي خبرة في العطورهل المبلغ يكفي او قليل ماعندي خبرة لكن اتمنى من اصحاب الخبرة يفيدونك
وهذي وجهة نظر قابلة للخطاء وللاصابة تمنياتي لك بالتوفيق |
وعليكم السلام ورحمة الله وبركاته
20 ألف ماتسويلك الديكور بالنسبه لسجل التجاري مايحتاج أنا قبل 8 شهور مأسس محل فالمدينه أكسسوارات نسائيه ودخل معي شريك بنسبة 50% ومن ثاني شهر بينت علومه وكل يوم وحنا في مشكله معه وخرتها حدنا على التقبيل الآن المحل معروض للتقبيل الله يعوضني في التعب الي تعبته عموما إذا لك خاطر بالمحل راسلني ع الخاص |
اقتباس:
مثل ماذكرت ان المبلغ قليل ولاكن محلات الخضار بالنسبه للمدينه متوفره بكثره وحتى لو بحثت عن موقع في حي جديد ولايوجد فيه محل خضار تنقصني الخبره عن الشراء بالجمله ياليت لو تشرح لي تفاصيل عن شراء الخضار بالجمله وكم ربحها اقتباس:
وبالنسبه ل 20% هذي مقابل اتعابي وتسجيل المحل باسمي مع ادارة المحل مع توفير كل ماينقص المحل والنسبه هذي والله مااعندي خبره عنها ولااعرف طريقة حسابها يعني برايك اطلب من 35% اللى 40% اما بالنسبه لبضاعة المحل ان شاءالله 10 الاف تكفيها ولاكن المشكله في الايجار والديكورات |
اقتباس:
والديكورات لو اخترت عليقات مثل هذا اللي بالصوره ولاكن اكثر شوي http://t3.gstatic.com/images?q=tbn:A...mCyMZtJEsSb6CD مع طاوله قزاز قدام المحاسب متوسطة الطول والحجم ومحلك الله يرزقك فيه والله اني ضد الشراكه وسبق واشترك مع شخص وصارت بيننا مشاكل بسبب الشراكه ولاكن المره هذي شريكي بعيد عن المدينه وموكلني كل شي ومحملني امانته وانا ان شاءالله اني اكون قد الامانه وياليت تبين لي مكان المحل وكم حدك فيه النهائي |
اشوف المبلغ صغير لفتح محل تجاري بغض النظر عن النسبه
هل يكفي للديكور والاجار ورسوم التراخيص ولا تشتري فيه بضاعه للمحل اما نسبة 20% فهي من الارباح مؤكد ما هي الارباح المتوقعه اذا راح راس المال في التأسيس كم راح يبقى لشراء البضاعه وكم راح تبيع وكم راح تكسب وكم تطلع 20% من الربح هنا تقدر تحكم اذا هي مناسبه ولا لا المشكله في نظري في راس المال وليست في النسبه |
الله يرزقك من واسع فضله
لكن انا اشوف ان المبلغ قليل جداً في حق المشروع لكن حساب النسبة 20% هل فقط صافي الربح او جميع المصاريف بمافيها الربح علشان نحسب احسب كل 100 ريال فيه 20 ريال وعلى هذه المنوال ام اسم المحل فامااتوقع البلديه تقبل بالاسم وبعدين لازم سجل تجاري لان هذ1ا ليس اسم معرفه انما لقب |
موفق بإذن الله ... لك مني أجمل تحية .
|
اخوي عزوبي حياك الله
الي فهمته من موضزعك انه عليك انت التعب وشريكك عليه السيولة وانت تاخذ على اتعابك 20% بالمية من الارباح اذا كان هذا المقصود فاعتقد ان 20% نسبة مية المية ولا عليها كلام وانصحك توافق وخصوصا بالمدينة اخوي بالنسبة للتصاريح انس انك تفتح اي مشروع بدون تصاريح اذا كان شريكك اجنبي لا تخاف من الشراكة لان كل شي باسمك واذا كان سعودي فالافضل تسوي معه عقد عن محامي او مكتب عقار وتصفون النيات وتوكلو على الله اخوي في البداية اقبل بـ 20% وقل لشريكك انك مع الوقت بتساهم معه براس المال وتزيد النسبة واذا اشتغلت وشفت المحل دخله زين والشغل ماشي فمن نسبتك في الارباح ساهم في راس المال وزود نسبة ارباحك في الختام ارجو لك التوفيق |
| الساعة الآن 11:08 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين