أبي منكم خدمة مقابل 1000 ريال شهرياً
 

[align=center]
السلام عليكم ورحمة الله وبركاته :
أنا براسي مشروع :Thumbs:
أشتري تريله وأجرها على شركة بالرياض
لكن المشكله بتأجير التريله :mad:
أنا ما أعرف شركات وما أعرف كيف أأجرها:confused:
أبي واحد يساعدني ويجيب لي شركة تقبل تستأجر السيارة مني
وله 1000 ريال شهرياً :wa طوال فترة تأجير التريله للشركة ولو حاب يكون بيننا عقد ما عندي مانع ...
[/align]

الله يوفقك ........

[align=center]
والله بنات اليومين هذي يعجبونك :Thumbs:

بكره تشوفهم يسوقون تريلات وشياول :rolleyes:

والشباب متكين بالمقاهي :mish:


بالتوفيق اختي:tsfiq:
[/align]

اختي انا اقدر اخدمك في شركة معادن الشمال عقد شهري 12الف ريال اذا تبين اخدمك مقابل 1000ريال انا جاهز والله خير شاهد
هذا عرضي الاقدر اقدمه لك وجاهز باي وقت

[align=center]
بسائق او بدون سائق ؟

في حال حدوث اي مشكلة فنية او بنشر بالشاحنة من يتحمل اصلاحها ؟

مجال عمل الشاحنة ( نقل أم قلابيات ) ؟
[/align]

يعطيكم العافيه وتسلم أخوي بنقلاديش
وأسد الله :
نفس سؤال العضو بنقلاديش ووين مقر الشركة

[align=center]طبعاً ياختي العزيزة الصيانه عليهم من مجاميعه وذا مكتوب في العقد والسائق عليك وراتبه لايتجاوز 1500وذا امره خالص اذا حبيتي اشوفلك من عندي ومثل ماقلت لك الاعطال عليهم وذا بند من بنود العقد واذا حبيتي ارسل لك العقد وتبحثين فيه ماعندي مشكله اجهزه لك من بكره وقابل لتعديل من قبلك والله الهدي [/align]

[align=center]انا رجال احب لناس مثل ماحب لنفسي وذا عند اغلب الناس مقر الشركة الله يطول بعماركم في الحدود الشمالية بالتحديد حزم الجلاميد والاسم (شركة معادن السعودية للفوسفات )وهذي اكبر فرصه للي حاب يبداء بعمل معهم وغير كذا يبغون اي نوع من النقل خفيف وثقيل والله يرزقني وياكم [/align]

حياكم الله

اقدم لك نصيحة لان المعدات والمقاولات مجال عملي من 5 سنوات

واحب ان اخبرك اهم النقاط التي يجب ان تاخذي بالك منها :
1- لا تدفعين ولا ريال مقدم لاي شخص مهما كانت الثقة فيه قبل التوقيع مع الشركة الي جايبها لك .
2- اشترطي انك راح تدفعين ال 1000 ريال عند استلام الدفعات لايجار المعدة من الشركة المستاجرة
بسبب( ان اغلب الشركات صغيرة كانت ام كبيرة تتاخر عليك بالدفع من 3 الى 6 شهور وتصبحين انتي ملزمة بدفع ال1000 للوسيط كل شهر ولا احب اخوفك بس احب انك تكوني بالصورة وممكن انك ترفعي قضية على الشركة بسبب المماطلة لاكثر من سنة وتصبحين انتي الخسرانة من جميع الجهات )
3- افضل شي انك تقدمي على راس التريلة سائق وهذا يحق لك اذا كنتي مؤسسة ولك سجل تجاري لانه هو الي يحافظ عليها والا بعد 6 شهور تستلميها خردة .
4- هناك شركات تاخذ منك المعدة اشترطي ان يكون الاعاشة والسكن والديزل والبنشر عليهم حتى تطلعي بفايدة .
5- اذا كان المعدة قلاب افضل شي تحميل الرمل فقط حتى تحافظي اطول فترة ممكنة على الصندوق من التلف لان الحصى والحجر يتلفها بضرف 3 شهور .
6- انتبهي لطريق المشروع الي تشتغل فية المعدة هل هو مزفلت او ردمية لان الردمية تهلك السيارة وتتعب المساعدات وتقلل عمر الكفرات .
7- اخيرا اقرائي البنود للعقد واذا عرضتيها على محامي او مختص يكون افضل حتى تضمني حقك بشكل كامل .
واخيرا نصيحة مهمة لك ولكل الاخوان في السوق ابعدو كل البعد عن تحرير الشيكات بدون رصيد للحفاظ على انفسكم واولادكم من الضياع


وارجو اني قدمت لك ولو نبذة بسيطة تفيدك في عملك وربي يسهل امرك ويبعدك ان عيال الحرام امــــــــــــين يارب