المدير رافض استقالتي والموظفين قاعديلي تكفون ساعدوني
 

السلام عليكم
انا واقعه بمصيبه والسبب اني انسانه صادقه وما احب اللف والدوران مشكلتي هي اني اعمل بمكان مختلط والمدير اجنبي ويخاف من بنت سعوديه موظفها في شؤون الموظفين اخلاقياتها وسلوكياتها عدم عدم عدم مو متربيه وسمعة المكان زي الزفت منها توظفت عندهم وحسيت ان المكان هذا مايليق ببنت متربيه وان هذا المكان خطلر على سمعتي وماراح يضيف لي شي والبنت هذي حست اني ماراح اجاريها ولاراح اسكت لو مثلا تنوشني بشي والمدير يخاف لان علاقاها المشبوهه في الجوازات ومكتب العمل وغيرها تقدر انها تنقفه وتطيحه بمصيبه في اي وقت قدمت استقالتي للمدير والمدير سعودي
والمدير رفضها لاني اثبت جدارتي في عملي وكنت خير مثال للبنت المحترمه على قولته وهذا الشي انا سويته عشاني مو عشان وجهه.............................................. ...................................... المهم
هو سوى الي عليه لاني حكيت له كل الي شفته منها وقلتله انت بس واجهه لمكتب العمل و المدير الاداري (الاجنبي ) هو عارف بكل شي وساكت حاول وماقصر هددها وخاصمها وغير مكان مكتبها وحط معاها موظفات ثانيات لاكن الاخت عرفت اني السبب وصارت الحين تسوي الي تتخيلون والي ماتتخيلون من مضايقات لي لدرجة انها ترسل على تلفون مكتبي شباب وتنتحل شخصيتي وتكلمهم وتعلمهم بكل شي عني من مؤهلاتي وين ساكنه وغيرها انا تعبت معاهم وقررت اني اترك هذا المكان لاكن المدير رافض استقالتي وكل مره يمسح بها البلاطه وماتتوب باقي تدور على عشان تنتقم وهم مو قادرين يستغنون عنها لانها بعلاقاتها تخلص شغل الاسبوع والشهر بيوم واحد يعني مستفدين منها
خايفه على نفسي واهلي لو يدرون والله بتكبر وانا خلاص تعبت ماادري وش اسوي تكفون ساعدوني وساعدوني ساعدوني

قدمي خطاب او اتصلي مع الوزارة العمل و ان شاءالله ما يقصرون معك

و يرونك شغلهم

و الله يحفظك

الله يعطيك العافيه
 

ابي رقم الوزاره او رقم الفاكس ولمين بالضبط ارسل تكفون ردو

أستغفر الله العظيم .....معقولة فيه بنات بهالأخلاق (أو بالأصح معدومي الأخلاق)
الله يستر عليك وربي يعوضك بأفضل منها....

4024444 مكتب العمل والعمال

وزارة الهمل في مدينة الرياض الهاتف +966014010404 الفاكس+966114040407

حسبي الله عليهم ولله شي يعور القلب .. من جد فيه ناس قليل ادب وقليل اخلاق
الله ينتقم لك منهم .. وخلي في بالك ان الله لهم بالمرصاد .. بس هو يمهل ولا يهمل ..


كان الله في عونك ..

اختي الفاضله
صدقيني مهما فعلتي لن تستفيدي شى المهم ابتعدي عنها
انا مثلك اعمل في مستشفى وعندنا وحده مستفيدين منها في تجديد اقامات والفيز من مكتب العمل والخدمه المدنيه
المهم هي فقط معطينها صلاحيات
ونحن نقو ل سمعا وطاعه لانها هي الامره الناهيه
ولا حول ولاقوه الابلله

لاحول ولاقوة إلا بالله

أنا أقول وأنا أخوك أفتكي من المكان..وأهم بسلامتهم..حاول تستقيلي بكثر الألحاح عليهم..

أو أسحبي عليهم..المهم والله المكان هذا لايصلح لك أبدأ خصوصاً مع البنت اللي مأذيتك..الله يهديها بس..

وأكثري من الأستغفار..وربك قادر على كل شي..

بالتوفيق لك

وبشرينا عنك..إذا أفتكيتي منهـم..نفرحلك..لان هالشي والله يضايق

بالتوفيق يااارب

اولا اشكر كل من رد علي

ماقصرتو ويعطيكم الف الف عافيه

انا فكرت وفكرت هي اذت ناس كثير قبلي وانا لو انسحبت اثبت ان الشر ينتصر على الخير وما دام انا على صح ليه اخاف وانسحب وهي مالقت من يوقفها عند حدها
طيب اشلون ننضف المجتمع من اشكالها
وشلون الدوائر الحكوميه مثل مكتب العمل والجوازات يسكتون على مثل هذي التجاوزات
يعني معقول كلهم ماعندهم اخلاقيات العمل ولهم علاقات مشبوهه مع بنات خلق الله في الادارات وقطاعات العمل

يمكن اكون غلطانه لاكن بعد عمر الخطاء ماكان صح
اذا انتو معي في رايي ؟؟؟؟؟؟؟وش اسوي
لاني اذا انتو معاي برايي راخ اقعدلها مثل الشوكه بالنحر وراح اقرر بعدها الحرب ضد هذي المنشاه وضدها الين تعرف ان الله حق