يقو ل المثل من شاور ماضاع وابي رايكم بالله لاتبخلون علي
السلام عليكم ورحمة الله وبركاته انا ابي ادخل بالموضوع على طول انا موظف متعاقد حكومي وراتبي 12000 ماشاء الله :ash: بس صارت عندي مشكلة اليوم ماقدرت احلها واقلبها يمين يسار مدري وين الخيره طلع اسمي بالوظائف التعلمية :) بس المشكلة اني يوم شفت الراتب لاصرت مدرس يصير 7500 يعني ينزل 4500 :cبس التدريس له ميزه وهو اني اصير قريب عند اهلي لان وظيفتي هذي بالشرقية ولافي امل اصير بالديرة عند اهلي وش رايكم ياشباب :eek::eek::eek: ابي تخيروني ايهما افضل :confused: |
استخير الله والله يوفقك
|
فعلاً الاستخاره افضل لك
والخيره فيما اختاره الله |
اقتباس:
اولا والله اني قاعد ابقبق عيوني من صغر الخط عشان اشوف كتابتك لكن ولله الحمد اخيرا قدرت اتوصل للي تبيه اخوي بارك الله فيك وفيما رزقك اعتقد انك تبقى في عملك احسن لك ما شاء الله تبارك الله راتبك طيب جدا والله يزيدك من خيراته وبعدين التدريس يبيلك سنوات حتى تقرب من ديرتك لكن استخير ربك والله يكتب اللي فيه خير لك 0وجهة نظر لا اكثر ولا اقل0000 وبالتوفيق |
والله القرب من الأهل مافي شيءيعوضه
صح فرق كبير بس عند أهلك راحة بال وسعة صدر وانت فكر تبى طول عمرك مغترب !!! والا تبى تستقر ؟ عموما . . استخير والله يكتب لك الخيرة |
وعليكم السلام ورحمة الله وبركاته أول شي الله يطرحلك البركه في مالك .. ثانياً هذا الشي يعتمد عليك انته اذا كنت من الناس الي تحب الاستقرار النفسي فروح عند اهلك ولا تفكر وتراها وظيفه تعليميه والكل يتمناها رواتب حلوه واجازات محسودين عليها .. وعشان اريحك أخوي بصراحه اذا انحطيت في موقفك بختار التعليم فما بالك اذا كانت قريب من أهلي .. وأهم شي لا تنسى الاستخاره !! موفق . |
شكرا على مروركم
|
احسبها ياخوي
4500 اشتري فيها الراحة غير كذا بتنفك من مصاريف اكل وشرب وبنزين وتذاكر سفر يعني رأيي تروح قريب من اهلك افضل العمر بيعدي وحنا ماقعدنا مع اهلنا |
انت موظف متعاقد والتدريس وظيفه دايمه والراتب بيرتفع لاتخاف رح يوصل 12000
احسبها عند اهلك مافيه اجار ولاغسيل ملابس في المغسله ولااكل دايم من برا يعني نصيحه لاتفوت التدريس هذا رايي الله يوفقك يارب |
نصيحة لوجه الله
اهم شيء لا تدور إلا راحتك الشخصية والمكان الي تحب تكون فيه سواءاً كانت ادارية او تعليمية وطبعاً القرب من الاهل احلى واحلى وحبيت أقلك صح هذا الزمن لازم يكون عندك المادة , لكن الفلوس في بركتها وليست بكثرتها ! والله يوفقك , ولا تنسى تستخير .. |
الساعة الآن 03:38 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين