|
استشاره اشتكي لمن؟
[grade="8b0000 Ff0000 Ff7f50"] السلام عليكم ورحمة الله وبركاته اخواني الأعزاء ارجوا منكم المصداقيه واللي عنده خبره في مثل هذا الموضوع لايبخل انا وكيل عن ورثه صدر لهم منحه ارض من البلدية عام 1423 هـ تقريبا المهم رجعت وخصلت الأستماره وبعدها راجعت وكل ماجيت قالوا في الوزاره ماجاء عنها شي تعال الشهر الجاي المهم استمرت المراجعات ونفس الكلام واستلموا الناس ........... وبقيت أنا اراجع لعل وعسى وكلي أمل لانها صادره من المقام السامي المهم بعد اخذ وعطا معهم ومرور السنين بداية عام 1428 هـ وينزل الأسم في الجريده ولاكن في موقع آخر قلت يالله عوضكم الله جيت البلديه قالوا القرعه يوم كذا وكذا لتكون هناك امانه في التوزيع حضرنا القرعه وحصلنا على رقم القطعه وقالوا راجعنا بعد شهرين قلت وماله شكله الروتين الاول هذا ماحسيت فيه ولمراجعه لمدة سته اشهر قالوا هات رقم السجل المدني واعطيتهم قالوا هذا موقف من الوزاره؟؟؟؟؟؟؟؟ كيف؟ وليه ؟ ممكن غلطانين؟ اتاكدوا ؟ من مكتب لمكتب اقول لهم نفس العبارات والرد واحد راجع الوزاره لانه المستفيد مسجل استلم أرض .......؟ كيف استلم وهو مقدم من عام 1385هـ قالوا راجع الوزاره بدأ الشك يساورني رجعت لهم بعد يومين قلت لمدير المنح بالحرف الواحد رحت للوزاره وقالوا لي جيب لنا رقم العمليه قال رحت وهم قالولك كذا قلت نعم بدأت عليه علامات الأرتباك وارتعشت يديه حتى انه يوم يمسك الماوس مايقدر يضغط على الزر المطلوب المهم قال هذا الموقع اللي جت المنح فيه موقف لانه تابع لوزارة الزراعه لاكن روح وعدل بيانات عشان ننقل الموقع انت واللي معك كلهم بينقلونهم من المستفيدين قلت كلامك ضحك على الذقون وانا عرفتك على حقيقتك انتم اخفيتم الارض لان المستفيد متوفي وربما استفاد منها بعض اقاربكم اوووو وهذا الكلام اللي قلته له كانت الجرايد قد نشرت بعض منه على السنة بعض المواطنين يعني مو انا لحالي وهذا ماشجعني ..... وبديت برص الحروف والمعاني وكل ماجرى بالحرف الواحد في معروض وعلى الأماره وحولوني قسم الاراضي واعطوني رقم للمعامله بعد اسبوع تقريبا الا والرقم المتصل الغريب على جوالي السلام عليكم وعليكم السلام الأخ فلان الفلاني اهلا وسهلا وصلت من معي معك فلان الفلاني من البلديه بخصوص الشكوى في الدائره القانونيه بغيتك تجي عشان نحل الموضوع معك الموضوع عندكم فحلوه وانتم ادرى لا تعال انت لازم حضورك وهو كذلك توط توط قفلت الخط رحت اليوم الثاني وبالي مشغول ياترى هل رأت المنحه النور وصلت وكان كلام الطيب انه يقول الاخوان طلبوا منك تعديل البيانات وبعدين الموقع مو تمام وش تبغى في الموقع وووووالخ وانا اصريت على الموقع الأول وليس الموقع اللي يقولون للزراعه المهم قلت الشكوى عندكم وانتظر ردكم عن طريق الاماره بعدها بشهرين والقى المعامله في قسم الشرطه وبتوضيح من رئيس البلديه يقول انه يحتج على عدم ظهور اسمه بالجريده قلت للرقيب هذا مفتري وليست الشكوى هكذا وهي مرفقه وكتب عليها انه لم يحتج على عدم ظهور الاسم وان الاسم ظهر في الجرايد وقال اتت بالجريده ليصدق قولك قلت الجريده قديمه من عام 1423 ولكن ارسلها ولي اربعه اشهر لم اعد اراجع حيث اني فقدت الامل فيها فالله يعوضهم بخير منها ولكن سؤالي هل ديوان المظالم يتقبل مثل هذه المواضيع وهل يعوض المستفيدين ياليت من له خبره وسابق معرفه بمثل هذا الموضوع ان يدلني وجزيتم خيرا [/grade] |
اخوي دام اسم الوالد نزل بالجريده واستلمت القرعه معناته ا ان الارض حصلت لكم مابقي الا الصك وهم تلاعبو فيها مالك الاترفع برقيه باسم الورثه ارفعها للملك وماادري اذا ديوان المظالم يقبلها ان شاء الله الاخوان يفيدوك
حسبي الله عليهم البلديه حراميه الله ياخذ حقك منهم |
لا تتخاذل وتخليهم يفوزون بالارض تكفى ياولد لا تخليم يفرحون بالارض لواحد من اقاربهم ولا من كتاب العدل ارجو انك لا تنهزم وترى الظاهر ما بقي الا القليل
الله ينصرك عليهم وموفق خير |
تبي الصراحة اخوي ادخل على الملك عبد الله هو ترى ما يرضى بالظلم بس سوي معروض يهز واذكر كل اللي تلاعبو معاك حرام يروحون ما ياخذون جزاهم وخذ جميع الاوراق اللي راجعت بها البلدية وغير البلدية والجريدة اللي نزل فيها الاسم وتشوف الرد من الملك حفظة لله ورعاه
|
اقتباس:
|
اقتباس:
|
اقتباس:
|
| الساعة الآن 11:44 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين