لكل من يرغب عمل سيره ذاتيه تفضل هنا (الرجاء الدعاء لي)
 

السلام عليكم ورحمة الله



عندي خبرة في كتابة السير الذاتية ,وأملك الكفاءة في صياغة أي مهارة أو قدرة يملكها الشخص المتقدم للوظيفة ..

وحابة أساعدكم في هذا الموضوع ..

هدفي:

المساعدة في توظيف الشباب والبنات في المنتدى ,لأنني أرى الكثير منهم لديه إمكانات ومهارات وقدرات يجهلها ,وبالتالي لا يكتبها في السيرة الذاتية للأسف ,والمحزن في الأمر انه يخسر الوظيفة ..

أهمية الموضوع:

كتابة سيرتك الذاتية بشكل جيد ,يكسبك مقابلة شخصية وعندها تتوسع دائرة الفرصة لتظهر نفسك بشكل أفضل ..


الموضوع كله لوجه الله ,ولاأقبل أي مبلغ بخصوص أي سيرة ذاتية أكتبها مهما كانت ومهما كانت نتيجتها ..



الرجاء تثبيت الموضوع ,لأني سوف أستمر فيه (إن شاء الله)


## قبل طلب أي سيرة إملأ الحقول أدناه ..

• معلوماتك الشخصية.(اسمك,سنك,محل ميلادك,بلدك,عنوانك الحالي,عنوانك الدائم,بريدك العادي,بريدك الإلكتروني)********معلومات غير مهمة رح أخلي مكانها فراغ وانت تعبيها..
  

• مؤهلاتك العلمية(مع المعدل والتقدير)>>>دبلوم,ثانوية,بكالوريوس,واذا كلها معاك اكتبها.(مع اسم الجامعة أوالمدرسة أوالمعهد)
  

• الدورات التدريبة(مع التواريخ من الى+اسم المعهد أو المركز)
  

• الخبرة (مع التواريخ من الى)

• الهوايات.

• هدفك الوظيفي(ليه تبي تشتغل؟)

• مهاراتك وقدراتك(لاتستحقر أي معلومة بخصوص الموضوع مهما كانت تافهة)

• عضوياتك في أي جمعية أؤ مؤتمر أو اي شي عندك بخصوص الموضوع..

• جوائر أو تقدير أو لقاءات إعلامية ..
  

• أعمال تطوعية (اذا عندك)

• اسماء أشخاص يوصون عليك(مثل مديرك في شغلك السابق,أو الدكاترة اللي درسوك في الجامعة)

• معلومات إضافية ممكن تنفعك,,أو جاوب على سؤالي (وش الشي اللي تقدر تقدمة للشركة أو المنظمة اللي بتوظفك)؟؟
  

كل هذا موثق بالتواريخ متى بدأت كل حاجة ومتى انتهيت ؟؟




كل رجائي منكم الدعاء لي آلاقي الوظيفة الحكومية اللي تريحني والشفاء العاجل والله اني تعبت من المرض وانتم أهل الكرم بالدعاوي:d

الله يوفقنا كلنا لما يحبه ويرضاه ..

جزاك الله خير .....الله يوفقك بوظيفة حكومية ويحققلك مرادك ويشفيك شفاء عاجلا غير اجلا

مشكورة الله يوفقك .

بارك الله فيك

جزاك الله خير

ربي يعافيكي اختي

طيب لو سمحتي ابي تعطين امثلة على هذي الفقرات


بالله امثلة عشان اقدر اسوي سيرتي الذاتية

يعني مساعده منك

و ع فكرة بيني و بينك قاسم مشترك " المرض"

عسى الله يشفيكي و يشفيني و جميع المسلمين و المسلمات


يااارب آمين

حاضر أختي




الهواية عزيزتي,هي جواب سؤال (ماذا تفضل أن تعمل في وقت فراغك ؟)
مثلا,القرأءة,كتابة نصوص أدبية,الرياضة,الرسم,التصميم,جمع العملات والطوابع ,وغيرها

• اقتباس:

  هدفك الوظيفي(ليه تبي تشتغل؟)

أمثلة:

1. الرغبة في العمل الميداني وتطوير الذات ومهارات التعامل مع الآخرين.
2. الرغبة في ممارسة اللغة الإنجليزية بصورة أكبر وتحقيق تقدم في المستوى المهني.
3. تحقيق ذاتي والحصول على لقب المعلمة الأولى على مستوى المملكة..
4. الترقية والحصول على منصب أعلى وتطوير ذاتي ومهامي الوظيفية ..

(طبعا أهداف الناس مختلفة وكل واحد يكتب اللي يفكر فيه)

المهارة:هي شي تعودتي تسوينة وتعرفين له صح ,مثلا عندك مهارة اللغة الانجليزية وتعودتي تحكين فيها ..
المهارات:مثل التعامل مع الآخرين,مهارة كتابة خطابات باللغة الانجليزية,مهارة إقناع,مهارة خياطة,مهارة كوافير,مهارة أعمال فنية ..
القدرات تختلف:القدرة هي شيء ماتعرفين له ,او تعرفين بس بشكل بسيط ..مثل برنامج بالكومبيوتر عندك فكرة عنه بس ماتعرفين فيه كل شي ..
مثلا فلانة تعرف تستعمل برنامج معارف ,لكن ماتعرف فيه كل شي بس بعض الأشياء ..
تكتب في سيرتها الذاتية

• القدرة على استخدام برنامج معارف ..

فيه جمعيات تنظم دورات وورش تدريبية وتعطي عضويات مقابل رسوم مثل جمعية ادارة الاعمال .. فيه ناس تحضر مؤتمرات في الحوار الوطني ,وهكذا.

• اقتباس:

  جوائر أو تقدير أو لقاءات إعلامية ..

فيه اشخاص تشارك في إختراعات أو مواهب وتقدمها للجهات المسؤولة وتاخذ عليها شهادات تقدير وأحياناً جوائز مالية ..
وفيه أشخاص يكونون مرة مميزين ويحصلون على فرصة يحكون عن الشي اللي أنجزوه بالتلفزيون أو الصحف ..
فية ناس تشارك في جمعيات خيرية مثلا تشتغل بدون راتب أو تروح لهم يوم وتتطوع عندهم وتفيدهم بأي شي تعرف تسويه ..


اذا كنتي طالبة متميزة أيام الجامعة تقدرين تروحين للدكتورات اللي درسوك وتقولين أعطيني خطاب توصية ,أو حتى مديرك في عملك السابق ..
الخطاب فيه (ان فلانة طالبة جيدة ومتفوقة وتستحق تكمل ماستر أو العمل في إدارة كذا مثلا)


أعطيك مثال .
عندي مهارات كثيرة ,افهم في التسويق العقاري واعرف اكون وسيط ..وممكن اشتغل في خدمة عملاء ,واقدر اجمع بين عملين ,واتحمل ضغوط العمل,وعندي قدرة كبيرة على التواصل مع شخصيات مهمة,وعندي افكار أنظم فيها العمل وأملك افكار جديدة في جدولة الأعمال ممكن أنفذها ونقصر وقت العمل وننجز أكثر ..

وهكذا ..

فكري وشوفي وش بتجاوبين أنتي ؟؟



الله يشفيني ويشفيك ياخية ويرزقنا بالوظايف اللي تريحنا ..

أختي الكريمة

ليسانس انجليزي ..

سيرتك الذاتية جاهزة ولكني مع الأسف حذفت رسالتك بسبب امتلاء صندوق الرسائل ,ولم أعرف كيف أصل إليكِ مرة أخرى .
الرجاء مراسلتي حتى أرسل لكِ سيرتك الذاتية ..

الله يجزاك بالفردوس الاعلى
ويحقق مطلبك و مطلب كل واحد فينا

ويشفيك و يشفي مرضانا و مرضى المسلمين اجمعين
و جعله الله كفاره لذنوبكم و تطهير لكم

اللهم آميييين واياك يارب
جزاك الله كل خير
اللهم لها مثل مادعت لي واكثر ..