القوات البرية الملكية (إستفسارات ونقاشات)
 

السلام عليكم ورحمته الله وبركاته



يااخوان مافيه الا الجيش يقبل اصحاب الشهاده المتوسط الكفاءة اما الامن العام وباقي القطاعات ماتقبل الا اصحاب الشهاده الثانوبة العامه اذا كان الواحد يريد الامن العام او أي قطاع مثل الامن العام ومعه شهاده المتوسطه الكفاءة ماعنده حل الا انه يواصل دراسته حتى ياخذ شهاده الثانوية واذا كانت الضروف ماتسمح له انه يواصل الدراسه
ماعنده غير الجيش يقبله بشهاده المتوسطه الكفاءة

نصيحه مني لجميع حاملي شهادة المتوسطة الكفاءة اذا كانو يريدون الجيش وماعندهم واسطه

فيه طريقة تخليه يدخل الجيش بدون واسطه كلها 5 او 6 اشهر الا هو عسكري بالجيش

كل ماعليك انك تطلع لك رخصة عمومي وبعدها خذ جميع اوراقك مع الرخصة العمومي و روح اقرب مركز تجنيد عنك في المنطقة التي انت ساكن فيها وقدم لهم اوراقك وهم راح يخذوها بس انصحك انك تروح الرياض قيادة القوات البرية بالخلية بحي الوزارات لان التقديم عندهم مفتوح طول السنة وتقدم اوراقك لهم وهم يخذون معلوماتك مثل رقم الجوال و اقرب مركز تجنيد في المنطقة التي تسكن انت فيها علشان بعد مايدخلو بياناتك في الكمبيوترعندهم في الرياض في القيادة يرسلو معاملتك الى اقرب مركز تجنيد لك بعدها بشهر روح مركز التجنيد استعلام عن معاملتك هل هي وصلت او لا اذا ماوصلت انتظر 15 يوم ورح استعلام عن معاملتك هل هي وصلت او لا في هذا الوقت اذا ماوصلت روح الرياض القيادة واستعلام عن معاملتك وش صار عليها وهم راح يقولو لك كل شي يعني كم باقي يوم علشان يرسلوها واذا هم ارسلوها راح يعطوك رقم المعامله و تاريخها و الى أي مركز تجنيد ارسلوها بعدها روح مركز التجنيد تجد معاملتك عندهم راح يعطوك اوراق الكشف الطبي و اوراق البصمات و اوراق الشيخ وبعد ما تنتهي من كل هذه الاوراق ترجع تسلمها لهم بمركز التجنيد ومركز التجنيد يرسلها الرياض لقيادة القوات البرية ويعطوك رقم المعامله وتنتظر شهر او شهرين او 3 اشهر بعده يصدر لك قرار التعين ويتصلو عليك من القياده تجي تستلم قرار تعينك علشان تباشر عملك كعسكري مستجد


واي استفسار انا مستعد لخدمتكم


اخوكم / الحـــــــمــــــــدي

الجيش تحسنت رواتبهم بعد القرارات الملكية لهم من عند ابو متعب الله يحفظه لنا

الجندي يصل راتبه الى 5000 واكثر

مشكور على الإفادة وجزاك الله خير أخوي

مساعده الناس وخدمتهم واجب على كل مسلم

أنا قدمت بالثانويه
واعطوني جندي أول على رقم عريف

بيض الله وجهك على مساعدة الناس وعلى المعلومات اللي انا شخصيا استفدت منها لان قريب لي اخر سنة المتوسطة ليلي ويبي الجيش
مشكووووووووووووور:w

اتحداك يوصل 5000 ريال
ولك اللي تبي والحاضرين يشهدون

الجندي راتبه ما يقل عن 4430.2 بدون اي اختصاص

بالله عليكم كم الطول طلبين الجيش لان طول 162 ونفسي اكون عسكري بس طولي اشوي مو مساعدني

وعندي سؤال هل الحراس الوطني تاخذني على الطول وانا ماعندي واسطه ومعي شهادة ثانويه