طالبكم الفزعه _ ما أقدر أتحمل
 

أخواني وأخواتي الأعزاء
انا موظف في شركة بن لادن السعودية<---- المفروض يسمونها المصريه أو الشاميه
عموما ماعلينا
أنا موظف مهندس وإداري شبكات لي سنتين والحمدلله أثبت جدارتي ولكن المشكله تبقى أن مديري المباشر اردني الجنسيه زاد رواتب ثلاث أرباع موظفي القسم الاجانب واللي عنده في الإدارة بالتحديد أما البقيه أللي محذوفين في المشاريع برا مافكر فيهم وللمعلوميه أنا الوحيد سعودي في القسم كامل ووردني أخبار الآن أن البقية زادت رواتبهم فوق ألف ريال على راتبه الأول وانا الوحيد اللي مازادني رغم إني أطلق من اللي زادهم بكثير وخدمتي اكثر ..
ولما تقدمت له بخطاب رسمي قال بأرسلها للمدير العام حق الشركه ولي شهرين ألحين ماسك خط الخدمه..

وبرضو مشكله ثانيه كيف اشتكي الشركه في
أولا اللي أعرفه إن أي شركه لابد يكون في زياده سنويه في الراتب بحد معين إلا عندنا مافيه زيادات إلا بالواسطه حتى وانا عندي واسطه زادوني 500 ريال قبل سنه وقالولي هذي هيه لين تتقاعد
وثانيا مافيه ترقيات أثبت جدارتك ولا لأ ..
قالثا : أنا مهنتي مهندس وإداري شبكات ومع ذلك شغلوني كل شي لدرجة والله إني أشتغلت سباكه وكهرباء وتمديدات كيابل شبكه وعامل نقل بضائع حتى لو جهاز كمبيوتر ماأحد يشيله ويكلفوني انا أشيله يعني بالعربي أنا موظف بتاع كلوا على قولة البلاحطه...
خامسا: الأجانب لهم كل شي بالشركه ولهم علاوات وترقيات ورواتب جامده يعني مثال موظف معاي بنفس القسم راتبه فوق عشرة آلاف ريال وأنا راتبي أقل بكثيــــــــــر منه رغم إني أشتغل احسن منه وشهاداتي اطلق منه وخبرتي أكثر منه بس هو أردني وأنا سعودي...
سادسا: الرواتب دائما متأخره ونستلمها كاش كأننا طلاب جامعه حتى الجامعات صاروا بالصراف ...
قولولي كيف اشتكيهم....

اعتذر عن الإطاله ....

الله يعينك (( الشعب السعودي صار محكوم من قبل الأجانب ))

انا اقولك بس اول شي اجمع الادله كلها بالصور واوراق ثبوتيه

ولايردك الا وزاره العمل والله يقويك عليكم ماذبحنا الا الاجانب لعبو فينا

الله ياخذهم هالاجانب لازم تشتكيه وترفع عليهم ادله هذولا مجرمين

يحاولون يضايقون السعوديين حاقدين

تبدو مؤهلاتك ممتازة وخبرتك رائعة لماذا لاتسعى في العمل لدى غيرهم خاصة وأن مجالك مطلوب ومرغوب

ياخي قهر يعني تبينا نقتنع إن الأجانب أستولوا على كل شي ويجب علينا أن نهرب منهم

يالله ، حسبي ونعم الوكيل بس على هالاجانب اللي ما يخافوا رب العالمين
يا هووووووووو يا مسئوليــــــــــــــــــن يا غااااااااااااااااازي القصيبي يا أي مسئول عنده ذره نخوة الحقوووووووونا من الاجانب الحقوووووووووونا
يا نااااااااااااااااااس مين يسمعنا بس ميــــــــــــــــــــــــــن

******
اخوي ترا شركة بن لادن بالذات من اكثر الشركات اللي مستوليين عليها الاجانب
هذه الشركة بالذات والله معروفة عنها انها في صف الاجنبي 100%

Dazzling girlصدقة والله أجانب ميه في الميه وأقل مافيها شاليهات بن لادن المخصصه لموظفين الشركه في جده مايدخلها سعودي لو يموت ماهو من الفصاخه اللي داخلها بل لأنه المسؤولين عنها أجانب

بالنسبه لأثباتاتي ماعندي شي سوى إني أدخل مكتب المدير خلسه وألقطها وأخاف أحد يكفشني بآكل خابور

لا يا أخي ولكن يطلع ويبحث عن راتب أفضل ووضع أفضل ويوثق الجرائم ويفضحهم على رؤوس الأشهاد

أخي معاند جروحه ولله حالتنا تقهررررررر
انا بمجال عملي نفس الحكايه المدير اردني والرواتب السنعه والعلاوات للاجانب وحنا السعوديين نحصل معامله زي الزفت ورواتب متدنيه جداااااااا يعني بالعربي نفس المعاناه

لدرجة هذا الاسبوع فاصل 3 موظفين سعوديين حالتهم الماديه جداا سيئه وبدون سبب مجرد اعذار واهيه
وبالمقابل موظف اجنبيه ما عندها ماعند جدتي عشان زوجها موظف عندنا وطلبه مخليها على تنظيم ملفات وبذااااااك الراتب
ما اقول الا حسبي الله على من سمح لهم يتعدون علينا بس
بالنسبه لك """
فرص الوظايف السنعه قدامك ابحث لك عنها بتروي وهدوء الين ما تظمن وظيفه تستحقها ثم انسحب واستقيل
ولا تقول استسلم واترك العمل للاجانب لانهم ماراح يفيدونك اوتنتفع منهم وانا اختك
اكرشهم بعد ما تلقا وظيفه زينه من كل النواحي .....
ثم بلغ عن تجاوزاتهم لوزارة او مكتب العمل ولو قدمت اثباتات احسن عشان نطهر مجتمعنا من امثالهم
انا حاليا .....ماشيه على نفس الخطه ولله ييسر امرنا جميع
بلغنا وش صار معك

الله يعينك ياخوي لكن للعلم نظام العمل السعودي مهزله في مهزله لم يحدد النظام اي لائحه للعقوبات لمثل هذه الجرائم "وليست مخالفات"

ولا يوجد امامك حل الا ان تقوم برفع شكوى لمكتب العمل الذي سيقوم بالزام الشركة بدفع غرامة مابين خمسة الاف الى عشرة الاف وكل سنه وانت طيب

انا ما اقصد اني ارفع ضغط احد لكن هذا الواقع المرير

وتحياتي لغازي باشا

HR Officer

يارجال عسى الله يعين بس
أنا حاليا قاعد ألعب من تحت لتحت مجهز لهم ضربه قاضيه إنشاء الله

حسبي الله عليهم هالاجانب اللى في شركة بن لادن هم اللى مسيطرين على الوضع

حسبي الله عليهم

اخوي معاند جروحة الله يعينك عليهم
ومالك الاطريقين
اول شي انك تروح لمكتب المدير العام للشركة وتفهمة موضوعك
أو انك تقدم شكواك الى وزارة العمل
واللة يوفقك

لا توقع عقد معهم الا باضافه شرط الزياده السنويه

وصدقني اخر الحلول الكي

حاول بالتروي والتفاهم

ولا تتصادم معهم

سبحان الله هؤلاء الاجانب مع انهم اخواننا العرب ولا نعتبرهم إلا منا وفينا لكن غريب امرهم إذا كانوا اقل منك مرتبة حقدوا عليك وكرهوا من الداخل ونفس الوضع حتى وهم عال العال فوووووووووق ماادري ليش هذا البغض والحقد ، وشوري عليك تجمع جميع البيانات التي تثبت بأن اللي معاك من الاجانب ارتفعت رواتبهم ماعدا انت وانك انت بدليل عقدك اقدم منهم وافضل منهم كفاءة في العمل طبعاً هذا الكلام يقال لدى وزارة العمل . تحياتي لك ،،،،

حسبنا الله عليهم
واحد من العيال الي معي في الشقه موظف في شركة بالرياض من بعد رمضان الي مضي ومسؤله المباشر اردني كره عيشته طبعا الدوام من فترتين الاولى من الساعه 7 صباحا لحد الساعه 1 الظهر والثانيه من الساعه 4 العصر لحد الساعه 8 المسا ودايم يقول انت تتاخر وانت ما تعرف تشتغل ومن هذا الكلام الي يسم البدن المهم الرجال صبر عليه وجا يوم وحصل مهندس في الشركة فلسطيني الاصل لبناني الجنسيه والله ياشباب ان هذا الرجل عليه اخلاق مو طبيعه يعني تحترمه غصب عن الي ما يرضى وقاله الموضوع قال المهندس والله بطريقته هاذي انه طفش ثلاث شباب سعودين من العمل في الشركة حتى تركو العمل لان له عند صاحب الشركة مكانه عاليه وقاله يصبر لين الله يسره من عنده.
وطيب لو تحاول تشوف شركة ثانيه احسن بما ان عندك خبره واي شركة ترحب فيك ما دمت مؤهل لذلك والله يعينك عليهم يالغالي .
الامر الثاني الاخ الي يقول رح وزارة العمل والله سبب مشاكلنا انها وزارة العمل بقرارتها.
الله يوفقك يالغالي ويرزقك الرزق الحلال الي يغنيك عنهم