رجاااءء.. اللي متوظف بالقطاع الخاص ومقدم بجدارة
السلام عليكم ورحمة الله وبركاته
صبااح الورد :) وعيدكم مباارك إن شاء الله :w ياجماعه تكفون احد يجاوبني على سؤالي كم مره سألته ولا أحد فادني بشئ حالياً أنا موظفة قطاع خاص تقريباً لي شهرين واسمي بالتأمينات الاجتماعية سؤالي هو >> *تقديمي في جدارة هل اكتب اني موظفه أو لا ؟ اخاف مااكتب ويعرفون عن طريق التأمينات اني موظفة ؟!! *وهل اكتبها هالوظيفة في الخبرات العملية أو لا ؟ علماً أنه تخصصي محاسبة و الوظيفة اللي اشتغل فيها حالياً مسماها مشرفة إدارية جاوبوني الله يجزاكم خير آستغفر الله الذي لا إله إلا هو الحي القيوم واتوب اليه |
شوفي
انا لمن قدمت في سوال هل انت على راس العمل اختارت لا بالرغم العكس |
ان شاء الله يجي من يفيدك
بس اعتقد ما يضرك و لازم تقدمي استقالتك في الخاص قبل الحكومي |
إن شاء الله إذا طلع اسمي اقدم استقاله
اخاف اقدم استقالتي من الحين ولا يجي شئ :d الله يجزاك خير على الرد انتظر الردود بليييز |
طيب وش يمنعك إنك تكتبين إنك موظفه?
بالعكس هذي خبره لك وتزيد من نقاط مفاضلتك وطبعا إذا كتبتيها في خانة الخبرات العمليه |
الله يجزاك خير أختي
مايحسبون الخبرة الغير تعليمية اللي تقل عن 6 اشهر اخاف احطها لا سمح الله تأثر على التقديم بالنسبة للوظائف الإدارية ماحددوا اخر يوم للتقديم >> عشان احط تاريخ نهاية الخبرة بتاريخ اخر يوم في التقديم آستغفر الله الذي لا إله إلا هو الحي القيوم واتوب اليه |
هذي تفيدك في الوظايف الإداريه
وإللي اعرفه تكتبين آخر يوم قبل المفاضله هو نهايه للخبره مثلا المفاضله تبدأ في 1-8 تكتبين نهاية الخبره ٣٠-٧ هذا إللي اعرفه وتلاقينه مكتوب في طريقة التقديم على الموقع |
إن شاء الله خير
الله ييسر ويفتحها عليك وعلي وعلى كل من يمر على هالموضوع من اوسع ابوابه |
نفسسس حالتي بالضبط
اكتبي عملك وكمان فيه خيار هل انتي على رأس العمل اكتبي نعممممممممم واذا جا وقت المطابقه مري التأمينات الاجتماعيه ضرورررري جدا وخذي لك برنت منهم وكمان خذي تعريف وظيفي من ادارة عملك الحالي مع باقي اوراقك المعروفه وطابقي عاادي جداا واذا عندك دورات اخذتيها من عملك الجديد حتى لو يومين مدتها دهليها في جداره بس ماراح تنقبل الا بوجود برنت واذا قالتلك غير مقبوله ادعسي البرنت بعيونها غصصب عنها تقبله انا نفسك وطلع ترشيحي ومطابقتي اووك بس مااتصلوو علي ابداا في انتظارهم الله المستعان |
الي اعرفة ان شهرين خبرة ما راح تفيدك اصلا
كذلك الوظائف الحكومية تكون مع مؤسسة التقاعد \والقطاع الخاص مع التامينات الاجتماعية يعني لاتقدمي استقالة الا اذا جاك شي اوكي وكمان حطي كل معلومة صحيحة في تسجيلك بجدارة وانا ما اخفيك انه انتابني نفس شعورك بالخوف من الكلمة هذي هل انت موظف ثم بعد كم صفحة يقول لك هل لديك خبرة |
التامينات والتقاعد مربوطين ببعض .. مستحيل يكون شخص عنده وظيفه حكومية وخاصه في نفس الوقت ..
حيكون فيه تعارض .. اذا تأخرت اجراءات استقالتك قبل التعيين ان شاء الله تمشي امورك وماينتبهون .. ونصيحتي عدليها الحين على الاقل |
اخوي انا مثلك وقدمت على جدارة وكتبت اني موظف قطاع خاص
وهذي تفيد فقط بالوظائف الادارية اما التعليم ما يفيد الا خبرتك بالمدارس الاهلية ولعلمك ان من الناس الي تنتظر التوجية للتعليم هاليومين |
كيف حالك إن شاء الله دائما بخير ؟
|
اكتبي انك موظفة اكيييد لها نقاط في جدارة للوظائف الغير تعليمية
|
لاتكتبين انك موظفــه لأنك خدمتك 3 شهوووووور حتى لو انك مسسجله بالتامينات مراح تفيدك كخبره
انا موظف بقطاع خاص خبرتي 4 شهور ماسسجلتها مع اني مسجل في التامينات رحت للتامينات قالو لي اذا خدمتك في القطاع الخا ص اقل من سسنه تقدر تسسحبها لكن اذا فوق سنه تضيفهاا فاانتي خدمتك 3 شهور ماتفيد اتمنى التوفيق |
طيب والوظائف التعليميه هل تكتب انها على راس العمل او لا ؟؟؟؟
طيب واللي كتبت (( نعم )) يطلعون اسمها مع المرشحات والا كيف ؟؟؟ عقدونا قسم بالله !!! |
اقتباس:
نفس وضعك يالغالي ونفس الكلام اللي كتبته كنت ابي اكتبه انا صار لي 4 شهور موظف في قطاع خاص وفكرت كثير في هالموضوع وسئلت كثير عن الموضوع قالو نفس كلامك تقريبا بالتوفيق للجميع والله يوفقنا جميعا ياحي ياقيوم |
الساعة الآن 09:16 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين