[align=center]
السلام عليكم ورحمة الله وبركاته .,
تقبل الله من الجميع الصيام والقيام وصالح الأعمال .,
ونسال الله ان يختم لنا شهرنا وهو راض عنا .,
وكل عام وانتـم بخيـر .,

/

بطرح لكم سالفتي .. وزين حطيتوا لنا مكان نفضفض فيه
انا واعوذ بالله من كلمة أنا ، موظفه في مستوصف خاص
صار لي تقريباُ سنه .,

الامور كانت ماشيه ومقتنعه وماكله هوا وراضيه بنصيبي
والراتب الي كانوا يعطونا في البدايه الي هو 1350 ريال
بعد فترة دخلونا في الموارد البشريه وطبيعي زادوا راتبنا الي 1500
المهم قبل كل هذا .. كان شرطهم انا نعطيهم 500 ريال كل شهر
وقالوا احنا راح نوفر لكم مواصلات وانتوا بالمقابل تتنازلون عن 500 من راتبكم .,
قلنـا .. اوكـي .,
ووقعنا وقتها ورقه مكتوب عليها ( ملحق عقد ) مكتوب فيها ان نعطيهم 500
وهم يوفرون لنـا الموصلات .,

نجي لزبدة الموضوع / عدى 4 شهور واحنا نعطيهم 500 ريال ولا شفنا منهم
مواصلات ..!!!
اتفقنا احنا الموظفات السعوديات مع بعض انا مانعطيهم هالشهر .. لانهم جالسين
يأخذون 500 بدون وجه حق ..!
صحيح احنا وقعنا لكن بالمقابل كان مكتوب شرط توفير المواصلات .,
وهـم ماوفروهـا لنــا .,

هالشهر كنا واضحين معاهم .. ورفضنا نعطيهم ..,
اليوم الثاني بعد مااستلمنا الراتب .,
يجينا المحاسب الاردني والمحاسب الثاني المصري ونازلين تهديد فينا
طبعاُ من القهر قلت ماراح اعطيكم شي لو تقلون لي الباب
قام الاردني يقول عندكم الي بكرا الساعه 10 اذا ماجمعتوا الفلوس بظرف
وسلمتوها لنا راح يصير شي مايعجبكم

<<< ترى احط الفيس هذا بمعنى لاتعليق .. على وضعنا / الاجنبي
يهدد فينــا ..!!

عرفنا انهم ناوين يطلعونا من الموارد .. !!!
حتى 1500 الي ناخذه من الدوله مستخسرينها فينـا ..!

لاحظـوا انا احنا مااعترضنا وقلنا اوكي نعطيكم بس وفروا لنا هالمواصلات .,
مو معقوله ادفع 500 ريال على شي وهمي .. و في المقابل ادفع مثلهم لسواقي
الي ياخذ مني 600 ريال دوام فترتين .,

/

انا خلاص ماعاد تفرق معي .. تعبت نفسياُ .,
لما تشوف موظفين الاجانب بالمستوصف اقل واحد راتبه 8 آلاف
واعلاهــم 20000 الف
مع ملاحظه ان نكرف 8 ساعات يوميا من السبت للخميس واحيانا جمعه بعد .,
ومع ملاحظه كمان انا خريجات كليات .,!
ومع هذا حاطين عينهم على راتبنا ..!!

/

الي ابستشيركم فيــه .,
من حقهم 500 ريال تشوف والا موب من حقهم .,؟؟!
اوكي وقعنا لكن كان كل شي واضح .,
نوفر لكم مواصلات .. تعطونا 500 .,
لكن هم سـاحبين علينـا ..,
نسحب عليهم احنا بعـــد .. وإلي فيها فيها
واذا طلعونا من الموارد مع نفسهم .. والله لايشكر فضلهم لا هم
ولا غيــرهــم .,
<<< عصبــت

/

هذي كانت قصتي .,
عيدكم مبارك
[/align]

[glint]بسم الله الرحمن الرحيم[/glint]منقول الا حسبنا الله ونعم الوكيل الله يفرج همك انتي وزميلاتك لا تسكتين اشتكو عليه موفق بإذن الله ... لك مني أجمل تحية .

ذكرتيني بالمستوصفات
آخر مستوصف كلمتهم قال لي مايهمني وش شهادتك
المهم تعرفين للكومبيوتر وبراتب 2000ريال

مستوصفكم اقل من يعطي رواتب شكله ..

دوريلك غيرهم براتب اكثر ..

الله يوفقك ..

عـزيزتـي أولاً: كـل عـااام وأنتِ بـألـ1000ف خـير
وثـانياً: المـوارد البشريـة تـدعـم بمـبـلغ 1000 ريال
وهـؤلاء الأجـانب زادو لكِ 150ريال عـلـى راتبـك ويخـتلسون منـك 350 ريال وتعـطينـهم 500 ريال مقـابل المـواصلات ،عـلى قولتـك الوهـمـيه
يعـني تـبقـى لـكِ مـن الـراتب 900 ريال أسـألكـم باللـه هـل يـكفي ؟ وهـذا بـعـد زيـادة المـوارد البشريـه ، فـلـو رجعـنا قبـل الـزياده كـم يـتبقـى مـن راتبـك سـوا 750 ريال
مـع أننـي أجـزم مليـون بالميه أنـكِ مـا أخذتـي صـوره مـن العـقد
لكـي تـشـتـكـي عـليـهـم في حـالـة إخـتـلاف أحـد الـشـروط
وحـسـب مـعـلومـاتـي أن المـوارد البشريـه تـدعـم الشركـه بألـف ريال خـلال سـنـه مـن تـوقيـع العـقد معـهم وأن كُـنـت مـخـطـأ أتـمـنـى مـن الأخـوان الـتصحيـح
ودائمـاً القطـاع الـخـاص بأجمـع مشـــاكـــل X مشـــاكــل
ظـلمـو بالـراتـب وليـس لـديهـم مـن يحـميهـم مـن أيـدي المـتـلاعبيـن
(أنـا أعـرف شخص مـوظـف حـارس أمـن لـه 18 سـنـه حـارس أمـن ، وراتبـه 2053 ريال وجـاء حـارس مـستجـد مـاله شهـرين ويأخـذ أزود مـن راتب الحـارس القـديم 2200
علـمـاً بـأن الـحـارس المسـتجـد غيـر مسـجل بالـتأمـينـات ! أليـس ظـلـم ؟
و اللـه يكـون بعـونـكـ
(واالله هالأجـانـب لعـبـو بلـبـلد )
وإن شـاء اللـه سـوف أخـبر الـوالده عـنـكِ لكـي تـدعـي لـكِ بأن يـرزقكِ الله وظيفـه حكـومـيه تـرتـاحـين فيها ويسـتـر عـليـكِ
ودمـتـم لله أقـرب