|
أفيدوني بخصوص معدلي الجامعي بنظام جدارة ..وفقكم الله
السلام عليكم ورحمة الله وبركاته أخواني وأخواتي الكرام أتمنى منكم أن توضحوا لي هذه النقطة : أنا خريجة جامعة الملك عبدالعزيز بجده دفعة عام 1415هـ تقديري جيد جدا و معدلي 3,52 من 5 في هذه السنة عندما قدمت على برنامج جدارة كان مكتوب : معدل من 4- 5 - نسبة مئوية طبعا أنا إخترت من 5 لأني أعرف إن معدلنا من 5 و وثيقة التخرج عليها من الخلف تقدير المعدلات المهم راجعت ديوان الخدمة المدنية بمنطقتي لأستفسر عن سبب عدم ترشيحي رغم أني كنت على رأس قائمة الترشيح وكان رقمي للعام الماضي 2 وإكتشفت إن برنامج جدارة منزلني ومنقص مني خمس درجات من المؤهل العلمي بحيث معطيني 62 نقطة والعام الماضي كنت 67 نقطة .. ولما إستفسرت من مديرة الفرع تعاونت بصراحة معاي وقالت لي يمكن مدخلة نسبتك غلط المهم دخلت بنفسها على بياناتي بجدارة عشان تتأكد ولما شافت إني خريجة جامعة وقديمة قالت لي : إنتي مدخلة معدلك غلط والمفروض تدخلينه من 4 مو من 5 وقالت إن عندهم جدول يمشون عليه وإن خريجات الجامعة عبدالعزيز من عام 1416هـ النصف الثاني معدل جديد من 5 وما قبل هذا التاريخ يعتبر من 4 .. وقلت عشان كذا النظام منزلك من جيد جدا مرتفع إلى جيد :c !! وبعدين حطت اللوم عليّ وقالت ليه ما سألتي قبل ما تدخلي معدلك !! قلت لها وعجزت وأنا أقنعها إن معدلي بشهادتي من 5 كيف أدخل من 4 !! قالت فيه عندهم جدول يقول لهم كذا :y طيب ثاني شي وشلون أدري أنا عن جدولهم هم !! أنا تخرجت من الجامعة وتزوجت وسكنت منطقة بعيدة عن جدة وعلاقتي بالجامعة إنتهت خلاص وشلون أعرف إنهم غيروووا المعدل :eek: طيب ياناس ساعدوني هل فيه أحد مثلي أو عنده خلفية عن الموضوع والمعدلات حقت جامعة الملك عبدالعزيز القديم والجديد وهل فعلا يجب أن أدخل معدلي من 4 رغم أني بالوثيقة من الخلف مكتوب إحتساب المعدلات ومكتوب 5 طيب إذا كان كلامها صحيح والمعدل المفروض أدخله من 4 ما يعتبر هذا خلل ونقص في نظام جدارة لأنه مو موضح هذي النقطة لأني عندما إخترت اسم المؤسسة التعليمية لم يكتب لي عند إختيار المعدل جديد أو قديم رغم أني كتبت تاريخ تحرير الوثيقة 1415هـ أرجوكم أفيدوني علما إني كنت مرشحة العام الماضي ونقاطي كانت 90 واستبعدوني بسبب تاريخ إحدى شهاداتي بحجة أنه تم إستخراجها بعد المفاضلة , أنا خريجة قديمة لي 18 سنة متخرجة حسبي الله فيهم وخلاص تعبت ساعدوني هل فيه أمل إني أشتكي وأتظلم لأنهم غلطانين بإحتساب معدلي وهم السبب مو أنا وفقك الله وأسعد كل من أفادني بمعلومة أونصحني أووجهني والله يرزقه من حيث لا يحتسب أنتظر تفاعلكم إخوتي وأخواتي |
ارجوكم أفيدوني
|
الله يفرج همك ويسر لك أمرك مااعندي علم بس حبيت أرفع لك موضوعك....لا تنسيني من دعاائك ....بالتوفيق لك
|
الله يعينك ان شاء الله
|
اقتباس:
الله يرفع قدرك ويطيب ذكرك دنيا واخرة مشكورة على المساندة المعنوية ومشكورة أكثر على الدعوات الطيبة ربي يوفقك ويرزقك من حيث لا تحتسبي |
اقتباس:
الله يوفقك |
اقتباس:
لكن مديرة الفرع ماعندها سالفة أو عندها سالفة لكن تبي تصرفك .. أعضاء الخدمة المدنية مستححححيل يخطئون (نظريتهم كذا) فمسنحيل تقولك والله اخطأنا ووظفنا غيرك ...لأنه راح يجيها:mish::mish: شيئ مايدخل العقل كلامها .... الحل كالتالي : يروح ولي أمرك للرياض الفرع الرئيسي ويتفاهم معهم .... دعـــــــــــــواتك ... |
اقتباس:
كل شيء جايز وكل شيء مو بعيد على الخدعة المدنية حسبي الله فيهم ظلموني السنة الماضية بالإستبعاد وهذي السنة نقصوا مني ه نقاط من نقاط المؤهل العلمي وصرت 85 بدل من90:c ويحطون اللوم عليّ :do5h: الله يجزاك كل خير على النصيحة باسمعها وبيروح زوجي لهم بإذن الله وبرد لكم خبر ربي يوفقك ويرضى عنك ويبارك لك بعلمك وعملك وعمرك ومالك ويصلح لك كل شأنك ويفتح لك ابواب الرزق من حيث لا تحتسب تقديري وشكري أخي الفاضل |
[align=center]
مافيه الا انك تروحين على الخدمه المدنية المركز الرئيسي بالرياض وتوضحين لهم المعدل وتزوديهم بصورة من الوثيقة لكي يقتنعوا طبعا انتي او زوجك ،،،،،،،، وربي يفرجها عليك وعلينا [/align] |
اقتباس:
أنا خريج لغة انجليزية ولم أتعين من تخبطاتهم . أشكرك على الدعاء ... العفو ... |
اصلا جداره كله تلاعب الدليل انو كل الخريجات اللي متخرجين زمان يشتكون بصفحتهم عالفيس بوك انه مانزل لهم ترشيح وانه العام في رابط المفاضلات اكثرهم كانوا في الارقام الاولي في ترتيب وانه هالسنه بكون ترشيح من نصيبهم بس جداره الغي كل مفاضلات سابقه
|
اختي والله معاك حق مليون بالميه
ولو كان تخصصك مهما كان فيه كثير بعدك وتعينوا المهم لا تسكتي على الظلم والله الحق معاك اقدمي على المركز الرائيسي بالرياض وجميع ما يثبت انو معدلك من خمسه ولا عليك منهم اقسم بالله عذرهم اقبح من الذنب والله حرام وفهميهم كيف النظام السنه الماضيه يحسب لك جيد جدا مرتفع والسنه ذي جيد وش ذا المصخره يعني السنه الماضيه ما يفهم والسنه ذي يفهم لا تسكتي ومالك الا ذا الحل واذا ما فادوك اشتكي كل الوزاره على ديوان المظالم ولا عليك الله يوفقك ويكتب لك الخير والله ان الحق معك |
اقتباس:
اختي الفاضلة بالنسبة للسنة الاولى ليس لهم الحق باستبعادك والاجراء اللي المفروض يصير في هذي الحالة انهم ما يحسبون لك الشهادة في المفاضلة فقط وبالنسبة للسنة هذي الخطأ كان منهم وبفبركة من الموظفة انتقل منك وبصراحة من سمعت بجامعة الملك عبدالعزيز الى يومنا هذا ومعدلهم يحسب من 5 الحل في نظري زي ما قالولك الاخوان جزاهم الله خيرا مالك الا مراجعتهم في الفرع الرئيسي واسال الله العلي القدير ان يعوضك خير وان يرزقك الرزق الواسع وان يكتب لك التعيين مع اول دفعة تنزل للمعلمات |
حسبي الله ونعم الوكيل
حاجة ترفع الضغط الله ييسرلك أمرك زي ما تفضلوا الاعضاء مالك الا الوزارة فالرياض |
كان قلتي لها وريني الجدول الي مشيتي عليه ؟؟
اعطيني نسخه منه هل هو حقيقة ام من خيالها كيف العام ما حسبوا معدلك من اربعه على كلامك ان نقاطك شفتيها وكانت عالية اعلى من السنه هذه والسنه هذه حسبوها من اربعه نظام ترشيح البنات اغلبه بالواسطة وفيه تلاعب كبير الله يسهل امورك وتطلع ترشيحات اخرى وتكون لك نصيب فيها وجميع الاخوات |
الله يفرج همك وييسر امرك ويعوضك عن كل سنه راحت عليك
|
اختي الله يخليك لزوجك وعيالك
نصيحه لا تحزني الحزن ماراح يغير حاجه انصحك بسرع وقت ممكن زوجك يروح الرياض ويكون عنده القدوه على التعبير ويلبس صح لان المظهر مهم عند هالاشكال وتعدلينه لان بفرع الرياض يقدر يعدل وهذا غلطهم انتي مالك ذنب على تغير الجامعه والمفروض يحسبون المعدل على سنه تخرجك والله لو تبين اروح انا وطالب لك حاضر بس ادعي لي انقبل بالترشيح رقم ثنين مع وزارات النكت واتزوج لان الوظيفه والزواج هم همي |
[align=center]
اقتباس:
الله يجزاك كل خير أخوي على النصيحة بإذن الله بيروح [/align]ومعه الأوراق الرسمية كلها وصور منها مع شكوى بعد ربي يوفقك وييسر لك الخير ويصلح لك كل شأنك يارب تقديري وشكري أخي الفاضل |
اقتباس:
الله يجزاك كل خير وربي ما قصرت وياليت تعطيني أسماء موظفين وأماكنهم هذا يساعدني كثير وبتكون قدمت لي خدمة كبيرة ما أجازيك عليها إلا بالدعآء بظهر الغيب ربي يجزاك عني كل خير ويوفقك ويرزقك بالوظيفة عاجلا وييسرها لك ويبارك لك فيها ويكون بعونك مثل ما أعنتي تقديري وشكري الجزيل لك أخي الكريم |
اقتباس:
صدقتي .. أصلا الوزارة طول عمرها فاشلة ولاعبة فيها المحسوبية والواسطات وهالسنة خاست بزيادة مع نظامهم الفاشل جدارة كله أخطاء وأكيد سمعتي ببنات الطايف اللي معينهن بالأفلاج وكانت فضيحة لهم وطبعا إعترفوا بخطأهم وقالوا للبنات بنعينكن بمناطقكن لأن الخرق واسع وإستعصى على الترقيع مثل ما نقول و هذا الرابط : http://www.sabq.org/sabq/user/news.do?id=27973§ion=5 وفيه بنات بعد من الشرقية معينيهن بأبها البهية :) وهن ما طلبن وبنات من تبوك حاطينهن بالعلا كمان غير تكرار بعض أسماء المرشحات في الدفعة الأولى والثانية فيه بنت عينوها مرتين والمصيبة إنها طابقت أوراقها لأنها من الدفعة الأولى وإنتهت خلاص من المطابقة وما درت إلا هم مرسلين لها رسالة ع الجوال : طابقي أوراقك ويوم ناظرت إلا وهم منزلين الدفعة الثانية ومنزلين إسمها بعد مرة ثانية :confused: لا وفيه معلمة رسمية من 3 سنوات متعينة منزلين إسمها مرشحة جديدة :d شكل بيانات جدارة صارت كشنة وهم مثل العروس نايمين بالعسل ولا يمكن يعترفون بأخطاءهم وعلى فكرة تأخيرهم في إعلان أسماء المرشحات وتأجيله لأكثر من مرة دليل على إن فيه خطأ والدليل إنهم ظلموا بنات كثير كانن على رأس قائمة الترشيح وما طلع لهن شيء :m رورو مشكورة ياقلبي ربي يسعدك ويوفقك ويصلح لك شأنك ويحقق لك أمنياتك شكري وتقديري |
اقتباس:
عينوا من تخصصي كثير ربي حسيبهم ما بسكت وأنا أختك بيروح لهم زوجي وبنشوف ردهم وقسم بالله إن ما رجعوا لي حقي في الترشيح ما يردني عنهم غير ديوان المظالم وبفضحهم بوسائل الإعلام بعد ويااارب يغنيني عن هذا كله ويرد لهم عقلهم ويهديهم ويردوا لي حقي , مشكور أخوي على المساندة ربي يوفقك ويصلح لك شأنك كله ويرزقك من حيث لا تحتسب تقديري وشكري [/align] |
هل انتي تربوية
|
اقتباس:
السنة الماضية استبعدوني وكانت صدمة كبيرة بالنسبة لي وتصبرت على أمل أتعين هالسنة وهالسنة مير حذفوني من قاصرها ربي حسيبهم وبالنسبة للمعدل أقسم بربي العلي العظيم إن هذا كلام المديرة بنفسها لي :eek: وحددت لي بعد تاريخ تغيير المعدل بدفعة عام 1416هـ الترم الثاني بالتحديد :confused: بالنسبة للحل ما قدامي خيار غير تشريفهم بزيارة زوجي لهم:) ويارب يفرجها من عنده أشكرك أخوي الكريم على تفاعلك ودعواتك ربي يوفقك بالدنيا والآخرة ويصلح لك شأنك كله ويعطيك حتى يرضيك تقديري وشكري لك |
اقتباس:
والله سواياهم تحير الحليم بس ربي حسيبهم ألف شكر على تفاعلك وعلى دعائك :w وأسأل ربي العظيم الكريم بأن يقر عينك ويفرح قلبك بشفاء زوجك ياااارب وينزل السعادة والسكينة على أسرتك ويبارك لك بكل حياتك ويصلح لك كل شأنك ولا يكلك لنفسك طرفة عين ويجعل لك حظ في الدنيا والآخرة شكري وتقديري |
اقتباس:
تعرف اخوي الكريم قامت المديرة وفتحت الدرج وطلعت سجل ياااااااكبره ونفلت بأوراقه بسرعة وقالت لي : هذا الجدول إنتي كان لازم تسألي قبل ما تدخلي بياناتك O_o بس من كبر الصدمة عليّ :c ما قلت لها وريني :cry: والمشكلة إني راجعتهم يوم الأربعاء آخر يوم بالدوامات لأن هم أعطوني هذا الموعد , وسألتها نفس سؤالك قالت السنة الماضية كان البرنامج بمجرد ما تدخلي معدلك يطلع نسبتك بس جدارة لأ ...لالازم تدخلي معدل و تحددي إنتي نوعية المعدل 4 أو 5 :d بس بإذن بالله لأحضر عندها من أول يوووم وبقول لها : وريني الجدول و أبي آخذ صورة منه وبشوف بأم عيني وبرجع لكم اخبركم بإذن الله وش يصير معي , صدقت ..ترشيح البنات واضح فيه الأخطاء والتلاعب وربي حسيبهم مشكور أخوي على التفاعل والدعوات ربي يوفقك ويصلح لك شأنك كله ويحقق لك كل ما تتمنى ويكتب لك الخير فيه تقديري وشكري |
اقتباس:
الله يسعد قلبك على هالدعوات ربي يستجيب منك يااارب ويوفقك بكل حياتك ويعطيكِ حتى يرضيكِ يااارب شكري وتقديري :w |
اقتباس:
الله يجزاك كل خير الحزن ما بيقدم ولا يأخر معك حق :cry: صدقت بنصايحك الله يعافيك وبناخذها بعين الإعتبار وربي إني جدا مُحرجة من كرم أخلاقك اسأل ربي العلي العظيم الكريم إنه يوفقك ويرضى عنك ويرزقك بالوظيفة عاجلا ويبارك لك فيها يااارب ويرزقك بالزوجة الصالحة اللي تقر فيها عينك ويصلح لك شأنك كله ولا يكلك لنفسك طرفة عين تقديري وشكري |
اقتباس:
إه ياقلبي أخذت دبلوم تربوي من سنتين وبتقدير ممتاز بعد انا عارفة إني لو مو تربوية ما بيكون لي حق في الترشيح أصلا وما بيعطوني وجه ..لأن اللي مو تربوي بيحذفه البرنامج لآخر القائمة وحتى اللي تقديره مقبول وتربوي بيكون أعلى منه عشان كذا حصلت على الدبلوم التربوي ولله الحمد شكرا يا قلبي على المرور |
أعرف إن الموضوع قديم وبإذن الله صاحبته توظفت بس أنا دخلته لأني تواجهني مشكلة مشابهة الآن
صحيح المعدل في جامعة المؤسس يحسب من 4حتى عام 1416فصل أول وبعد كذا الحسبة الجديدة من 5 أتمنى أعرف إيش صار معك أختي وكيف انحلت المشكلة أنا حطيت من 4ودخلت مفاضلات لكن في خطأ في مسمى التخصص عدلوا التخصص كتبوا المعدل غلط رفعت اعتراض رجعوا الغلط في مسمى التخصص والمعدل على حاله حسبي الله ونعم الوكيل |
رد: أفيدوني بخصوص معدلي الجامعي بنظام جدارة ..وفقكم الله
صاحبة الموضوع
رجاء حاااااااااار أحتاج أتواصل معك للأهمية سبق وأخبتك إني أعاني من نفس المشكلة واحتاج تفيديني باسم الموظفة اللي رحت لها وفي أي فرع من فروع الخدمة المدنية .. لأن كلامها هو الصح :Thumbs:وعجزت أفهم العالم اللي ماسكة مناصب على غير سنع |
| الساعة الآن 10:12 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين