تجمع الموجهين للبكيرية
 

السلام عليكم

أتمنى لو فيه أي معلم تم توجيهه للبكيريه يتواجد هنا .. مع العلم
أن مطلوب التواجد في أدارة التعليم بالبكيريه يوم 6 - 10






بـ أنتظاركم

+ أتمنى من أهل البكيرية تزويدي بـ أي معلومه عنها

من وين انت ؟؟ وش تخصصك

انا من القصيم بريدة

حاضر بااي سؤال

انا من الشرقيه وتخصصي كيميا .. ومفروض أني أحرك للبكيريه الأحد .. أعرف الطريق وكل شي .. بس أبي أعرف طبيعه البكيريه .. هل هي قريه أو أيش بالضبط ؟ هل فيها خدمات ؟ سعر الشقق و الغرف .. بعدها عن بريده ..؟

والله لايهينك مقدماً

:wa:wa:waالافضل بالقصيم الاستراحات خذلك غرفة ومطبخ وحوش وحمام تقريبا 8000 سنوي بالبكيرية
يعني اذا وصلت شيك على مكاتب العقار
وممكن تحصل شقق بس موب ذاك الزود لان الاغلب للعوايل
انا من البدايع عن البكيرية 18 كيلو
البكيرية حلوة من ناحية المعيشة هادية وفيها مطاعم حلوة / هرفي- المسافر - الطازج - الفاندوم
الرز- الريماسي - مندي البكيرية (لايفوتك)- شباب البكيرية -ومطعم بخاري بعد هرفي وانت داخل البكيرية
فيها احوال وجوازات ايضا

فيها سوبر ماركت العثيم وفندق رمادا
فيه نادي الامل اذا براسك نادي لياقة عليه مسبح على كيف كيفك
برضه فيه نادي لياقي بفندق رمادا
ومثل ما قلت لك الافضل السكن باستراحة :Thumbs::Thumbs::Thumbs:
لا تخاف حلوة جدا بعثة الهلال اذا كان بيلعب مع الحزم كانو يسكنون بالبكيرية في رمادا مع ان الرس اكبر...
واهلها طيبين ويمدحون حريمهم بالسنع والجمال يمكن لو فكرت تزوج منهم ما بتندم wa:wa:wa
تبعد عن بريدة 60كم عن عنيزة 40
طريق الرياض السريع شاقها شق
اذا احتجت شي راسلني خاص
وبالتوفيق

اللي عنده استفسار عن القصيم يسألني خاصتن عنيزة -الخبراء - رياض الخبراء البدايع- الرس

كل عام وأنت بخير

مبروك التعيين والتوجيه

محافظة البكيرية تقع غرب مدينة بريدة ( عاصمة القصيم ) وتبعد عنها 35 كم وليس 60 كما قال الأخ وهي محافظة هادئة وأهلها طيبون .

ماأقدر ازود عن كلام اخوي زنقه زنقه كفى ووفاء ,,,

بالنسبه للشقق تحصل ان شاء الله عزاب اول ماتاصل عندك فندق رمادا او شقق مفروشه خذ لك شقه

كم يوم لما تحصل عند مكاتب العقار ,, وخذ لك شهري ارخص من الايجار اليومي

والبكيريه كل شئ فيها وتراا هي تبعد عن بريدة بالضبط 25 كيلو من عند طريق الملك فهد يربط بين بريدة

والبكيريه طريق 3 مسارات من البكيريه لوسط بريدة وعاااد بريدة كل شئ فيها من ,, الى

والمطار قريب من البكيريه يعني 10 كيلو للمطار واهل البيكريه اجاااااااااويد والنعم والله بهم

اااااااااخ بس لو انا متعين فيها بس ان شاء الله الجايه انقل لبريدة او للبكيريه ,,

وش بعد اييييه اتوقع انك تبي تمل من البكيريه بحكم انك من الشرقيه يعني ديرة كبيرة

بس ماعليك عندك مثل ماقلت لك بريدة وبعد لو بغيت تمر عنيزة

اي سؤال حاضرين

الله لايهينك زنقه زنقه .. رد واحد أغناني عن 100 رد .. كلامك يريح .. ولو أنك جبت طاري الهلال :p



الله لايهينك مره ثانيه .. وأحتمال أنشب لك لو ضيعت هناك :eek:



:w

الوذف + الوزره

كل عام وأنتوا بخير .. وعيدكم مبارك

بيض الله وجيهكم على المعلومات " خصوصاً بعدها عن بريده و المطار "



:w