نصيحة لأهل الثانويه
 

نصيحة لأهل الثانويه من أخ يحب الخير لناس ياشباب الثانويه إلي من قبل في جامعة أو كلية
ونسبة متدنية لا تفكر كثير وتتشرط أبي هذي وهذي مابيها علشان مايجي وقت وتتندم وتقول
ياليت .... تراها مارح تفيدك ذاك الوقت وتجلس تنقهر على نفسك ..

ياشباب قدموا على العسكريه إذا ماجات أول مره تجي الثانيه أو الثالثه حاول و حاول حتى ربك
يوفقك فيها

تروها زينة ماهي شينه خاصه إن رواتبها طيبه أقل جندي في أخس قطاع في العسكريه
ياخذ سبعة ألاف ريال والله ثم والله لو تدور وين ماتحصلها لا في شركات ولا في الوظائف
الحكوميه . أخوي أصغر مني بعشر سنوات عنده كفائه دخل الحرس الوطني تخرج
وألحين يستلم سبعة ألاف وأنا معي دبلوم تقنية شبكات وماني محصل وظيفة حتى
لو بثلاثة ألاف والعسكريه كان أقربائي يقولن لي تعال وحنا ندخل كنت أقول العسكريه مابيها
وألحين ودي فيها بس ماني قادري علشان عمري تجاوز الثلاثين سنة لا وبعد متزوج وعندي
بنت الله يحفظها والله ياحالتي مايعلم بيها إلا ربي والله ماكتبت هذا الكلام إلا ما أبغى أحد
فيكم يصير فيه إلي صار فيني كل واحد يجلس مع نفسه زين ويفكر ولا يضيع سنينه على أوهام

والله يوفق الجميه

جزاك الله خيرا
 

[align=justify]اخوي والله ما قصرت نصحت وهذا يدل على حبك الخير لكل الناس
نعم من يتأخر اليوم يتعب بكره والعسكرية حلوه وصارت رواتبها عالية
وفرصها اليوم كثيرة والناس كمان كثرت والوظيفة اللي اتوفرت اليوم يمكن ماتتوفر بكره
اللي معاه ثانوية لا يتردد في العسكرية
7000 ريال راتب ممتاز واليوم والله ما تسوي شئ نحن نعيش في عصر الغلاء
والشعب 70% مستأجر والشقق صارت من 25000 وانت طالع صاحب لي مستأجر في جده رفع صاحب العمارة الايجار على المستأجرين من 26 الف الى 35 الف دفعة واحدة يالطيف يعني شهريا 3000 فقط للايجار واليوم الراتب صار مايكفي وما يرتاح الا من لديه زوجة موظفة تساعده .[/align]