المشروع لقيته ياريجيل 2
 

[align=center]سلام عليكم .












اول شي الله يسامح اللي دخل بنيتي واتهمني اتهامات باطله .

ثاني شي الله يكفينا شر الحسد ( افهم يافهيم )

ثالث شي الله يكفينا شر الانانيّه .


ياجماعة الخير , يشهد علي الله اني مادخلت بنية مهيب زينه ..كان مقصدي الاساس اساعد الناس اللي ظروفها صعبه " المعاقين , اللي ممنوعين من العمل في القطاع الخاص والعام بسبب ظروف معينه , الايتام , طالب الجامعه اللي متغرب او ماعنده احد يصرف عليه ...." .

بعدين مهوب شرط ان اي احد يخش بالمشروع هذا انه راح ينجح , ممكن ماينجح يعني يمكن يكون نصيبه في شغله ثانيه غير هذي الشغله ..لكن الاكيد ان حظوظ النجاح عاليه بعد توفيق الله سبحانه وتعالى ثم باالمزايا للي ذكرتها بالموضوع الاول .

عموماً المحتاج فقط فقط فقط هو اللي راح اخبره .

الله يسامح الجميع مقدما وانتم مني في حل .

والسلام عليكم ورحمة الله وبركاته .
[/align]

الله يصلحك اي حسد ؟؟؟

انت قلت شي عشان الناس تحسدك عليه؟؟؟؟

موضوع كان غامض وفيه التفاف

وايش هي الضمانات؟؟؟

لو تلاحظ انا كاتب افهم يافهيم ..

الغموض بالنسبه لك انت ..لكن للي تنطبق عليه الشروط اوضح من عين الشمس .

بعدين ايش دخل الضمانات يالطيب !!

شكرا .

اخوي اهدى وصلي على النبي

انا ارد عليك ما ابغى اتصادم معك ابي توضح لنا اكثر عن المشروع وش هو كم راس ماله ومن هالعلوم

اما انك تحط موضوع وتقول لذوي الاحتياجات الخاصة والايتام ترى هذا فيه غموض واضح وممكن الناس تشك فيك

اللهم صلي على سيدنا محمد عليه افضل الصلوات واتم التسليم .

يالغالي ماهنا مصادم ولا هنا الا الزين .:) ..

ياغالي انت تنطبق عليك الشروط او لا ؟؟
اذا نعم ابشر راح اعلمك .. اذا لا فنبي منك دعوة في ظهر الغيب وجزاك الله خير والموضوع مهوب موجه لك ..عشان كذا حصل لك غموض .
حياك الله .

اخي السيف وان شاء الله لك من اسمك نصيب انت تعلم والجميع يعلم ان الارزاق بيد الله وحدة

والظروف المالية لا انت ولا انا نحدد اصحابها ونحصرها في فيئة محددة الظروف المالية تمر على جميع الطبقات دون إستثناء

واما قولك لن تخبر الا صاحب الحاجة فتذكر اخي السيف إن عزة النفس لا تساويها كنوز الارض مهما كان هذا المشروع حتى يطلب منك فكرة المشروع

واخيراً اذا صحيح لديك فكرة مشروع قد يستفيد منها الجميع القسم امامك تستطيع انزال فكرتك اما اذا قصدك المناورة واللعب بالأعصاب فهذه امور ليست من سياسة المنتدى

حياك الله .. نعم صدقت الارزاق بيد الله سبحانه ..لكن تقارن اللي راتبه 5000 ريال وتوه شباب وصحته زينه بالشاب المتغرب اللي جاي من جنوب المملكه او من شمالها عشان الدراسه ساهر ياكله والاجار ياكله والتاجر الجشع ياكله !!

مين احق بذمتك ؟


الامر الاخر يالغالي ليش نطالع الجانب السلبي لأي شي دايما .. يعني يوم يجي طالب جامعي زي اللي ذكرت انا فوق ويقول السلام عليكم يالاخو معك طالب جامعي تنطبق عليه الشروط . هل هاذا فيه جرح لعزة النفس !! امركم غريب. او يجي ثاني ويقول السلام عليكم , يالطيب انا تنطبق علي شروط ويشهد الله على ذلك . هل ذي فيها اذلال !!

ياجماعه لانتجنى على بعض..لا نكون حساسين بزياده .
بعطيك مثال بسيط .. انت لو وقفت بالشارع وقلت يالله ياجماعه هذي 100.000 ريال راح اوزعها على المحتاج بس ..تاكد راح يجيك المغتني قبل المحتاج وتلقاه يزاحمه بلقمة عيشه مثل ماهو صاير واقعيا الان قانون غابه القوي ياكل الضعيف , وهل اذا جا واحد قال يافلان انا تنطبق علي الشروط ووتاكد هو من الشي هذا وفك ازمة اخوة المسلم اللي فعلا محتاج , هل يعتبر المحتاج هذا اذل نفسه ..!

! شي غريب فعلا ..


بعدين انت دخلت في نيتي على طوول ..سبحان الله العظيم ..يعني انا جاي اطقطق على الناس هنا !! ليش السلبيه في التعامل بالشكل هذا !!

عموما انا سامحت اللي دخل بنيتي واتهامي بالباطل .

والسلام عليكم ورحمة الله وبركاته .

اخوي السيف والرمح اول شي جزاك الله خير

ثاني شي الناس هنا ما يعرفونك ولا يعرفون عنك اي شي سوى معرفك...

بالله كيف يثقون فيك....ولا حتى نعرف وش هو مشروعك.,

على اقل القليل عطنا نبذة مختصرة عنه...يعني في اي مجال..كم يبي من الوقت عشان يسترد راس المال...

وبعدين لو جاك اكثر من شخص المشروع راح يكون من نصيب مين بالضبط؟؟؟؟

هل المشروع لشخص واحد فقط,,,ام انه فكره والكل بامكانه يطبقها...

وهل تقدر تعطيهم تسهيلات مثلا في استخراج الرخص والمعاملات الحكومية...



وجزاك الله خير

وترى مانشكك فيك ولا شي بس يبي لك طولت بال وسعت صدر شوية

حياك الله ياغالي ..واحب احييك على اصرارك على فهم الموضوع وانت ان شاء الله لك مستقبل طيب ماشاء الله .


ابوي .. هل تنطبق عليك احد الشروط اللي انا كاتبها ؟؟

يا نعم او لا .. لاحظ اني مفترض حسن النيه وانك صادق ولاانتب كاذب ..

اذا نعم انا بعلمك .

اذا لا . الموضوع مهوب موجه لك .

بس .

ترا المساله ماهيب معقده ولا شي .

حياك الله .

الشروط موب منطبقة علي

لكن اعرف شخص محتاج جدا

وانت ابخص بفكرتك ومشروعك......

وجزاك الله خير